أنا شكلي شايف هالصورة من قبل بس بدون ويه هالسبال …….
حرام عليك ……….. الحين الريال بيزعل خاصة انه توه طالع من المستشفى
😀 😀 😀 😀 😀 😀 😀 😀
يا أخي العزيز الله يحفظك من عيونا .. ماشاء الله عليك .. شو هالذاكرة الحديدية !! صدق ما شاء الله عليك .. وأنا اللي أوني مغير الخلفية .. ومغير الويه ومضبطنه عدل عشان محد يشك .. لا ولاعب في الثياب بعد عشان ما أخلي حد يلاحظ .. بس سبحان الله ما في شي ما ينعرف .. بس أنا عندي شوية عناد راح استخدمه وياك !! .. وبيني وبينك اللوحة اليايه !! ابغي أشوف تقدر تعرف وإلا لا .. وأنا أعاهدك من الحين وجدام كل جماعة المنتدى .. أنك اذا عرفت أصل اللوحة الياية تراني بتوب على ايديك من هالسوالف ..!! وما اقول في الختام غير:
الله لا يوفقك يا بوش وين ما رحت ووين ما ييت .. بسببك رحنا "نمك"!!
وتقبل يا أخي العزيز في الختام خالص تحياتي وشكري .. وقهري من انكشاف سر اللوحه!!
أخوكم/ ابوماجد
السلام عليكم ..
كمان فنان ..؟؟؟ ماشاء الله عليك على هاالمواهب المتعددة ..
قول آمين .. الله يوفقك كمان وكمان …
تحياتي ياالطيب .
وعليكم السلام ورحمة الله وبركاته..
يا سيدي ولك جزيل الشكر والتقدير على هذا التشجيع الطيب .. وطالما شهدتوا لي بأني فنان .. خلاص أنا راح أعتبر نفسي من الآن فنان .. أنا وين بلقى شهاده كريمه مثل هاذي؟ .. والله يسمع منك ويستجيب ويوفق الجميع لكل خير وبر .. آمين آمين.
وتقبل سلام وتحية أخوك المخلص/ أبوماجد
افا يا بوماجد…انا خلاص زعلت منك…يعنبوه هالنذل…الخنزير..تلبسونه سفره وعقال…
اصلا السفره والعقال اشرف منه ومن امثاله..الله لا يوفقه ونسمع خبره جريــــــب…
قولووا آميــــــــن يا السامعيــــــــــن
وعليكم السلام ورحمة الله وبركاته
قبل كل شي: آمين آمين .. الله يسمع منك ويراوينا فيه يوم وفي الثاني شارون يطفي فيه النار والغيظ والقهر اللي تارس قلوبنا.
السموحه .. السموحه .. السموحه يالطيبه .. والله لو درينا أنكم بتزعلون جان ما سوينا ها الشي .. كل اللي قصدته طوّل الله بعمرك هوه: أنه يوم إلا هالخايس اللي مب قادر يربي بناته الخايسات استوى يحارب الارهاب .. وهوه ابو الارهاب اللي شغال عمال على بطال ، ليل ونهار في فلسطين الغالية ، ومحد قام له من الريايل عشان يقول له منوه هوه ويخليه يوقف عند حده .. أنا أقول .. عيل مب غريبه انه يطلع علينا باكر وهوه لابس غترة وعقال (مثل اللي في الصوره) ويقول أنا عربي ومسلم شريف بعد .. (الرساله فيها نغزه حق اللي راقدين وخانعين وعندهم دين الله وكتابه وهدي نبيه .. وتاركين الميدان حق هالسبال وغيره يستوون فيه محاريبن للإرهاب وشرفاء..!!) .. وعالعموم .. اذا إمرتيني طال عمرك بسحب الصورة ترى أنا تحت الأمر .. انتوا بس طرشوا لنا اشاره وقولوا صار..
وتقبلوا في الختام اعتذارنا وأسفنا ، وشكرنا وتقديرنا على التواصل والنصح.
أخوكم/ ابوماجد
لا ارى عيبا في الصورة التي نشرتها ، فمن من سكان الارض اصبح لا يلبس الغترة والعقال ؟ كل من هب ودب لبسها ، حتى اصبحنا في هذا الزمن لانفرق بين المواطن والوافد ، والمواطنة والوافدة ، فترى الروسية تمشي وتختال في مشيتها حتى ليحسبها الغريب من بنات البلد ، فهل جاء اعتراضنا على هذا الآن ؟؟؟؟
الله كريم 😀 😀 😀 😀
وين الصورة يابوسيف ؟؟؟؟؟؟
الأخ المتأمل : أقترح تغيير لقب فنان عن الخ أبوماجد ، لأنني سمعت ( والله أعلم ) أن كلمة فنان معناها ( 😀 😀 😀 ) ، فأقترح أن يكون لقبه العبقري ، فما هو رأيكم ؟
عاجلاً ليس آجلاً قولوا آمين
– بن عبد الله –
والله يا أخي فرصة حلوة تعارفنا .. أمّا معنى فنّان فأرى أن نأخذه بالمعنى العرفي والذي أنتشر بين الناس .. أما ما أشاعه بعض أهل اللغة عن هذه الكلمة .. فأرى أنه يلزمهم أكثر مما يلزمنا ..
على كل حال فكل فنّان هو عبقري .. والأخ أبوماجد يستحق وأكثر ..
تحياتي ياالطيب .
وحداوي الروح والدم
BIN ABDULLA
المتأمل
السلام عليكم ورحمة الله وبركاته.
يا أخواني ابتداءً أشكركم على هذا التفضل والتلطف الكبير اللي بصراحه مغرقني .. شوي شوي .. تراني ما أعرف أسبح!! .. والله يخلينا دايماً عند حسن ظنكم الكريم ، وما يحرمنا مودتكم والتواصل معكم .
اسمحوا لي عاد الحين أستلم أخونا وحبيبنا BIN ABDULLA ، وأقول له:
يا الحبيب جزاك الله ألف خير .. الحقيقه أنك نقلتنا من جهة من الموضوع ، الى جهه ثانيه أولى وأفضل .. صحيح كلامك يا الطيب .. ليش ما نخلي همنا وشغلنا (طبعاً قد ما نقدر) هوه هداية بوش وغيره .. هاذي رسالتنا الأصليه كمسلمين .. ولا نخاف أو نتحسر .. ان كان ما يستاهل ترى الله موجود وبيعرف كيف يأدبه مثل ما أدب غيره .. بس المهم نسوي اللي علينا ونترك الباقي حق الله .. وانشاء الله راح نشوف اليوم اللي ينصلح فيه حالنا و حاله ، ويستوى انسان عنده ضمير وعداله .. ويكف ظلمه عن الناس .. ترى المغول اللي هداهم الله للاسلام عقب كل اللي سووه .. وما أظنه بقليل .. مب أحسن من بوش أو حتى شارون .. ويومها انشاء الله عليك الغترة يا BIN ABDULLA .. وعلي العقال .. وبنطرشهم حق الريال يوم بيكون يستاهل .. لا .. ومعاهم كتلوج استخدام بعد .. تسألني عن الثوب؟ .. صدق هاي مشكله!! .. مب مشكله يلبسهم على البدله!! .. ومشكور على اللفته الكريمه اللي بصراحه كانت في محلها وذكرتنا بالواجب .. ذكرك الله يا BIN ABDULLA والأخوة القراء الشهاده .. وأرجو من الأخت/ زعفرانه أنها تأيدنا في هذا .. لأني أخاف تزعل .. ونحن أبداً مب قد زعل الطيبين شرواها وشرواكم وشروى أهل المنتدى الكرام.
وتقبلوا سلامنا وتحياتنا
أخوكم/ ابوماجد
(فائده: الأخوين وحداوي الروح والدم والمتأمل ، أنا سمعت من أحد الإخوان أن كلمة فَنان (بفتح الفاء) صفه للشخص المتفنن في عمله ، وأن كلمة فِنان (ب**ر الفاء واصلاحها بعد ذلك لأنه يمكن حد يمر ويحتاج يستعملها .. يعني مب حلوه نخليها م**وره ونسير) هي اللي معناها أعزكم الله 😀 😀 ، والله أعلم).