بقلوب مؤمنه ودعناا يوم أمس والدناا الغالي الشيخ زايد بن سلطان آل نهيان رئيس دولتناا الحبيبة دولة الإمارات العربية المتحدة ..
والله إن العين لتدمع وإن القلب ليحزن ولا نقول إلا ما يرضي ربناا
وإنا لله وإنا إليه راجعون
والحمدلله رب العالمين ..
اسمحوا لي أن أعزي نفسي وأعزي شعب الإمارات والأمة كاافة
أخى الكريم وأختى الكريمة .. هذا هو مصير الجميع نسأل الله حسن الختام
ماهو شعورك حقيقة عند سماع خبر الوفاة رحمه الله رحمة واسعه
والله لما وصلني الخبر احس ان حد صب علي ماي باااارد
الله يرحمه يارب العالميين
سبحان الله
امي توفت من 6 سنين في رمضان
و الحين ابوي و ابو الجميع رحل في رمضان
الله يرحمه و يغمد روحه الجنة
ريح المسك
دعاؤه كله للشيخ زايد وااااايد يصيحني و تميت لين بعد الصلاه اصيح ودموعي فاضحتني الكل كان
يطالعني بس ما كنت اقدر امسك نفسي وحتى ماعرفت لا اتسحر ولا افطر
ولا ارتحت في رقادي و أول مانشيت على طول فزيت من شبريتي وسرت عند الجريده ويلست اصيييييح وانا
اشوف صور الشيخ زايد الله يرحمه وحتى لما سرنا صلينا عليه صلاة الغائب اول ما كبر الإمام شعر ينبي وقف
ماتوقعت ولا اتخيلت في حياتي اني اصلي صلاة الجنازه على بابا زايد الله يرحمه
ويجمعنا به في جنات الفردوس آمين يارب العالمين
انا لله وانا إليه راجعون
و اتصلت ربيعتي و صعقتني بالخبر..الله يهديها
متضايجه من البارحه و خانقتني العبره مب قادره اصيح..و حتى لو قدرت اتذكر ان البكاء يضايق الميت..و ارجع اتجلد..الله يرحمك يا شيخنا
سألت امي معقولة ؟؟
قالت امس غيروا اللحكومة اكيد اليوم صار شي
ماقدرت اصدق لين الحين
اول ما سمعت الخبر صارخت صرخة قوية لااااااااااااااااااا زاااااايد للللااااااااااااااااااااا
صدقوني الين الحين حاسة اني في كابوس وعقب شوية بنش منه
ولكن ما اقول غير لاحول ولا قوة الا بالله
اللهم اجرنا في مصيبتنا واخلفنا خير منها
وعزاؤنا في اولاده ان شا الله
ريم
الله يرحمه ويغفر له
لين الحينة مب مصدقة الخبر .. كنت راقدة وأول ما ياني الخبر على طول جذبت الخبر وقمت لتلفزيون
اقول لا لا بابا زايد حي … والله ان القلب حزين لفراق ابواا الشعب … ومات العيد في الامارات مات
etsadgoon enna 3eyooni ma shafat ennom men yoom ma sema3at khabar wfat el3’alii
wallah mo emsadgha leeeeeeeeeen al7een
ma adree shoo sayerli —– dhagat 3li ednya yoom wesalii elkhabar
bas yallah shoo ensowii kadhaa allah wo ghadareh —- khloo emankon bellah ghowi —- ed3oolah belra7mah wo elma3’ferah ——— wo yesaknah fee ganat elferdous
en shaa alaah
بس الخبر كان صدمة قوية … لازلت ما مستوعب الوضع ..
انا وصلني الخبر بعد صلاة التراويح .. رحت البيت بسررعه اتأكد ..
وشفت الخبر .. بس لازلت مب مستوعب الي صار
على طول خذت المصحف وقريت قرآن
الله يرحمك يا ابويه زاااايد
وصلني مسج من ربيعتي مكتوب فيه انا لله وانا اليه راجعون
انا من شفت هالمسج نقزت من مكاني حسيت والله بالخبر اللي بسمعه ومن احلامي اللي كنت احلمها فطرشت لها مسج (شو صاير خوفتيني) اتصلت وكانت تصيح قالتلي الشيخ زايد توفى يتني صدمة وحسيت بضيجة وقلت هاليوم اللي كنت اخاف انه ايي يا
كنت في خاطري اقول كيف بنعيش من غير بابا زايد…كل شي في الامارات مرتبط باسم زايد….. كل شي بيذكرنا في ابونا زايد…..ما اتخيل اماراتي بدون زايد
انا في الايام اللي طافت وايد كنت افكر في هالسالفة خاصة بعد ما سمعنا ان الشيخ زايد الله يرحمه كان تعبان
بصراحة انا في اليوم الاول ما استوعب الخبر وكنت مب مصدقة اسمع المذيع في التلفزيون يقول المغفور له الشيخ زايد الله يرحمه
اليومين اللي طافوا كان كل شي فيهم كئيب اول مرة يمر علينا يوم هالشكل
وخاصة اليوم وقت التشييع
فقدنا شي كبير وعظيم
انا لله وانا اليه راجعون
كا نفس ذائقة الموت