هل أنت تحكم على الشخص من خلال مظهره الخارجي
أم تتأنى في الحكم حتى تتعرف عليه شخصيا ؟
وهل يدل المظهر الخارجي على طبيعة الشخص نفسه أم لا؟
خلونا نتكلم بالعاميه أحسن بلا فلسفه زايده
ليش نحكم على الشخص من خلال تصرفاته أو من طريقة لبسه … هناك اشخاص كثيرين
مظهرهم الخارجي ما ادل على شخصيتهم واحيانا الشخص يحاول يخفي شخصيته
من خلال المظهر .
الصراحه أنا عن النفسي احكم على الشخص من النظره الاولى واحيانا من كلام الناس
وحتى لو قابلت الناس نفسه وتعرفت عليه شخصيا ما يتغير حكمي وحتى لو كنت ماخذه
فكره سلبي عن الشخص وطلع الشخص اوكى يتم هالنظره السلبيه للشخص
بغيت رايكم في الموضوع ولا تبخلون علينا بأرائكم الطيبه والحلوه
الصراحة انا ماعندي فيه
اذا شفت وحدة مثلا لبسها ماعجبني اومطلعة شعرها للناس اوحاطة مكياج اوطريقة مشيتها فيها دلع ,فبسرعة احكم عليها انها مب زينه(محد قال لها تلبس جيه,اهي اللي يابته لعمرها..خل تتحمل ) 
بس ساعات اقول لنفسي يمكن هي من الداخل زينة,,,,,,(ليش يعني انا بناسبها)خخخخخ
بس بعد الواحدة خل تحشم نفسها وتستر عمرها عشان ماتاخذالناس عنها فكرة سيئة
اذكر اني كنت في الدوام ويتنا وحدة تراجع ولابسه ذيج العباية اللي كأنها شيله ساري,وحاطة ذاك المكياج تقول قاعدة بعرس,وجان اخزها بعيني,فاستغربت المسكينة,,,,بس اهي السبب لاني الصراحة انقهرت من لبسها,وانا عاد ماعرفت اطلع حرتي الابالخز(خفت انصحها تقوم تشتكي علي )خخخخ
تسلمين ع طرح هالموضوع …وايد حلو للنقاش….
لاني اعناي من هالمشكله…يعني وايد اشخاص اول مره يشوفوني..يقولوا هاي متكبره..دلوعه..خقاقفه(((على شو يحسرهززفديتني مافي ولا وحده من الهصفات))) وعقب يون يتعفوا علي تتغير فكرتهم عني..
يعني ليش والواحد منا يحكم من الشكل…اوكي انا يمكن احيا احكم من المظهر..بس عقب اذا تعرفة عليها وعيبنتي شخصيتها دايركت تتغير الفكره….
والسمووووحه ع الاطاله…هذا راااي…
تحياتي..
الخجووووله
معاج حق الشخص لأزم يحتشم في مظهره الخارجي عسب نحكم عليه
ولكن أهناك أشخاص اتشوفينهم محتشمين على أخر بس يوم تتعرفين
عليهم ع** مظهرهم الخارجي (وأنا صادفت بنات وايدات من هالنوعيه )
جويسوا تسلمين على الرد 
الخجوووووله : تسلمين أختي على الرد … مثل ما قلتي أحيانا المظهر ما يدل على الشخصيه
فيتغير وجهة نطر الشخص أتجاه الشخص الأخر … ولكن في بعض الاشخاص يظلون على رايهم
حتى لو تعرفوا على الشخص نفسه (أنا منهم )يظل على رايه ما يتغير حكمه على الشخص
في روايه عن عمر*** الخطاب رضي الله عنه يقول ( هل تعرف فلان بحق , قال نعم
قال هل سافرت معه ؟؟؟؟؟ يتبين معدن الرجل في السفر وفي أحلك المواقف
ربما انا مخطيء .. وربما مصيب
تحياتي
بسير أشوف المباراه واذا فزنا برد عليج
cu
المهم بندخل في الموضوع
أكيد المظهر الخارجي له علاقه لو بسيطه بالشخص ونقدر نحكم على البعض عن طريق مظهرهم الخارجي..
وبالنسبه لكلامج
الصراحه أنا عن النفسي احكم على الشخص من النظره الاولى واحيانا من كلام الناس
والله ها أكبر غلط انا جي كنت بس عقب والله أكتشف الع** وياما ناس كنت اسمع عنهم أشياء بس يوم يلست وياهم وعرفتهم طلع الع** وتغيرت الفكره..يعني الواحد ما يستعيل ويحكم على الشخص من كلام الناس او من موقف..
عيل الله يستر شو الفكره الي خذتيها عني من أول مكالمه 
الصاقول: مشكور أخوي على الرد … شكلك عندك الحاسه السادسه
الشبابيه : أولا مبروك على الفوز….. ممكن سؤال اذا شباب ما فازوا يعني ما بتردين على
موضوعي ؟؟؟
الصراحه حاولت أني أغير من طبعي بس ما أقدر
أما انطباعي عنج من أول مكالمه ( ولا أقول ما بقول أحسن ) 
الصاقول: مشكور أخوي على الرد … شكلك عندك الحاسه السادسه
الشبابيه : أولا مبروك على الفوز….. ممكن سؤال اذا شباب ما فازوا يعني ما بتردين على
موضوعي ؟؟؟
الصراحه حاولت أني أغير من طبعي بس ما أقدر
أما انطباعي عنج من أول مكالمه ( ولا أقول ما بقول أحسن )
منها عن طريق كلامة وحديثه أعرف مقدار ما يمتلكه من العلم ..
أيضا نوعية اللباس .. تدل على مدى احتشامه ومدى تمسكه بتقاليد وعادات مجتمعه ..
وأشياء كثيره بمجموعها تعطيك تصور كامل عن الشخص ..
—-
دخل رجل ذو لحية كثة ومنظر مهيب على الشافعي .. وكان الشافعي قد مد رجله ..
فكفها الشافعي احتراما وتقديرا .. فجلس الرجل .. وبعد فترة سأل الرجلُ الشافعي سؤالا
فقال : لو كنا في رمضان ولم تغرب الشمس .. أنفطر أم نبقى على صيامنا ؟؟؟؟
فقال الشافعي : آن للشافعي أن يمد رجله .. ومدها .. خخخخخخخخخخخ
——-
طلع الرجال مخ مافيه …
فرووووووسي أسوووووووووري ..
من أصعب الأشياء الحكم على الأشخاص أو أتخاذ الشكل الخارجي حكم نهائي لي على أحد …..
وفي حالات معينة أختبر الشخص فيها فمثلاً …
الكذاب ……… يسقط من عيني مباشرة ولا أعد أهتم به وبأقواله لا من قريب ولامن بعيد لانها صفة لايرجي بعدها صلاح لمن وجدت فيه ..
كما أن … السفر …… والتعامل بالمال …….. والغضب ..
استطيع أن أكون من خلالها فكرة عن الشخص والحكم عليه ..
………..
تحياتي دكتور