لكن اعود لعنوان الموضوع
لماذا لا يفتح المجال للزواج من الخارج ؟
سؤال وجيه وفي مكانه الصيح
الكل منا يتفق ان الانسان بطبيعته يعشق الحريه ويسعي اليها جاهدا
وحينما تكون الحريه تمس ذاته فانه يكون لها اكثر عشقا
ولعل الاختيار في الزواج
هو اقرب شي للانسان
ولعل في هذه العجاله اسرد بعض النقاط المهمه والتي تبرر للزواج من الخارج
1ـــ هناك بعض الشباب لديه شروط في شريكه حياته وهذه الشروط ربما لا تتوفر في بنات بلده كاشده البياض وغيره من المواصفات الجمالية الاخرى
كذلك بعض الشباب يرى ان التفاهم قبل الزواج سببا لا نجاحه وهذا كما هو معروف لا يتوفر في المجتمع السعودي
2ــــ ان المراه السعوديه اصبحت ندا للرجل في كل شي فهي تريد ان يستئذان الرجل منها اثناء خروجه من المنزل
3ـــ المراه السعوديه ليست لديها تضحيات في الحب فهي لا تملك مشاعر رقيقه وعاطفيه
4ـــ الحاله الماديه لكثير من الشباب لا تؤهلهم للزواج نظرا لتكاليفه الباهظه
5ـــ اجبار الرجل علي الزواج من بنات بلده يفتح المجال للمراه ان تتمرد عليه لانه ليس لديه اختيار ثاني
هذه راي الشخصي وهناك من يختلف معي
ولكم تحياتي
تراني ما اعرف شي اول مره اشارك؟
————————————————————————————–
بس راي في الموضوع انه
ليش ما يخلون البنت هيه اللي تختار شريك حياتها والله هذي فكره تساعد على التقليل من هذي الظاهره
يو يحي الريال يخطب بنيه حطو جدامه ميت مطبه ومطبه خلو حياته عثرات
انا اللي ابا افهمه ليش ما يسهلون الطريق جدام بنتهم ويخلونها تخطف والله يسهل عليها
يا ليت ياخذون بعد بشوها عل وعسى يسعدونه
هذا راي واحترم اراءكم
السموحه
اختكم مهاا^_^ااري
وأكيد بدون ما تزعل أو تتضايج
ترا الا هو نقاش
بدايه ،،، أشوف كلامك ،، ماله أساس من الواقع
وفيه انحيازيه شديده
================================
1ـــ هناك بعض الشباب لديه شروط في شريكه حياته وهذه الشروط ربما لا تتوفر في بنات بلده كاشده البياض وغيره من المواصفات الجمالية الاخرى
أخويه …. السعوديه فيها البنات بالملايين
وان ما عيبتك وحده ،، شي غيرها
وأنته تظلمهن يوم قلت ((( كاشده البياض ))))
لأنه في بيض وشي حنطاويات وشي سمر
وكلن له جماله الخاص
والانسان يوم بياخذ وحده
قال الرسول عليه الصلاه والسلام
اظفر بذات الدين
وهالشي مب معناته انه ما نهتم بالجمال
لازم نهتم به ،،، بس مب لدرجه الهوس
أهم شي … انسان يريحك
ويفهمك من نظره عيونك
===========================
كذلك بعض الشباب يرى ان التفاهم قبل الزواج سببا لا نجاحه وهذا كما هو معروف لا يتوفر في المجتمع السعودي
أخوي قصدك … يغازلها
سؤال شو هو التفاهم اللي تطلبه
يرمسها بالتلفون أو تظهر وياه
بحجه انهم يبون يتفاهمون قبل العرس
اذا يشك انه ما بيتهنا وياها
يصلي عليها استخاره
ويشوف نفسه بعدها
اذا حس بنوع من الراحه
يتوكل على ربه وياخذها
============================
2ــــ ان المراه السعوديه اصبحت ندا للرجل في كل شي فهي تريد ان يستئذان الرجل منها اثناء خروجه من المنزل
ليش التعميم …………… !
أصابع ايديك مب مثل بعض
والريال بأسلوبه وذكائه يروم
يمشي حرمته على هواه
الا اذا كان ماله شخصيه
=============================
3ـــ المراه السعوديه ليست لديها تضحيات في الحب فهي لا تملك مشاعر رقيقه وعاطفيه
😮 😮 😮 😮
=============================
5ـــ اجبار الرجل علي الزواج من بنات بلده يفتح المجال للمراه ان تتمرد عليه لانه ليس لديه اختيار ثاني
ليش الريال بنظرك … ديايه ( دجاجه )
حرمته اتمشيه على هواها وعلى كيفه !
وين شخصيته ، وين كبريائه وشموخه
الريال ريـــــــــال ( وان ما كان ريال)
مب بس يستاهل ان حرمته تثور عليه
يستاهل انها ادوسه بنعالها
==============================
المشمشاني^^
