ماردة فعلك لو قالوا لك انت حي"؟؟؟؟؟ 2024.

حدث موضوع غريب لي الاسبوع الماضي
المهم فالموضوع
ان وااايد اتصالات يتني وكلهن يقولوون انتي بعدج حيه؟؟؟
بدووون شرح للموضوع ,,يعني اختصر السالفة.
شو ردة فعلكم بتكوون لو حد يتصلبكم ويقولكم ((( انت حي))))؟؟؟؟؟ فكرناك ميت الحين وفعدااد الاموات
والناس تصيح عليك وانت حي؟؟؟
ههههه

موضوع طريف ..

ذكرني بموضوع في الجوازات ..

كان عندي تجديد للجواز وقد كنت مستعجلا لانهائه لكوني على سفر الى بريطانيا …

المهم الجواز خلص بعد يوم وعند طلب الفيزا تبين ان الجوازات اخطأت في تاريخ الميلاد فجعلته 1-1 .. المهم عند مراجعتي للجوازات … اكمل البحث مدة ساعتين عن طلبي القديم لمراجعته .. وفي الاخير اتتني المسؤولة قائلة ان ملفي غير موجود اي بمعني انني توفيت وتم حمل ملفي …. (لا ادري اي عقلانية يفكر بعض الناس) فما كان مني الا ان اذهب للمدير الذي ضحك ثم استشاط غيظا على الموظفة ووصفها بالغباء لكوني قد راجعت عندها ووقعت من المدير بالامس ….

فالحمدالله على نعمة الحياة ….

لووووووووووووووول

انت يمكن ضحكت عالموقف
هذا كااان يوم الاربعاء الموضوع فالييل جيه 10 فالليل
ااناا تمييييت زاايغة وايديني ترتجف يمكن ليين رقدت وطوول الوقت اجمع معلومات عن المتوفيه ومفكرينها انا
وصراحة عرفت كل شيء بالتفاصيل الممله
لاني كنت خاايفة والله حتى تخيلت عمري انا مكاانها
وتميييت صيح اخر الليل اخر شيء نمت وحلمت كوابيس بعد
🙁
🙁
🙁
اذكر في الجامعة سمعنا خبر وفاة واحد من الشباب وسبحان الله كان في تشابه بالاسماء بين الشخص المتوفي وبين زميلنا بالجامعه . فاتصلنا بربيعنا وقالنا انا ياي في الطريق … فقمت وان شلة من الاصدقاء الله يسامحهم ….. وكتبنا نعي في ربيعنا والي بوبا يعزيه يتفضل الفله وعلقناه في المسجد وبعد صلاة العشا كل الشباب قروه وانا والشله سرنا فلة اربيعنا وتمينا اهناك نتقبل التعازي لين دخل بو الشباب علينا مستغرب فجا يعزينا ونحن ميتين من الضحك والناس مستغربه من اربيعنا المييت ……… وتمينا نضحك لين الفجر والجامعة كلها اعرفت بالسالفة وطلبونا في ادارة الجامعة وخذنا معانا الجريدة ( هي الي انقذت الموقف ) وقلنا لهم كنا نتقبل تعازي هذا الشخص المتوفي المذكور في الجريده ……………..
😀

ومره دخلت البيت واسمع صوت نواح وصياح فيوم دخلت عليهم الكل سكت جنهم شايفين ملك الموت والكل كان متفاجئ لين نطق واحد منهم وقالي معقوله انك حي … قلتلهم ليش قالولي الناس يايه الحينه في الطريق اتعزينا فيك لانا اخوك الصغير قالوله انك مت بحادث سير ….. لووووووووووول فتميت اضحك .. واتصلنا في الناس انطمنهم عني .:D

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top