في البداية اهنئ نفسي واهنئ الجميع بإنقضاء العام الدراسي بخير واتمنى للجميع التوفيق والحصول على النتائج المرجوة
في البداية حبيت اتكلم شوي عن النظام الجديد للتقييم اللي طبق هالسنة وعن الاختلافات في الأراء اللي صارت في بداية العام واستمرت حتى اليوم الاخير من امتحان الثانوية العامة,,, وعن السحب والجذب بين التربويين وأولياء الامور عن هالنظام…
انا من رأي ان هالنظام كانت له سلبيات وايجابيات حالها حال اي نظام تعليمي أخر في اي مدرسة او اي منطقة او اي بلد اخر ,,, بغض النظر عن سلبياته وعن الضرر اللي أصاب بعض من ***أئنا الطلبة اللي فوجؤا بالنظام الجديد يطبق عليهم منذ اول ايام الدراسة بدون اعدادهم الاعداد المسبق ,,, انا أرى ان من المهم من الطالب في السنة الاخيرة ان يبذل اقصى جهده للتحصيل العلمي ليس فقط في الامتحان النهائي كما الحل في النظام القديم اللي عايشناه (اللي ممكن ينظلم فيه الكثير والكثير) بل من اول يوم دراسي لانه في النهاية بيفكر في مستقبله لان المسألة مب بس مسألة امتحان (ثانوية عامة فقط ) بل امتحان يفتح المجال لمرحلة جديدة من الحياة العلمية والعملية وصدقوني اسألوا مجرب,, النجاح في المرحلة الدراسية الاولى ما هي الا مفتاح للمرحلة الجامعية,, والله يوفق الجميع واتمنى التوفيق لكم في المرحلة الجامعية وهالله هالله بالنتايج الزينة
ومبروك مقدما للجميع #good
كلمة حبينا نقولها مع اقتراب اعلان نتائج امتحان الثانوية العامة,,,
*ينتظر نتيجة اخوه بفارغ الصبر* <<<< -_-"
________________
^_^
و
الله يوفق الجميع إن شاء الله ويحصلون نسب عاليه ..
و
تسلم يا العامــري على الطـــرح …
بس أنا بنظري النظام اليديد أحسن ..
والله يوفق أخوك وييب نسبه عاليــه .. إن شاء الله ..
لكل نظام له سلبياته وايجابياته مثل ما قلت أخوي العامررري
يمكن الطلاب لحد الحين ما تعودوا على النظام اليديد مع أني اشوفه افضل من النظام القديم ومع السنين راح يلاحظون الطلاب الفرق ويتعودون على هالنظااام
والله يوفق الجميع ان شاء الله
اي صدق والله حتى نحن عندنا هالسنه في الثانويه عامه بنات بنات اختي (بعيده خخخ)
نحن عندنا هالسنه في الثانويه عامه بنات بنات اختي (بعيده خخخ)
لووول ماشاء الله ,, الله يوفقهم
_______
^_^
أحس هالنظام اليديد أوكي والطالب يقدر يرتاح فيه نفسيا وبعدين هالنظام فيه نقطه مهمه للطالب بعد التخرج واللي هو تعليمهم كيفية كتابة البحوث وغيرها وهالشيء من متطلبات الدراسة في الجامعات والكليات..
صح ان الفرحه يمكن تكون شوي مقتصره يعني ماشيء يووله وإعلان النتائج في الاذاعة أو الجرايد "أحس هالشيء كااان كبير بالنسبة للطلبة" بس بعد النفسية والتقدير يمكن يكون أعلى عن قبل..
خلونا في هالموضوع نسمع آراء طلاب الثانوية نفسهم مثل ولد العين وغيره من الأعضاء. على النظام اللي طبق عليهم.
وان شاء الله الكل ينجح وبتقدير عاالي ومفرح للجميع يارب..
وربي يحفظكم ويوفقكم دووم يارب..
والسموحة..
الصراحة الفايدة الوحيدة والكبيرة من هالنظام الفاشل هو تخفيف الضغط النفسي وانها سنة حالها اي سنة قبلية
فقط لا غير
والفكرة انه الطالب يشد حيله من اول لآخر يوم فكرة ولا اجمل ، لكن التطبيق سيء جدا جدا ولأبعد الحدود
وبدل لا يقلل الدروس الخصوصية زداها للضعف وخل الأسعار " تولع "
وخل المدرس الضعيف يقوى بحد العلامات وخلى مستقبل الطلاب على اهواء مدرسين نسبة كبيرة منهم بلى ذمة ولا ضمير
وجعل الطالب تحت رحمة مدرس واهواء اداري ، فتكفي اشارة من مدير المدرسة تغير كل شي واشارة ثانية تهدم كل شي
وما شي لا رقابة ولا شي خصوصا على المدارس الخاصة اللي لعبت هالسنة لعبتها وسهمها ارتفع ألف
وما كان محمد بن راشد بيتقده لو ما كان فااااااااااشل جدا يا العامري
يعني بالعربي ومن الآخر ……………. نظام فاشل
وسلامت راسكم من كل بلية 
وعساكم ع القوة 
وأوافق في ذلك رأي أخي الصريح جدا إذ أن النظام جيد جدا ولكن التطبيق لم
يصل إلى المستوى المطلوب إطلاقا !!!
لا آسى إلا لهؤلاء الطلبة المتفوقين الذين لا يعرفون أين يضربون برؤوسهم !!!
ولا آسى إلا لهؤلاء الاساتذه الذين يستقبلون مثل هؤلاء الطلاب ( ينجح ولا يعرف قراءة او تكوين
جمله ) في المرحلة ما بعد الثاتوية!!
كان الله في عونهم !!
والجميع موفق إن شاء الله