]
شفتها يا سعود صدفه بعد ما غابت سنين
عند قسم المختبر وسط مشفى الجامعه
جيتها ثم قلت ممكن فى سؤالى تسمحين
ناظرت فيني بدهشه نظرة متواضعه
قالت انته تحسبنى من بنات صايعين
تحسبني فى زمانى عن طريقي ضايعه
قلت انا ما راح اطول ***وها كلمتين
وابعدت عنى شويه ثم جتنى راجعه
قالت اسأل واضح انك من رجال طيبين
بس هرجك يالسنافى كان وشهو دافعه
قلت انا حبيت وحده يوم كنا صغيرين
ومن ثمان اسنين راحت للمواصل قاطعه
عقبها ما ذقت نوم يهتنيه النايمين
ساهر فى طول ليلى لين شمسى طالعه
اذكر انه فيه حبه فوق ثغره من يمين
واذكر انه لا جرينا كن شعره تابعه
واذكر انه عاشق فى الورد الياسمين
صار قلبي بالورد اللى عشقها زارعه
طابعا اسمه بقلبي فيه سين وفيه عين
وفيه الف وفيه دال وسط قلبى طابعه
قاطعتني بقولها سبحان رب العالمين
كـــررتها مــره ومـرتين ورابــــعـــــــه
قلت وشفيك وشبلاك ي***يه ترجفين
ليش عينك ي***يه من كلامى دامعه
قالت الموقف وقلبى والمحبه والحنين
كيف اشوفك بعد ما كنت عنك قانعه
قلت انا بسألك انكانك انتى تذكرين
عن مواثيق ثمنها من حياتي دافعه
قالت ظروف الزمان ما تطيع العاشقين
بيعونى غصب حبك ولوهو مانى بايعه
انا فى دنياي حالى كنها حال السجين
حتى لو فكوا سراحه فيه شئ مانعه
زوجونى غصب واحد وحرمونى حاجتين
السعاده فى زمانى والحياة الرائعه
والحين انا ام لثلاثه عندى ريم وياسمين
والولد اسمه على اسمك والمشاعر جايعه
أخوكم/
رعبوووب
صج تحرك المشاعر
مشكووور اخوي الله يعطيك العافيه