كيف يغضب الرجل وكيف تغضب المرأة 2024.

كيف يغضب الرجل وكيف تغضب المرأه ؟! اليكم الاجابة

عندما يغضب الرجل فإنه يصرخ وي**ر…………عندما تغضب المرأة تصرخ وتن**ر

عندما يغضب الرجل يضرب بلا مبرر………..عندما تغضب المرأة تنهار وتبرر

عندما يغضب الرجل يقود بتهور………… عندما تغضب المرأة تهدأ وتفكر

عندما يغضب الرجل يجن وينفعل………..عندما تغضب المرأة ترتمي بحضنه دون ان تفكر

عندما يغضب الرجل يجرحها بكل سهوله…………عندما تغضب المرأة تبتعد عنه بكل بساطه

عندما يغضب الرجل يشجب وينكر……………. عندما تغضب المرأة تطلب الطلاق المبكر

عندما يغضب الرجل يتفرعن ويتجبر……….عندما تغضب المرأة تخنع لكن بالاّخر تسيطر

ولكن تبقى المرأة مرأة والرجل رجل بكل مواصفاته

يعطيج العافية اختي …

ربي يخليكي

كلمااات في منتهى الروعه ))
[/marq]

الرجل يوم يغضب مايشوووف شيء جداامه.. طبعا مو الكل..

بقووللكم موقف صار جدامي..

كنت يالسه أتريا أختي في السيارة تطلع من الخياط.. كانت جداامي سيارة وفيها يهااال "بنت وولد" صغااار واللي يشوفهم يعطيهم سنتين أو ثلاث مو أكثر..

والأب كاان وياهم والظاهر ان الأم اتأخرت شوي في المحل ويوم طلعت وركبت السيارة الظاهر انه عصب عليها ما أدري شو استوى بينهم بس ردت فعل الأب أن شل الياهل من بدلته وفرااااه ورى مثل مايفروووون الأكياس.. والله قلبي اتقطع على الياااهل والبنت كاانت واقفه حذال أخوها قبل لاينفر ويوم شافت الموقف يلست اتصيح.. ما عبرهم واتحرك..

المرأة بعد مرات تتصرف بقسوه مرات على أبنائها يوم اتعصب بس أحس مو لهاي الدرجة..

الرجل يوم يغضب يعاند ومرات ايسوي شغلات غبية وتضحك..

صارلي موقف وأنا نازله الخياط.. خلصت وتوني بركب السيارة وقف جدامي وااحد على أساس أنا بتحرك وهو بيوقف مكاني "للعلم أن شيء موقف جدامي ويقدر يوقف ولا يترياني أتحرك..

ركبت السيارة وشغلتها وشغلت المكيف الا أشوف واحد يعطيني فل ليت.. اشوي بنزل الهاند بريك الا وأشوف واااحد لصق في سيارتي مره وشوي يدعمني.. وفوق هذا نزل ورض باب سيارتهم وسار أونه بينزل عياله..

طبعا أنا ما عندي مجال آخذ ريوس لأن شيء سيارة موقفه وراي وهو لاصق في سيارتي.. دقيتله هرن.. منو يقول أدقله هرن.. عصب زيادة ويلس يزعق وقااال عيل من امساااعه شو اتسوين..

يلست أطالعه وبعدها اتحرك وعطاني مجال أطلع..

والله يلست أضحك أقوول في خااطري ليش هالحركات يعني ما قدر يتريا دقايق أتحرك.. وبعدين شيء مكان يوقف فيه من غير ما يلصق في سيارتي ويكون في هالموقف..

والمرأة بعد نفس الشيء مرات يوم اتعصب وتتنرفز تقول شغلات واتسوي شغلات مالها داااعي..

بضحكم على اختي.. هااااك اليوم كنا سايرين السوق وما شاء الله السوق زحمه.. فأختي نزلت المحل ويوم ردت الشااارع وااقف من كثر الزحمه وكاانت جدامنا سيارة وفيها وااحد والسيارة مو مخفيه والأخ يتريا في هالزحمه ويتفرج على الساير والراااد..

ويوم يت اختي بتركب يلس يطااالع صوبها.. هي عصبت وفتحت الباب عشان تركب وقبل لا تركب قااالت وهي امعصبه "عفانا الله اشلووون يطااالع" ويوم ركبت دق راسها بالباب ويلس يضحك عليها الولد..

ركبت وعصبت زيادة.. واحنا نضحك عليها..

بس مرات أحس الرجل يوم يغضب تكون تصرفااته غير عن المرأة يوم تغضب..

تسلمين راجية الخير على الموضوع الشيق..

والسموحة طولت في الرد..

وربي يحفظج ويوفقج دووم يارب..

والسموحة..

[/align]