لغزنا اليديد يا جماعه .. واللي هوه اللغز رقم ثلاثه .. يقول:
"ما هو الحرف الذي لا يمكن أن تبدأ به أي كلمه ؟"
نعيده مره ثانيه؟ .. حاضر ومن عيوني الثنتين .. اللغز مره ثانيه:
"ما هو الحرف الذي لا يمكن أن تبدأ به أي كلمه ؟"
نعيده مره ثالثه؟ .. اقراه يا أخي فوق وفكنا ..!!
لا يكون هذا بعد لغز جديم ؟!! .. يديد جديم .. والله أنا ما يفرق عندي .. المهم عندي هوه الجواب .. والمهم بعد هوه صاحب الجواب اللي بنطرشله هديته ..
يالله يا جماعه واحد .. اثنين .. ثلاثه .. انطلقوا ..!!
العائد للتحدي/ ابوماجد
اعتقد حرف الهمزة يعني (( ء )) ………..!! صح ولالالالا لالالالالالالالاع 😀
احم……..اعرف اني رديت و عدلت بس ابي اضيف حرف فكرت فيه
حرف الـ (( ة )) مافي كلمه تبدأ بهذا الحرف ولالالالالالالالاع
المرعب والاجر على الله 😮
مع السلامه
تصبحون على خير
هااااااااااااااارد لك..لا همزة و لا هااااء ..ما اعتقد الجواب يكون في هذي السهولة 😀 بس بصراحة ما اعرف الجواب و لا مستعدة افكر بالجوااااااب…باجر يمكن اجاوب عليه 😀
MoOoOoN
ليش يا الطيبين .. انتوا تتحسبون ان كلمة "إبعاد" مثلاً لا تبدأ بحرف الهمزه .. لا يا اخوان هاذي الكلمه تبدأ بحرفين . وهما الهمزه والألف .. لأنه يا أخوان ما فيه حرف واحد في اللغة اسمه "أ" أو "إ" .. هاذي يا جماعه أكثر من حرف .. وبعد .. كلمة "تبعد" تراها تبدأ بحرف التاء .. والتاء سواءً كانت مفتوحه وإلا مربوطه .. تراها تاء ان سارت أو يت .. لا يا جماعه .. اسمحوا لي الجواب مب صحيح ..
على العموم يا "المرعب" و يا "ولد أبوظبي" حاولوا مره ثانيه .. ونصيحتي لكم ..حاولوا تفكرون في حل اللغز بطريقه ثانيه غير اللي جربتوها .. يعني اذا كان شارع الاتحاد مغلق .. سير الشارجه يا أخي عن طريق شارع الامارات .. وكل الطرق تؤدي الى روما .. اتمنى لكم كل التوفيق .. وانشاء الله تعرفون الجواب وتفوزون بالناموس .. ..!! وصدقوني صدقوني .. والله العظيم فيه حرف ما تبدأ به أي كلمة.. انتوا يوم بنحل اللغز بتحاولون تجربون بأنفسكم استخدام ونطق هذا الحرف وما بتقدرون .. و والله العظيم ما بتقدرون .. يا ساتر شو هالتحدي العنيف ؟!! .. اسمحوا لي لازم نسوي شوية دراما وفرقعة وآكشن عشان بس نحمسكم ونير غيركم حق اللغز 😀 😀 😀
اللي لازال محد قادر ي**ر تحديه/ ابوماجد
اخوك الوالي
يا ضيفنا لو زرتنا ، لوجدتنا … نحن الضيوف وأنت رب المنزل
وأنا يا سيدي الوالي تحت أمرك .. اذا حبيت أقول الجواب الحين تراني بقوله .. أنا ما أقدر أخالف توجيهاتكم وأوامركم الساميه .. لكني أحب يا الطيب انك تعطي الأخوان فرصه بس لين باكر .. بس لين باكر .. واذا ما حد عرف الجواب .. بنقول نحنا الجواب .. ونحنا تحت أمرك يا الحبيب .. انته بس أأمرنا ..
نحنا يالسين نتريا ..
وما بنسير لين ما تينا الأوامر ..
ونشوفكم يا الطيب على خير/ ابوماجد
ابو ماجد جزاك الله خيرا
بس اود ان اقول لك ان مدحي هو ذمي ارجوا منك ان لا تمدحني اكثر من ذلك
واحب ان ابارك لك بحلول شهر رمضان المبارك كل عام وانت بخير اعاده الله علينا و على امته بالخير
اخوك الوالي
أخي الوالي العزيز..
أولاً : وكل رمضان وأنت وجميع الأخوة الأحباء بألف ألف خير ، وتقبل الله طاعتكم في هذا الشهر الكريم.
ثانياً: انا يا أخي العزيز آسف كل الأسف ان كنت قد بالغت في المدح .. مع اني والله دائماً أحس اني مقصر في ذلك بحق اخواني وأحبائي .. الذين اعتقد انهم يستحقون أكثر من ذلك لما غمروني به من احترام وحسن معاملة .. ولكني يا أخي العزيز لا أملك الا ان أنزل عند رجاءك .. فأنا لك ولست عليك .. وانشاء الله سنراعي ذلك في المرات القادمة .. مع أننا سنبقى دائماً ننتظر ان تترك لنا الحرية لنمدحك بما نعتقد انك تستحقه .. والذي هو دائماً أكثر مما سنوفق الى قوله انشاء الله.
واختم بجزيل شكري وتقديري لك على التهنئة بالشهر الفضيل ، وكذلك على التنبيه لما تحب يا أخي العزيز.
اما بخصوص حل اللغز فاننا سنحله الليله اذا محد قدر يحله.
والسلام عليكم ورحة الله وبركاته.
بووووووووووووووووووووووووومايد
انا فشلت
للاسف ما عرفت الجواب
بس يقولون كلمة (لا) مب حرف
ماعرف والله
انا شاكة في الاجابة
بس مو مشكله
مجرد محاوله
😀
bintalnoor
فروحـــّـه
اسمحوا لي عل التأخير ، وآسف على التلويع !!
أولاً: اختي bintalnoor ، الاجابة يعني نصها مب صحيح .. والنص الثاني بعد مب صحيح .. يعني كلها مب صحيحه .. بس شو أسوي ؟!! .. يعز علي أني أقول حق حد ان جوابه خطأ.
والآن .. نعم الآن .. الآن وليس بعد الآن .. الى النهائية وما بعـ .. أوه آسف .. أنا شو يالس أقول .. احم احم .. ايها الأخوة والأخوات الأعزاء .. الأخت العزيزة فروحة .. الآن بنقول لكم حل اللغز .. اللغز الي يقول:
"ما هو الحرف الذي لا يمكن أن تبدأ به أي كلمة ؟"
الحرف المطلوب للعدالة .. هو .. هو ..
الحرف الساكن ..
نعم انه الحرف الساكن .. الحرف الذي عليه علامة السكون .. ما تصدقون .. حسناً جربوا أن تنطقوا اي كلمة بحرف ساكن .. أي ليس مضموم أو مفتوح أو م**ور .. شوه ما تقدرون ؟!!.. طبعاً لازم تضطرون يا انكم تضمون الحرف أو تفتحونه أو ت**رونه .. لا يمكن تنطقون كلمه تبدأ بحرف ساكن .. طبعاً انتوا يلستوا تدورون في الأحرف الهجائيه .. ومسكتوها المسكينة من الألف الى الياء وقطعتوها تقطيع .. مساكين .. ما عليه .. خيرها في غيرها .. وجائزتنا بقت في جيبنا .. ابو سيف .. هاه شو تقول؟ .. أكيد اللغز جديم .. طبعاً .. والدليل انك جاوبت !!
اللي آسف على عدم تمكن أحد من **ر التحدي/ ابو ماجد
باكر في لغز مثله .. تسحروا عدل .. تراه صعب وايد .. وجائزته قيمه !!