سلمكم الله عندي شغل وايد مال المدرسة وما خلصته ومن اسبوع وانا ااجل فيه لين اليوم ومن كثر ما اني طفرانة منه كرهته
اليوم قلت لازم اسويه ولا الابلة العودة بتضربني وبتقول عني مب شاطرة وما بتحط لي نجمة 
قلت قبل ما اخلصه اسولف وياكم شوي
شو رايكم ف اللون الازرق بالنسبة لي احلى لون ف الدنيا مرة قريت بيت شعر يقول ((لو ما كان اللون الازرق احلى لون ف الدنيا ما كان الله اختاره لون السما ولون البحر))طبعا هو كان موزن وبقافية مب جي مثل ما انا كتبته
ولد اخوي الصغير اشتروا له كتاكيت صغار وملونة وحدة منهن ماتت سارو قالو له يا فلان الكتكوتة ماتت رد وقال ((حظهابتشبع رقاد ))
منو فيكم شاف الباصات مال المداراس يوم تطلع كلها ورا بعض من المدرسة بالنسبة لي يكون منظر حلو لي يوم اكون مناوبة وواقفة ف نهاية الدوام واشوف البنات يركبن الباصات وبعدين تتحرك الباصات وتستوي جنها مسيرة ولا قافلة ….جربو تشوفون هالمنظر
شباب المنتدى مب تسيرون عند مدارس البنات اونكم تبغون تشوفون الباصات وتقولون شموخ قالت لنا انا ما يخصني لو زختكم الشرطة
يا جماعة العيايز ليش يحبن الفلوس جي عندنا عيوز ف البيت((الله يحفظها ويخليها لنا ويطول بعمرها)) يوم بطلنا شنطة يدها حصلنا فيها مبلغ محترم وكل ما سمعت طاري الفلوس قالت ابغي ومناك تيمعهن ولا تصرف منهن شي 
شو ايي ف بالكم يوم تشوفون الدخون يوم تحطونه ف المدخن وخيوطه تتشكل ف الجو
بالنسبة لي احس بمتعة كبيرة يوم احطه وايلس اطالعه واشوف الاشكال اللي تستوي فوق المدخن وف نفس الوقت استمتع بريحته شو رايكم حد فيكم جرب يطالع الدخون وهو ف المدخن كيف يفوح 
والحين بسير المطبخ بشوف شو مسوين 
اشوفكم بعد الفطور ان شاء الله 
عاد أنا ربيعتي يسمونا الاخ الكبره ما بكتب بالإنجليزي نحن نقول عغنوه بس بصوت هادي دوم كانو يردون ساحر عشق جنيه ولا مره سمعتها بس في الباص كنت اسمعها من البنات بس أخر أيام عدي
ألحين نحن في الثانويه مب وايد يصير في الإ بنتدائيه والإ عداديه
عاد أختي قبل لا نام يسوي دخو ن الواحد يرقد وهو مرتااااااااح خ
يسلمو خيتو عالطرح
شو ايي ف بالكم يوم تشوفون الدخون يوم تحطونه ف المدخن وخيوطه تتشكل ف الجو
بالنسبة لي احس بمتعة كبيرة يوم احطه وايلس اطالعه واشوف الاشكال اللي تستوي فوق المدخن وف نفس الوقت استمتع بريحته شو رايكم حد فيكم جرب يطالع الدخون وهو ف المدخن كيف يفوح
يالسة اقرا موضوعج واتريا الدخون يخلص
خليتيني ارد احط دخونه صغيره واجرب كلامج
بس مادري اللي كان هامني اكثر الريحة مب الشكل,مع ان شكله حلو والدخان يطير
وتسلمين على سوالف ماقبل الفطور
.
يسبح ويدخن قبل لا يرقــد ياسلاااام راااااااااااااااحــه ..
باصات المدرســه جايفتنها ولا بعـد على أيام المدارس كان كل الباصات تكون ورى بعض إلا باصنا دوم جي لأنه المدارس تكون حذال بيتنا تقريبا .. وأجوف باجي الباصات اقول أفا لو كنا ضمن المجموعه ^_^
والله يخليلكم ولد أخــوج. وها الموقف ذكرني بالسلاحف يوم ماتت ويانا أخواني حفروا حفره جدام بيتنا ودفنوهم قالو حرام نخليها جي برع يمكن حد بيلعب فيهم …
وتقبل الله منا ومنكم صالــح الأعمـــال..
وتسلمين الغاليه على سوالف قبــل الفطور بس ماشي سوالف بعد الفطور؟ّ! ^_^
تسلمين على السوالف سوالفج يونس الواحد في خاطري اقعد معاج انتي تسولفين وانا اضحك خخخخ
بالنسبه لي ما عندي سوالف احب بس اسمع واطمش وضحك هذا مبدئي بالحياه خخ
نحن يوم كنا في المعسر كانو البنات اللي اللي ييلسون في الأخير يغنون ويصفوق عاد
عاد أنا ربيعتي يسمونا الاخ الكبره ما بكتب بالإنجليزي نحن نقول عغنوه بس بصوت هادي دوم كانو يردون ساحر عشق جنيه ولا مره سمعتها بس في الباص كنت اسمعها من البنات بس أخر أيام عدي
ألحين نحن في الثانويه مب وايد يصير في الإ بنتدائيه والإ عداديه
عن نفسي بصراحة ما شفت البنات يدقن ويغنن ف الباصات اللي شفتهم الاولاد كانو مال التاسيسي يدقون ع السقف مال الباص وجريب الدريشة ويصفقون ويغنون
الباص يوم وقف حسيت انه داخله فرقة مب اولاد مدرسة
لكن تبين الصدق شكلهم كان حلو وهم مندمجين ويغنون بحماس
يسلمو خيتو عالطرح
الله يسلمج
شكرا على المشاركة والتواصل
اختي فيج شيء
اوديج المستشفى
ما يهون علي اشوفج جذا
ههههههههههههه
سواااااااااااااااااالف
والي ضحكني ولد اخوج
ولد اخوي الصغير اشتروا له كتاكيت صغار وملونة وحدة منهن ماتت سارو قالو له يا فلان الكتكوتة ماتت رد وقال ((حظهابتشبع رقاد ))
الله يحفظه لكم
عقله موزون صح
خخخخخ
يالسة اقرا موضوعج واتريا الدخون يخلص
خليتيني ارد احط دخونه صغيره واجرب كلامج
بس مادري اللي كان هامني اكثر الريحة مب الشكل,مع ان شكله حلو والدخان يطير
طبعا الريحة هي الاهم يوم نسوي الدخون لكني كنت ايلس اطالع الدخان يوم يتشكل وكل مرة اشوف شكل غير
وتسلمين على سوالف ماقبل الفطور
الله يسلمج
شكرا على المشاركة والتواصل
أولـ شي عن الدخون ماجربت إني أتأمله بس ريحته وايد حلوه شرات ماتقولين حلو الواحد
يسبح ويدخن قبل لا يرقــد ياسلاااام راااااااااااااااحــه ..
جربيه هالمرة وشوفي بتحسين بمتعة
والله يخليلكم ولد أخــوج. وها الموقف ذكرني بالسلاحف يوم ماتت ويانا أخواني حفروا حفره جدام بيتنا ودفنوهم قالو حرام نخليها جي برع يمكن حد بيلعب فيهم …
ما شاء الله عليهم اليهال يسوون مواقف وحركات تضحك من الخاطر
وتقبل الله منا ومنكم صالــح الأعمـــال..
منا ومنكم ان شاء الله
وتسلمين الغاليه على سوالف قبــل الفطور بس ماشي سوالف بعد الفطور؟ّ! ^_^
الله يسلمج
اممممممممممممممممم
سوالف بعد الفطور ماشي
شوفي ام خماس
شكرا على المشاركة والتواصل
تسلمين على السوالف
الله يسلمج
سوالفج يونس الواحد في خاطري اقعد معاج انتي تسولفين وانا اضحك خخخخ
صدوي داخلة مسرحية ولا شو السالفة
بالنسبه لي ما عندي سوالف احب بس اسمع واطمش وضحك هذا مبدئي بالحياه خخ
شعار جائزة خليفة السنة (كن مميز))
شو رايج فيه
شكرا على المشاركة والتواصل
حي الله راعي السيكل
اختي فيج شيء
اوديج المستشفى
ما يهون علي اشوفج جذا
امممممممممم مبين علي
والي ضحكني ولد اخوج
الله يحفظه لكم
عقله موزون صح
ما شاء الله عليه
شفت كيف تفكير اليهال الحين
شكرا على المشاركة والتواصل
بالنسبة للون الازرق " غرامي " .. لون هادي ومريح وماتشبع العين منه
وصح لسان الشاعر اللي " **رتي" بيته .. السما والبحر … والطبيعة على مد النظر .. لونها ازرق
وعلى قولة مشجعين فريق تشيلسي blue is the colour
[LINE]hr[/LINE]
ماشاء الله على ولد اخوج .. كلام فلاسفة الصراحة .. متأكدة مافيكم أصول اغريقية ؟!!
[LINE]hr[/LINE]
من زمان وانا انطباعي عنج انج دايما تشوفين الجانب الحلو من الاشياء .. والحين تأكدت
والا بالله عليج " شو من الحلاة " في منظر الباصات .. الا ازعاج وصدعة .. وانتي " مناوبة " يعني فوق الازعاج شمس وحر وتعب
بس بحاول اشوفها بمنظورج يمكن تتغير فكرتي واستمتع بالمنظر ويتحول الازعاج الى سمفونية
[LINE]hr[/LINE]
العيايز والفلوس قصتهم قصة .. احس ان وجود الفلوس بالنسبة لهم يحسسهم بالأمان
توني قارية خبر عن عيوز مسكينة .. على قولتهم فقدت تحويشة العمر تحت الرمال
وهذا رابط الخبر
http://www.raya.com/site/topics/arti…&parent_id=122
[LINE]hr[/LINE]
التأمل في الدخون .. تفكير غريب .. بس حلو .. احس ينمي الخيال والابداع لأنج بتمين تركبين صور واشكال في خيالج
الصراحة ماعمري جربت هذا الشعور .. بس عجبتني الفكرة و اليوم بجابل المدخن وبشوف
[LINE]hr[/LINE]
المهم في الموضوع .. خلصتي شغلج والا لأ