ما رأيكم في الموضوع 2024.

سواقة الحريم … والله ابرك بوايد انه الحرمه تعرف انها تسوق ولا انها تطلع وي السواق بروحها مما له الاثار السيئة … بس اتمنى من الشباب الطايش ما يتعرض لها با ي نوع من الانواع .. لانه رفض الاهل لفكره سواقة البنت .. على سبة اللي يسمعوونه من الشباب … بس يا ليت يستوي عادي ونسوق ؟؟!!
😡 🙁

ولعل تسليم السيارة إليهن يزيد في الحرمة إذا كان في ذلك خوف

الإنزلاق والفتنة.

والفرق بين السيارة والدابة التي كن النساء يركبنها في السابق ان

السيارة لسرعة حركتها توجب الفتنة والغرور والخطر الذي لم يكن في

الدابة، أما إذا لم تكن المرأة مكشفة ولا محظور، فحال السيارة حال

الدابة في الجواز.

تحياتي…

أنا في رأيي بأن سواقة المرأة للضرورة ،،،،يعني إذا كانت المرأة عاملة فستضطر لركوب السيارة مع سائق غريب عنها سواء التا**ي أو سائقها الخاص ،،،، فمن أحسن بأن تركب مع سائق غريب أو تسوق بنفسها ؟؟؟؟؟؟ ولكن بشرط ان تلتزم المرأة بالحجاب الشرعي لها اثناء السواقة ،،،، فإذا خرجت المرأة متبرجة وهي تقود سيارتها فمن الطبيعي بأن يلاحقها الشباب ،،،،

أما إذا كانت المرأة لا تعمل فسيكون هناك من يوفر لها احتياجتها الاساسية والثانوية ،،،، يعني ليس له داعي عملها ….

هذه الطامة الكبرى ..

سياقة المرأة …

ومن صفاتها :

باردة في السواقة ….(لايشوفون يمين ولايشوفون يسار ..الشارع شارع

ابوهم …يلفــون اي وقت يبووون))

والله يعينك اذا دعمتها …. انت اللي تتصل بالشرطة …و ….و….وهي

يالسة في سيارتها ….ويوم اييييي الشرطي تنقع كلام من عندها ..

هو الغلطان …..مب انا …هو اللي لف علي ….الخ

والله يعين اللي تدعمه امرأة ….

اظن هذا الكلام يكفي ((بس لايكون عصبتوا))

اسأل مجرب ولا تسأل طبيب 😉

من وجهتى نظري:

أنا لا أؤيد سواقة الحريم بتاتا وبكل حال من الاحوال

لانه
اولا: ما اقدر افتي فيه

ثانيا انا متاذي من سواقة الحريم مثلا اذا كنت تمشي ورا سيارة تسوقها مرة
يالله سوق شوي شوي واذا سيارة يايه من الجهة المقابلة بتضرب بريك
ليش انزين ليش ابغي اعرف(هذا طبعا اذا كان سيد واحد)
وفي الدوار حاسب اذا كانت حرمه على يمينك حاسب تاخذ يسار وما تنتبه لك يعني انت اللي تحاسب مب هي.

هذا غيض من فيض.

بس احنا ليش ما ناخذ السعوديه مثال:
الحريم ممنوع يسوقن.
وحياتهم ماشيه على احسن وجه

لا ضرورات ولا غيره

يعني بها الحاله الشباب مجبورين يوصلون اهلهم………

المهم انا لا اؤيد والسموحه على الاطاله..

ppp ppp ppp ppp ppp ppp

لكن البنت شو اتسوي يوم اتلاقي كل يوم واحد من اهلها يتمنن عليها على انه يوديها وييبها وفوق كل هذا تتريا بالساعات لين ما يتفيق ياخذها من المكان ولا بيوديها لمكان

ويوم اتقول حق حد من اهلها قوم ودني يقول لها انا مب فاضي سيري شوفي حد الثاني ولا يقول لها ما شي بترول في السياره ولا تعبان وشويه ما تشوفه الا طار عند ربعه الحين توك اتقول تعبان وماشي بترول كيف طلعت عيل ولا خله حد من برع يقول تعال يالله كيف يركض ويوم الاهل يقولون لهم تعالوا اتقول زاقرنهم المرض ما يبون واذا يو مادين الحلج شبرين والحاله لله لكن بعض الشباب والبنات ما عليهن قاصر يساعدون في هذا الشي

انزين البنت ما تبى زكاه انته اخوها او ابوها اذا ما تقول لك قوم ودني اتقول حق منو ؟؟؟؟ بعدين الحينه الدنيا مالها امان

بعدين كل واحد قاعد يافع عن جنسه حق شو جيه ما تشوفون ما تعرفون مثل ما البنات ما يعرفن يسوقن ترى الشباب بعد ما يعرفون يسوقون يتحرون السرعه كل شي عاد اونهم خطيرين وبعدين انتو ما تقرون اكثر الحوادث اي نوع من الجنس( الذكور) والسبه شو السرعه وطبعا هاي لها اسباب يا انه مستعيل ولا انه يستعرض او نه يخرب على غيره من غير التحرش

ومثل ما الشباب حريفين في السواقه نفس الشي البنات بعد حريفات في السواقه

فالبنت يوم اتقول بسوق سياره لها اسبابها يا لدلع او للحاجه والفرق ينعرف والتربيه اتوضح

موضوع حساس….
انا سمعت في احد الاذاعات انه من الاولى للمراة بالسواقة في حالة اذا وحدة ما عندها احد يوديها الجامعة بدل ما تركب كل يوم مع غريب..
وانا الصراحة من هذه الناحية اييد وما اظن واحد يحب اخته تركب مع غريب دوما …… واعارض لانه بصراحة بعض البنات طالعين بسبب وبدون سبب دايم الدوم……

**أم عمارة**