كل مره اتردد في كتابة هذا الموضوع، واخليه لبعدين، لأني مشغولة. فسبحان الله كل ما يتـــأجل يوم، اكتشف شيء اكثر واكثر واخيس عن اللي اشوفه.
السؤال كما طرحته لكم العباه ستر او فسق؟
الصراحة اللي اشوفه بعيني يستفزني اكثر واكثر، كل ما ابى اروح واركب الباص اشوف بنيه عباتها نفس الفستان(للأسف هذا اللي اشوفه)، او شيء لازم يلمع في عباتها، او عباتها راصة على جسمها(توصف ملامح الجسم)، او عباه الايد راصة وباجي الجسم واسع، او راسمه في عباتها فراشه (وكــأنها بتطير)، او تنين (وكــأنها وحش)، او راسمة ورود (تبين ريحه العطور)، او راسمه اشكال هندسية مربع مستطيل،،، إلخ،،،،
العباه صارت الحين مب ستر، الناس قامت تركض وراء الموضة.
ربيعتي يوم الثلاثاء لابسه عباه اول مره اشوفها
، شكل العباه نفس نص دايره، والايد راصة عليها، ويوم تمشي نفس الخفاش يوم يطير(تشبية بليغ)
ســألتها ليش شكل العباه جذه؟
قالت لي: موضة، وانا امس يالسه اجربها.
في خاطري كان ودي ارد عليها برد قوي، بس لزمت السكوت!!!
الحين بســـألهن، العباه اذا كانت موضة في الدنيا، عيل في الآخره شو؟
الحمد لله عباتي مب من نوع عباتهن، حتى يوم اسير افصل اشوف اشكال من العبي، اختار استر شيء، بس عندي عباه ثانية البسها يوم الاعراس او الاعياد او يوم اروح عند ربعي.
بعد وحده من البنات اعرفها، عباتها سم، نفس كنادير الاولاد. استغفر الله قاموا البنات يتشبهون في الاولاد في كل شيء، في الشعر واللبس،،،،،،،،،إلخ،،،،،،،،،
مب بس الرمسة عن العباه، حتى الشيله، سبحان الله ما اعرف ليش ما تثبت في الشعر، ولو حد قال لهن: خذن دبوس عسب يثبت الشيلة بيقولن: لااا اخاف على شيلتي تتقطع او يصير ليها شيء…
كل اللي اتسويه البنت في نفسها غلط وتحاسب عليه يوم القيامة.
الكلام وايد عن العباه، واكيد كلن منا شاف عباه غيره، الله يهدي الجميع.
بقلمي
والله يعينا دنيا وآخره..
. لي عوده
هيه شفتها عباة الخفاش .. وشفت وحدة منقبة ودبة لابستنها .. عاد سكتي ويا الربع طالعين .. ونقرضها لج قراض ههههههههههههههههه اونه تعلق بها ويالله خلها اطير
الله يهديهم ان شا الله
مشكورة على الطرح
السؤال كما طرحته لكم العباه ستر او فسق؟
الاثنين معا…ستر للبنت الي ساتره وحاشمه عمرها والفسق للعكس….الغالية دامج عايشة بتشوفين وبتتعيبين أكثر …كل شي في هالوقت تحت مسمى المووضة والتطور ومادري شو نهاية هالموضة وهالتطور؟؟؟؟….الله يهديهن…..
فسبحان الله ربما هؤلاء الفتيات يهديهم الله في يوم وليله
قبل ان تلقط اخر انفاسها بدقيقه
ومن يعلم اخيتي الغاليه؟؟؟
ولكن لا يسعنا سوى ان نقول يهديهم الله ويهدينا معهم
لربما اختي واحده من هؤلاء كل اعمالها في دينها عدا هذه العباءه
وربما انا او انتي او اي احد… عباءاتنا ساتره ولكن هناك ما يخرب كل هذا.. عمل او غير ذلك
لا يسعنا سوى الدعاء بالصلاح لنا ولهم
بوركتي اخيتي على خوفك على دينك
وجزاك الله كل خير
ودمتم
في بنات مستريلات
عبيهم ختم هاي القطعه اللي يسوون منها الشباب كنادير
عليهم حركااته
و مشكوره عالطرح
العيب في اللي يلبسن العباه
كل اناء بما فيه ينضح
وبصراحة وايد بشكل فضيع تطلع العبي والموديلات
واشكالها منها الفراشة والخفاش وووووووو…….
بس الله يستر من الي يااااااااا اااااااااااااااااي
والله حاله شو بنسوي الموضة جذه والبنات لا طلعون لم مديل
علطول بيسوون مثله
الله يهدي البنات هالزمن