لا لسواقة الحريم وألف لا

وجعل له المهمة الأساسية الساميه بهذه الحياة مهمة التناسل

وتربية النشأ وتعليم الأجيال

فمالها ومال ركوب السيارات ومجاراة أعمال الرجال

اللي نشوفه أحيانا الصراحة شي ما يسر الخاطر بنات شباب في مقتبل العمر متبرجات وتارسات سيارة
ومتجمعات عشان طلعة الكوفي ولا السوق

ولا المشهد الأخير لبنتين واقفات يصلحن السيارة وسط الدروب وقدام خلق الله الصراحة وهن بنات مواطنات بالشيل والعبي ( والله لولا الحيا 😡 ولا نزلت لفيتهن بالعقال ولا هاي السوات الأجانب ما سووها)

خواتي يلسن ببيوتكن وكان الطلعة لها حاية طلعن أحيانا مالها داعي هاي الطلعات كليوم للسوق ولأشياء ما لها داعي

((وقرن في بيوتكن ولاتبرجن تبرج الجاهلية الاولى ))

المثل يقول ( اذا كان رب البيت بالدف ضاربا فشيمة اهل البيت الرقص) 😉 يعني هذا كله راجع لاهل البيت ترى في ناس مايدرون عن عيالهم

وبعدين يا اخوي المواقف اللي اتشوفها لا اتعممها على كل البنات اذا مجموعة بنات سووا هذا الشي فهذا مب معناته ان كل البنات جذي

شكرا على الموضوع الجيد

صح لسانك اخوي … انا ما احب سواقة الحريم … بس اعذر البعض لأسباب منها مرض الزوج … و اسباب اخرى …. و غير هذي الأسباب القاهرة مافي داعي الحريم يسوقون

و يا ليت يعرفوا يسوقون عدل بعد:rolleyes: :rolleyes:

تحياتي

الصراحة احترنا معاكم ..

مب متفيجين توصلون خواتكم واهلكم ولا تطلعونهم تحاتون عمركم وطلعة الشباب ..

يعني الدريول اهون ولا انها هي تسوق بروحها ؟؟؟

شو رايك .. انا اشوف خلها تاخذ الليسن وخلها تقضي شغلها وحايتها وحاية أهلها في حدود الحشيمه والحيا يعني اخوها الصغير يطلع معاها لو وقت متأخر ولو الضحى او الصبح خلوها تطلع ..

والحمد لله انا لو شفت بنات متعطلة سيارتهم بروح وبكل احترام بساعدهم .. والحمد لله مثل ماشي الزين شي الشين ولا تعممون ..

اما عن قولك : ( وجعل له المهمة الأساسية الساميه بهذه الحياة مهمة التناسل ) ..

رفع رب العالمين قدر المرأة في قرآنه الكريم وتؤكد سيرة الحبيب المصطفى ذلك .. لتأتي وتحط من قدرها وتقول للتناسل ؟؟؟؟

وكأنها خلقت لتلبية حاجة الرجل لإشباع شهوته وغريزة الأبوة ؟؟

أخي الكريم جملتك صحيحة ولا غبار عليها سوى انك أوصلتها لنا بأسلوب تعيس .. لا ترضاها اذن أخ او أخت ..

والسموحة على الاطالة

[/c]

:confused:

:rolleyes:

صار حق اخوي هالموقف ونحن كنا في العين والحمدلله ع كل شي تم اللازم;) :p

اذا كان رب البيت بالدف ضاربا فشيمة اهل البيت الرقص

مثل ما اقلت جاره القمر (كله راجع لاهل البيت

تحياتي
😎

ما شاء الله عليك مسكت

اليوم من صباح الله خير كنت رايحة الدوام … شفت واحد عند التقاطع نازل من السيارة يالي يعاتب ربيعه…

:rolleyes:

ليش معطل الشارع … لا اشارة و لاهم يحزنون على الأقل عط دبل اشارة و ريح راسك … و رفع ضغطي و يكفي الوالد يوم يقول لي تراج متأخرة اليوم … ألحين منو الغلطان

وش حلاتهم الشباب لما يديمون و يشخطون سيارتك و يلفون عليك بدون اشارة

اخوي مب الكل شراة ما تقول … في بنات ماشي احسن عنهن محترمات اعمارهن و لما توقف سيارتهن … يتصلن بالأنجااااااااااااااااد

Melody

[gl]Roya[/gl]
فعلا في أحيانا أسباب تستدعي خروجهم لكن الحالة اللي ذكرتها كانت اللا حواطة وطلعة بنات ما لها داعي

[gl]حلوة دبي[/gl]
ppp ppp 😀 😀

[gl]بشتختة [/gl]
هلا جيف الحال يا مرحبا بك
أخوي التناسل ما أعتقد أنها شي يحط من المرأة ولا كرامتها أبدا بالع** اللي يرفع من شأنها ولو كان التعبير مو خلو هنيه ممكن نقول أنها هي اللي محافظة على النسل البشري

حتى أنا بساعد وكل شباب الإمارات ما بيقصرون بس هن لا ضربن إشارة ولا أتصلن بأهلهن ولا طلبن من حد مساعدة اللي نزلن روحهن يصلحن

يا زينها من رمسة والله وكل موافقين ولا حد قال شي
لكن اللي مركبات وياهن شلل عودة وطالعات الكوفي ولا المراكز
شو تقول عنهن

[gl]عيون الحب[/gl]
يا مرحبا بج 😉

[gl]مهره[/gl]

الله الله شكلج معصبة
هدي أعصابج يا أختي أطلع وتعالي مثل ما تبين دامج محتاية

لا يبوج سوقي أنت ما يهمج خلاص مسموحة بالألف
😀

الله يهدي الجميع يا أخوي
لكن لو قريتوا الموضوع بتشوفون أعتراضي على السواقة والطلعة اللي ما منها خانة

[gl]Melody[/gl]

شكلج محترفة بعد بالقيادة مو بلا تسوقين

ما عليج منهم الشباب بعد سوقتهم مو أحسن عنكم
😀

أفا والله يا أختي حاضرين

ما فهمت شو تقصد … ممكن توضيح

انا مجبورة اسوق لأن شغلي بعيد و الوالد ما يروم يوصلني انا و اختي و اخوي عسب جي ريحته و اشتريت سيارة

بس سيارتي للشغل … يعني للضرورة

اخاف تلشطهن بالعقال;)

اسولف

بصراحة موضوعك حلو اخوي الوعد الصادق … صح في مجموعة مستهترة … بس مب الكل