… آسفة على هذي الكلمة… ما أداني شي إسمه كتب و ما أحب أتعلم … ما اذكر كيف اتصرفت وياها … بس أحيد أني عطيتها ظهري … سألتني ببرووووود يجتل الواحد من القهر … زين انتي ليش متضايجة و لييييش حرجّــتي؟؟؟ موضوع واااايد عيبني وصدقتي في كل اللي قلتيه
أنا نفس الشي من النوع اللي يحب كتبه واااايد ولو شو يصير ما أخربهم ولا أشخبط عليهم ولا أعفصهم ولا أفرهم
ودايمن في البيت يعيبون عليه وأخويه يوم يبا يقهرني يزخ كتب من كتبي يعرفني إني ماحب حد يضر كتبي
وأنا كتبي أحتفظ فيها في مكتبتي وفي بعض الرفوف اللي في البيت ومستحييييييل أفرهم
شكلي وايد طولت السموحه بس وايد تفاعلت مع الموضوع 
ما شاء الله عليج في الموضوع اللي طرحتيه …. وأنا مثلج كتبي أحتفظ فيها بس مب كلهم اللي أحبهم يعني لو بتشوفين المكتبة بتحصلين كتبي مال أيام ثاني ثانوي وثالث تانوي وكتب لمساقات معينة من أيام الجامعة وحتى ربيعاتي عرفوا عني حب القراءة أستووا يهدوني كتب أحيانا مع كتابة أهداء منهم وتبقى عندي ذكرى عزيزة منهم وبالنسبة للكتب الجديمة طبعا كانت تنفر في ال**الة … 
.. لا تحرجين علينا أصبري بقول لج السبب …. .. قبل ما كان في وعي وايد من الأهالي بحيث أنهم يحثون عيالهم على المحافظة على كتبهم والمدارس بعد ما كانت تغرس هالقيمة في نفوس الطلاب الحين أستوى شوية وعي من الأهالي والوزارة صارو يطلبون الكتب في آخر السنة واللي ضيع كتابه يدفع مبلغ معين يمكن تكون هاذي أول خطوة في أحترام الكتب والمحافظة عليها…… تدرين يوم أسافر أخذ وياي كتب عسب أقراهم هناك وفي مرة أشتريت كتاب مال أحلام مستغانمي ويمكن شفتي أحجام كتبها من النوع الكبير تصدقين أني خلصته قبل عن أسافر وهناك تميت أشتري الجرايد كل يوم …….. طلعت عن الموضوع السموحة منج 
بس انا مب النوع الي يحب قرا وايد
وبعدين انا احطهم فالمخزن او اعقهم
ادري انه غلط والمفروض اقراه وجي
…………..
وسمووووووووووووووووحه
لاني مااحب القراءه ولو اني ادري انها مفيده وممتعه
بس انا بعد عندي اسبابي طبعا اول سبب مب مقنع صراحه وهو اني ما احب اقرا عموما احب اسمع واشووف احلى……
ثانيه اصدع بسرعه واشوف الحرووف فوق بعض (هههههههه) حوول عفانا الله
وامل بسسسسسسسسسرعه
تتدرين اختي دوووم اتقولي اقري وتنصحني وانا طاااف
حتى توه اتقوول خبري ميلودي انها اتموووت على القراءه ودووم زاخه اكتااب تقراه…
واتقولج انتي فنانه والله ايوفقج وان شاء الله اتميين دووووووم جي
ما غريب من أختنا ميلودي..
بخصوص الكتب..راميها إلا الكتب الدينية احتفظ فيها..
ما أحب أخلي مخزن كتب هههه
وفق الله الجميع
موضوع حلو الصراحه
أنا عن نفسي قبل كنت ما أصدق أني أخلص الدراسه وكنت افر الكتب في المدرسه
كنت أخليها ما ارجعها البيت (واثقه من نجاحي )
يوم كنت في الثانويه العامه وعقب ما خصلت أحتفظت بكل كتبي لأنها فيها كل اسراري وسوالفي ايام الثانويه ومن هاليوم قمت احتفظ بالكتب وقمت احتفظ بكتب الجامعه ماشاء الله حجرتي ما فيها مكان في كل مكان كتب .
حتى أن كتب الثانويه الكل استفاد منها أخوي يوم الثانويه ذاكر من كتبي حتى ربع قاموا يستلفون كتبي ( مصريه كنت ما اخلي شي ما أكتب )
اما الكتب اللي ادرسها الحين .. بعدها موجوده داخل كبت خاص ممكن بحدود 20 او 25 كتاب طبعا غير المذكرات .. طبعا لاني بحتاجها في المستقبل وبتكون بمثابة مرجع مهم لي في العمل 
——
ميلودي شكرا عالموضوع
أطيب تحية ..
أختي..ميلودي..
ناقشتي موضوع مهم جدا..
وأنا أشوف بعد تقدمنا من خلال العلم..هو أفضل طريقة للوصول لسلاح العدو..
يمكن يبتها من ناحية ثانيه..
بس انا شراتج..
كتبي مستحيل اتخلى عنها..
وخاصة ان تخصصي رياضيات وعلوم..يحتاج مني دوم أرجع لكتبي التي درست فيها في الجامعة..
يعني لازم أركض ورا كل شي جديد وما تضيع مني أي معلومة..
وحتى كتب المرحلة الثانوية للحين احتفظ فيها..
وخاصة التي احس اني أحتاجها أكثر وأكثر في تدريسي..
بس اتوقع ان من اليوم وساير ماراح يكون في كتب…
ثورة التكنولوجيا راح تستبدلها بسيدياااات..
ونحن مع التغيير..
أختج..
آهات الروح
في نقطه قالتها أختي آهاات
أن التعليم الحين صار كله على سيدهات وعلى الكمبيوتر
ومن هذا المنطلق يتلي فكره .
بما أن سلومي يوم على شي اسمه كمبيوتر
شو رايكم أنسوي له أستنساج عسب عقب نستفيد منه ومن مخه الكمبيوتري خخخ
تصدقوا مو الكتب أحتفظ بها وبس…….. حتي الدفاتر والمذكرات
موضوع جيد سلمتِ أختي ميلودي
مع إن أمي دايما حشرة معاي بسبة هالكتب اللي تارسين الحجرة واللي صايرة مخزن بسبتهم
بس اكثر الكتب اللي احتفظ بها هي كتب التاريخ والتربية الاسلامية والانكليزي
وبالنسبة لكتب الكلية,فمعظم المذكرات عندي وكل الكتب موجودة بمكتبة خاصة
وكنت بعد أجمع المواضيع الحلوة اللي في الجرايد والمجلات وحطهم بملف خاص ووصل عدد الملفات لحوالي عشرين ملف متروس من المواضيع المتنوعة والمتفرقة,وبأوقات الفراق افتح الملفات واقرى المواضيع
ومشكورة على الموضوع