بدش في الموضوع على طول
ليش بعض الناس يوم يتكلمون
كلامهم كله سب
مثال
كان في واحد الله يستر عليه يرمس ربيعه
يقول حق ربيعه شحالك يا كلب ؟
؟؟
انزين ليش ما بيستويبك شي لو رمسته باسلوب احلى
حتى اخواني الاثنين
يتكلمون وكله كلام ما ارووم اكتبه
و عادي يلعنون بعض
على كل صغيره وكبيره
اضربهم بس بعد ما في فايده
بس خاطري اعرف شو اللي يخليهم يرمسون جي
اونهم عاد رياييل الريال ريال
و هالحركات مالها اي داعي
و اسمحولي
شكرا
الله يهديهم
ومشكووره ع الموضوع
سلاامي
………….
هالشي صح وايد منتشر .. بس شو تقولين
في ناس يستخدمون هالالفاظ من باب الغشمرة وفي ناس يستخدمونها فعلا .. بس فالحالتين عيب وقطع خشم
وهالشي يدل على جهل الانسان .. ويدل على انه قليل ترباية .. فلا تقصرين فنصحهم .. مب تضربينهم لان الضرب بيخليهم يعاندون بما انهم يهال طبعا .. انصحيهم وايد ابرك ما تضربينهم .. حشى لو ينقزون عليج رقدوج بالهوسبتل هههههههههههههه
مشكورة عالموضوع الحلو البسيط
من شب على شي شاب عليه
فتلاحقوا عليهم وسنعوهم
وخلكم انتو الكبار قدوة للصغار
المشكلة برع
يمكن تروم تمنعهم يرابعون الخربانين
لكن في المدرسة خلّط بلّط وين تروم؟
شو العمل زين؟
ما فيه مثل زراعة المبادئ
الدين والخلق يعني
بالتوجيه والقدوة
ننتقل لاخوانا الشباب
مثل ما قلتي
ربعنا الشباب يظنون ان هذا من الرجولة
وهذا الظن مزيننه لهم الشيطان ونفوسهم
يروم يسب بويه لوح يعني ريال
ويمكن يسب مجاملة لربعة في أسلوبهم
أو تقليد لهم وتزلف
عافانا الله
تعال شوف الأفلام الأجنبية اللي يشوفونها
توت توت (ألفاظ حذفها الرقيب بس انتو تعرفونها)
وراهم وراهم أي شي يسويه الغرب شب***ا وراهم
نصيحة
لو اربيعك الروح بالروح استخدم وياك هالاسلوب
لا تجاريه ولا تجامله وقوله ان هالشي مب زين
بس في كل المشاكل نلف واندور
ونرجع في النهاية نقول ما شي دين
أو الدين ضعيف
أصلا ما فيه أحلى من اللسان العفيف النظيف
قال الرسول عليه الصلاة والسلام
"ليس المؤمن بالطعان و لا باللعان و لا بالفاحش و لا بالبذي"
انا اول شي بغيت اسلم عليكم كلكم …
ثانيا يا اختي عاشقة الظبي بعض الناس يتحسبون ان لو سبو حد نحن بنحطهم فوق راسنا …
وما يعرفون ان ما بنحط لهم اي اعتبار
انا عضوة يدية واتمنى اني اكون عند حسن ظنكم …
. .. . . . .
وعن السب اوهو لا نشدين . .. .
توه الساعه 6 دقت لي وحده من ربعي . . وهي داقه كذا مره . . . . بس انا تلفوني ماسمعه
فسيده من قلت الو . ..
يا حيواااااااااااااااااااااانه . ..
خيبه خيبه . .. << الصراحه انا خفت . ..
بس عادي مرات سب سوالف . ..
احيدهن يقولن لي يوم ما رمسهم وعقب يتصلن يسألن << ترى انا ما سأل عن حد عوذبالله مني
المهم يقوليلي يعلج الموووووووووت اشتقنالج
<<< فديتك لو مره ما تشتاقلي مابا شوقكن . .. !!
يقول حق ربيعه شحالك يا كلب ؟
^_^ عجيبه هاي
يسبو بعض والي يسب ام الثاني (اعوذ بالله)
ولما وحده يكون هذا اسلوبها وياي
المح لها ان مايعيبني واذا استمرت
اقولها فويهها مايعيبني هالاسلوب
او اني اقطع علاقتي وياها وصارت وياي هالحاله
حتى لو كانت تمزح اعتبر مزحها ثقيل ماتحمله