قصة حب ()

أبغيكم تقرونها كلها لانها جد جد مثيره ..وبعطيكم أياها على اجزاء لطولها ..
هذي القصه حدثت لأحدى صديقاتي ..

أبطال القصه:
نوال
جاسم
مرام(أخت جاسم)
هديل (صديقة نوال)
عادل
مهره

والباقين بيدخلون في القصه ..

وإليكم القصه من طأطأ للسلامو عليكو ..

نوال بنت من بنات دبي في دولة الإمارات العربيه المتحده.. أهلها ناس فري و هي في مدرسه م** يعني فيها بنات و فيها أولاد .. مابذكر أسم المدرسه (عن الفضايح)
نوال تكلم أولاد عالتلفون هذا شي عادي واهلها يعرفون وراضيين لانهم مثل ماقلتلكم ناس فري عالأخر أحب أوصف لكم نوال .. بنت في غاية الجمال يتمناها كل شاب معاها في المدرسه وهي ثاني ثانوي.. حياتها مثل حياة الأجانب تطلع مع صاحباااتها و تروح السينما .. بدون الشيله ولا العبايه(والنعم) واحد من المدرسه كان متخبل عليها وأسمه عادل
هديل:نوال !! حرام عليج دايماً تقفطين الولد والله انه مرره وسيم وحلو وكل بنات المدرسه يتمنووونه..
نوال:إذا عاجبج لهلدرجه !! حلال عليج خذيه .. بتفكيني منه.. مادري ليش ماطيقه .. أحس انه دمه ثقيل
هديل:والله انج الخسرانه .. أصلاً انتي سوالف الحب ماتعرفينها
نوال:اي حب اي خربطان هذا مش ويه حب..
هديل:الله يهديج بس..زين قوليلي بتدخلين المسنجر اليوم؟
نوال:أكيد وانا عندي شغله غير المسنجر!
هديل:طيب بقول حق عادل يدخل اليوم
نوال:والله ان دخل عادل ماني داخله.
هديل:طيب زين هدددي ماصار شي.. ماني قايلتله وبعدين تعالي انتي مسويه له بلوك ! يالخايسه !
نوال:الله يخليج إن ماسويتله بلوك بيحشرني,, نوال احبج نوال حسي فيني.. ويطرشلي هالأغاني مال عبدالحليم و فيروز ههههههههههههههه أجل يهديهم لأمه ولا جدته أبركله
هديل:ههههههه الله يقطع بليسج زين يالله رن الجرس خلينا نروح الكلاس
نوال:زين بس عن تاكليني…

ونفس اليوم في الليل نوال راجعه من سيتي سنتر وشايله كياااسة في أيدها
أم نوال: نوال !! ليش تأخرتي اليوم؟
نوال:ماني متفيجه ياامي.. وبعدين قولي حق الدريول المره الجايه ماياخذ أوراق من الشباب المايعين اللي في السنتر
أم نوال:خير وش صار ؟
نوال:الله يسلمه الدريول ماخذ اوراق من شبااب مكتوبه فيهم أرقامهم .. ترقيم أأاخر زمن هههه
أم نوال:زين روحي غرفتج قبل ما أخوج يشوفج ويسويلنا سيفونيه مالها أخر
نوال:زين يالله جااااو
أم نوال:الله يهديها بس..

وتركض نوال على كمبيوترها وتشغل الكمبيوتر
نوال:ياحبيبي والله لو يصير أتزوج ألات كنت تزوجت الكمبيوتر..هههههه

وتبدل ملابسها الشيخه وتقعد عالكمبيوتر وتدخل المسنجر وتشوف عادل

نوال:ياربي !! هذا شو موعنه هالوقت..هالياهل لازم يروح ينام هههه
وتطلع نوال من المسنجر ..
نوال:خليني أدخل الشات يمكن فيه حد يفهمني..
وتدخل نوال الجات
وتشوف واحد ظريف اسمه مينووون هههه
مينوون:هلا والله
نوال:اهلين يا هلا
مينوون:كيف الحال؟ انشالله منييييحه ؟
نوال:والله تمام انت شحالك؟
مينوون:عال العال وألبس أحلى نعال ههه
نوال:ياخفة دمك ههه
مينوون:والله !! دمي خفيف .. طيب كم وزنه!
نوال:أظن كان دمك خفيف لانك بديت تصير سخيف..ههه
مينوون:طيب انا بطلع احين أختي تبغى النت .. هذا ايميلي غصبً عنج تسويلي أد فاهمه!!
نوال:عناااد فيك ماني مسويتلكك
وبينها وبين نفسها تقول:ياربي انا ليش عنيده والله انه ظريف
مينوون:بااي
نوال:باااي
….

نوال:خليني أدخل المسنجر يمكن ألقى مرااام صارلي زمان ماكلمتها.. من أول ماسافرت كويت وهي منقطعه عنا وبس تدخل المسنجر..

وتدخل المسنجر وتشوف مرام ..
مرام:نورتي المسنجر
نوال:بوجودج يالغاليه .. شحالج يالقاااااطعه وحشتيني موووت والله
مرام:انا زينه انتي شلونج ؟
نوال:والله عال العال والبس احلى نعال (**** أبو التقليد)
مرام:دوووم
نوال: وياج انشالله.. أقول ؟؟ شو كويت وياج؟
مرام:والله زينه بس الجو عنا شوي بارد
نوال:ياحيكم والله .. وشحال أخوج جاسم و الأهل..
مرام:والله جاسم تمام و يسلم عليج
نوال:قوليله يشد حيله لانه الثانويه العامه وايد صعبه (ثالث ثانوي)
مرام:اوكي بخليج احين يالله باي
نوال:اوكي باي باي
….
ويدخل جاسم المسنجر
جاسم:هلا نوال شلونج؟
نوال:تمام أنت شحالك؟
جاسم:انا عال العال وألبس أحلى نعال (الظاهر الكل يقلد)
نوال:دووم أقول بخليك احين فمان الله ..
جاسم:مع السلامه سلمي عالأهل
نوال:يسلمك ربي يالله باي
…
وتطلع نوال من المسنجر.. و تروح تذاكر عشان عندها امتحان وللحين ماذاكرته لول.. وتذاكر وتنام والكتاب نايم وياها هههه..

وتروح المدرسه
هديل:هلا نوال .. بلاها عيونج ؟
نوال: والله مارقدت البارحه دخلت الشات
هديل:يقطع بليسج شو عندج هناك
نوال:من الملل.. أقولج واحد فناااااااااااااان كان هناك وأسمه مينون ياخساره ماخذيت أيميله
هديل:أحسن
نوال:حرام عليج
هديل:انزين المهم ذاكرتي!
نوال:لا والله
هديل:انتي دايماً جي !! تعالي بذاكرلج أهم أشيا اللي تدخل أكيد في الإمتحان
في اليوم الثاني .. ونوال تدخل المسنجر تلاقي جاسم

نوال:هلا جاسم شحالك؟
جاسم:زين أنتي شلونج؟
نوال:تمام
جاسم:وشلون الدراسه معاج
نوال:والله زينه.. أقول جاسم !! أبا رقم مرام اللي في كويت ممكن تعطيني أياه بليز!
جاسم:الله عالأدب والأخلاق كل هذا علشان رقم !! طيب سجلي الرقم عندك..
نوال:اوكي شكرا.. بتصل أحين فيها .. الساعه كم عندكم؟
جاسم:9:00 في الليل نحن قبلكم بساعه
نوال:اوكي انا بدقلها احين
جاسم:هههههه اوكي
وجاسم بينه وبين نفسه يضحك و لعلمكم جاسم يحب المقالب مره

وتتصل نوال على جوال مرام
نوال:ألو
مرام:هلا
نوال:عاش من سمعت صوتج شحالج وحشتيني موووت يا حبيبة قلبي انا
مرام:انا زينه
نوال:مرام!! شفيه صوتج متغيره
مرام: كحأ كحأ شوي تعبانه
نوال:سلماات ماتشوفين شر .. بس صوتج صاير شرات صوت الأولاد يوم يسوون عمارهم بنات ههههه
مرام:هههه حرام عليج
نوال:أنزين قوليلي شو المدارس عندكم هناك؟
مرام:والله تمام شلون هديل وعفرا ومي؟
نوال:والله تمام يسلموون عليج
مرام:شو بعده عادل يضايقج؟
نوال:اوففف لاتذكريني انا بموت منه..تعبانه منه .. كله يطرشلي مسجات وحاله شكلي بغير رقمي عشانه
مرام: كحا لا لا تغيرينه ((ويتغير صوت مرام إلى صوت جاسم!))
نوال:جاااسم !! انت من الصبح تكلمني !! وانا اتحراااك مرام ومثل الهبله اسولللف !!
جاسم:ههههههههه والله شنو أسوي ملللان حدي
نوال:ههههههههه ويا ويهك .. وينها مرام عيل؟
جاسم:مرام نايمه هههههههههه
نوال:ههههههههههه ويا ويهك
جاسم:شو فيه ويهي .. أحلى عن ويهج .. تارسته مايك اب تبين تقصين على منو أونج حلوه
نوال:هههه ويا ويهك انا ما احط مايك اب جمااالي طبيعي ههه
جاسم:طبيعي ولا صنااااعي
نوال:هههههههه دمك خفيف .. اوكي يالله بدخل عالمسنجر بتدخل !!
جاسم:اوكي بس انا ملان حدي..شرايج ندخل الشات
نوال:اوكي شو النيك مالك هناك ؟؟
جاسم:نيككي مينووون وانتي؟؟
نوال:صدق !!! انت مينووووون !!
جاسم:أي شكو تسألين؟
نوال:انا الدلوعه
جاسم:هههههههه كنتي فنانه عيل ليش دمج ثقيل والشات دمج خفيف
نوال:عشان اجذب فيها ههههههه هاي ميزتي الخاصه لاتخبر حد
جاسم:هههههههه يالله عيل اشوفج باي
نوال:باي

ويدخلون الشات و يستعبطون عالناس وسوالف عالمسنجر للصبح

اليوم اللي وراه.. في المدرسه
و نوال فرحانه وتناقز مثل السبلان

نوال:هااااااااااااااااااي هديل كيييييييييفيييييييييييييك ؟
هديل: انا منيحه!! شو فيج؟
نوال:انا اسعد انسانه في العالم
ويخطف جنبهم عادل
عادل:هلا نوال!! شحالج ؟؟
نوال:تمااااااااام
عادل:تولهت عليج وايد..
نوال:واااو.. زين زين .. أقول هديل يالله بسرعه عنا كلاس
هديل:لا ماعنا الأستاذ غايب
نوال:لالالالالالالالالالا انا شفته اليوم يالله بسرعه (وعطه شرده هههههههه وتشرد نوال و معاها هديل)
نوال:هديل !! وبعدين معاج ؟؟ ما احبه ما ادااانيه ماتفهمين!!
هديل:نوال!! فكري شوي.. انتي من يخليج أسعد أنسانه في العالم!
نوال :جاسم
هديل:اي جاسم !!!
نوال:أخو مرام
هديل:وكيف ؟؟
نوال:مادري مادري..
هديل:ماعندج سالفه .. انتي شفتي كيف شكله؟
نوال:لا ماعرف شكله .. احس انه حلو !!
هديل:مادري يالله خنسير عند المشرف العام ونشتكي على مس ميدوري الهنديه ام ريحه ..
وصار اليوم الثاني و والثالث والرابع ونوال وجاسم مثل الروح والجسد مايفارقون بعض أبد مع انها كانت في دبي وهو كان في كويت..
نوال:جاسم !! شكلك تعبان..روح نام الله يخليك
جاسم:لا ماني راقد ابي اكلمج شوي
نوال:دخيلك خذ الدوا وروح نام
جاسم:بنام بس عا شرط انج تكلميني الحين
نوال:الساعه 4 الفير مايصير أدق هالوقت
جاسم:عيل مايصير انام؟
نوال : اوكي يالله الحين بدق..

وبعد دقايق نوال تغلق المسنجر وتتصل فيه
نوال:هلا
جاسم:اهلين (وباين عليه انه جد مررررره تعبان)
نوال:يالله روح نام
جاسم:قصيت عليج..ماني نايم
نوال:جااااسم !!!! دخيلك
جاسم:اوكي يالله باي
نوال:باي حبيبي..

وتغلق نوال التلفون ولا تشوف اخوها الكبير (هزاع) واقف وراها ..
هزاع:من ذا الذي كنتي تكلمينه؟
نوال: ربيعتي تعبااانه .. ودقيتلها عشان أشوفها لو أخذت الدوا
هزاع:ياسلاااام !! و من ربيعتج اللي تدقيلها في هالوقت !!
نوال:ربيعتي (كليثم) اللي اكلمها كل يوم ((وطبعاً كليثم بنت خياليه))
هزاع:أسمعي يا نوال أياااني وايااااج تسوين هالحركات ماداني اللف والدوران هالمره بنساها والله العظيم ان شفتج ماسكه التلفون لاتلومييني فاهمه !

وتروح نوال تنام ..

أما في كويت وفي نفس الوقت
مرام:كنت تكلم منو؟؟
جاسم:مالج شغل
مرام:وتتميرض عليها بعد!!
جاسم:انا صدج مريض
مرام:اوكي صدقتك
جاسم:مرام !! كيف شكلها رفيجتج نوال؟؟
مرام: ليش تسأل!!
جاسم:بس جذي
مرام: عندي صورتها..
جاسم:راويني اياها
مرام:انا نعسانه دحين .. اوريك اياها بكره
جاسم:اوكي يالله اطلعي بره حجرتي لو سمحتي ابي انام
مرام:طيب وجع زين لاتاكلني بس

اليوم الثاني

نوال:هديل!!!
هديل:هاااااااااااااااه
نوال:بديت أحب جاسم
هديل:تخبلتي تحبين واحد من كويت!!
نوال:هيه شوفيها !! صح انه اكثر الكويتين اخوانيين ويحطون مايك اب بس هو غير
هديل:يا هبله قصدي كيف تحبينه وهو بعيد عنج المساااافه اللي بينكم وايد كبيره يا نوال
نوال:ادري انه المسافه كبيره..بس حبي اله اكبر من المسافه اللي بيننا
هديل:هبله ماتنلامين
نوال:اوفف انزين يالله لاتخربين علي خليني فرحانه بأحلامي هههه
هديل:لاتحلمين وايد جاسم مستحيل ايي الأمارات
…..
ونفس اليوم.. نوال دخلت المسنجر

نوال:هلا جاسم
جاسم:اهلين
نوال:هاه يعلك بخير ؟
جاسم:انا زين
نوال:اها اوكي اقول جاسم؟؟
جاسم:هلا
نوال:انا شو بالنسبه لك؟
جاسم: انتي صديقة اختي واعتبرج مثل اختي واحس انه المعزه اللي بيننا كبيره
نوال:بس معزه!! انا بديت احبك يا جاسم
جاسم: أعفيني مااقدر احب
نوال:ممم.. اوكي عادي انا ماطلبت منك انك تحبني اصلاً
جاسم:اوكي انا بظهر احين باي
نوال:باي

….
وفي اليوم الثاني
نوال تكلم هديل عالتلفون
نوال:هديل انا بطلت احب جاسم
هديل:طيب ليش؟؟ ماقام يعجبك مثل قبل؟
نوال:أصلاً جاسم اتفه انسان شفته في حياتي ومادري كيف كنت احبه انا ماكنت احبه اصلاً انا ما احب انا مستحيل احب..
هديل:طيب طيب
نوال:شحال عادل ؟؟
هديل!!!:عادل !!!!!
نوال:هيه عادل
هديل:عاااااااادل تمااااااااااااام التمااااااااام وبعده يحبج
نوال:والله!! زين زين (( وهي تفكر بخظه جهنميه))
هديل:هاه بشو تفكرين ؟؟
نوال:ولا شي أقول أخوي يبغى التلفون
هديل:يبغى التلفون !! نوال كيف وانتي تكلميني من موبايلك؟
نوال: هاااه !! ولاشي .. يالله باي
هديل:وجع كلميني بعدين اوكي باي
…
ونوال تدخل المسنجر وتشوف عادل
عادل:نورتي المسنجر
نوال:منور بوجودك ..شحالك؟
عادل:تمام وانتي؟
نوال:تمام
عادل:شفيكي منسمه اليوم؟
نوال:مافيني شي
عادل:وشلون جاسم ؟؟
نوال!!!:جاسم !! مادري عنه انا اكره هالرجال خير شر
عادل: قصي على واحد هندي انا سمعت انك تحبينه
نوال: لالالالالالالالا كنت كنت
عادل:طيب والحين؟
نوال:لا ماطيقه
عادل:طيب وليش ماتحبيني؟؟
نوال:ممم.. مادري ايش اقولك
عادل:جربيني اسبوع واحد وشوفي لو ما عجبتك ؟؟ تفلي بوجهي
نوال:ههههههههههه طيب
عادل:طيب أشوفك في المدرسه بكره
نوال:طيب باي باي
…
و تروح نوال المدرسه و يجي عادل
عادل:شحالج نوال؟
نوال:تمام
عادل:محلوه شو مسويه ؟؟
نوال:ولا شي (ماقلت اني حفيت وجهي ههههههه)
عادل:انتي كل يوم تحلوين اكثر من الثاني
نوال:شكراً (وهي مستحيه وتقول بينها و بين نفسها .. بسسسسسسسسسك مغااازل يا رجااال)

وتدخل المسنجر نوال و تكلم عادل عالمسنجر و عالتلفون.. ومضى أسبوع و أسبوعين و هم على هذي الحاله .. وهي مطنشه جاسم.. وماتكلمه عالتلفون وكل ماتشوفه عالمسنجر تطلع..

و مره وبعد أسبوعين
يرن التلفون و نوال ترد
نوال:ألو
جاسم:هلا والله
نوال:جاااسم!!
جاسم:عاش من سمع صوتج.. تولهت عليج
نوال:اها زين زين..
جاسم:وليش ماتكلميني و ليش ماتدخلين المسنجر؟
نوال:والله اكون مشغوله
جاسم:انزين عيل بصكر احين بس حبيت أسلم عليج وأخذ اخبارج..
نوال:وما أذكرك .
جاسم:ههههههههههه يا معوده.. يالله زين .. باي
نوال:باي

وتدخل نوال المسنجر وتشوف جاسم اون لاين
نوال:هلا
جاسم:شلونج؟
نوال:تمام وانت؟
جاسم:زين.. حبيت أسألج سؤال.. انتي دحينه تحبين من؟؟
نوال:عادل
جاسم:جد تحبينه ؟؟
نوال:مادري ويش أقولك
جاسم:قولي الصدق
نوال:ما احبه
جاسم:اجل ليش تقولي انك تحبيه؟
نوال:وانت شلك ؟؟
جاسم:بس كذا جاوبيني وبكل صراحه
نوال:علشان انساك
جاسم:وانشالله نسيتيني؟؟
نوال:مااقدر
جاسم:حمدالله
نوال:ليش؟
جاسم:ابغى نرد مثل قبل
نوال:قبل كنت احبك
جاسم:نوال لما تخسري الشي تعرفي غلاته..انا احس اني احبك
نوال:وانا كمان
جاسم:وعادل ؟؟
نوال:بكلمه بكره و بقوله اني ما احبه
جاسم:على راحتك

ويجي اليوم الثاني ونوال تقول حقت عادل انا ما احبك وماني قادره احبك وانا حاولت و ماقدرت وعادل بطبعه الهادي تقبل الوضع وقال لها: اتمنى لج الخير واتمنى جاسم يحبك مثل ماتحبيه صدقيني انتي بنت حبوبه وتنحبي بسرعه

نوال كلمت جاسم
نوال:أبي أشوف صورتك
جاسم:طيب بطرشها عالمسنجر

وكذا نوال عرفت شكل جاسم …
وفي يوم من الأيام نوال داومت في المدرسه
هديل:نوال يقولون انه جاسم جاي الأمارات يكمل دراسته هنا
نوال:لالالا انا كلمته البارحه وقال لي انه مرتاح في كويت ومايبي يرجع الإمارات
وتجي صاحبتهم فاطمه
فاطمه:نوال نوال لحقي
نوال:خير شو صاير؟
فاطمه:تعالي بسرعه
وتمشي نوال ورا فاااطمه وفاااطمه ساحبتها من أيدها وتقولها
نوال:ايش في ؟
فاطمه:جاسم موجود في المدرسه
نوال:وش ذا مقلب ؟!
فاطمه:لا جد
.. ودقايق ولا يمر جنبهم جاسم
جاسم:قوه
نوال:يقويك
جاسم:شلونج نوال؟
نوال:تمام انت شحالك؟
جاسم:انا تمام .. انا جاسم
نوال:ادري متى ييت الأمارات ؟؟
جاسم:بعد ماصكرت عنج من التلفون بدقايق
نوال:حمدالله عالسلامه
جاسم:الله يسلمج

وبعد أيام نوال تتصل بجاسم ويسولفون شوي
جاسم:نوال مادريتي ؟
نوال:خير؟
جاسم:جد ماتعرفين؟
نوال:اعرف الشو ؟ قول؟
جاسم:لاخلاص ماني قايل
نوال:جااااااااااااااااسم!!
جاسم:طيب ماتدرين؟
نوال:لا مادري
جاسم:ماتدرين اني احبك ؟؟؟؟؟؟؟؟؟
نوال:شنو؟
جاسم:احبك
نوال:هالكلمه وايد كبيره ياجاسم
جاسم:ادري
نوال:وانا بعد احبك
جاسم:زين بس انا اكثر
نوال:هههه
…

وبعدها صاروا جاسم ونوال مع بعض ودايماً مع بعض..
لين ماتخرجوا من الثانويه وصاروا سنه 3 في الجامعه

ام نوال:ماشالله عليها بنيتي كبرت
هزاع:اييي ادري
ام نوال:كيرت وجاها خطيب
هزاع:ياسلام من هذا؟
ام نوال:وليد بن ام وليد جارتنا
هزاع:وكلمتي نوال عن السالفه؟
ام نوال:اي بس رفضت مثل مارفضت خالد و محمد
هزاع:كيفها شكلها ناويه تعنننس
ام نوال:اسمالله عليها فديتها بنيتي
هزاع:وانا ؟
ام نوال:وانت ايش؟
هزاع:ابغى اعرس
ام نوال:وش رايك ببنت عمك سعيد اللي اسمها سميه
هزاع:سميه دبه ومتينه لا لا ما ابيها
ام نوال:ممم طيب اختها عفرا؟
هزاع:ايوه هذي تنفعلي..اخطبيلي اياها من ام سالم مرت عمي
ام نوال : من عيوني يا وليدي

ويعرس هزاع وياخذ بنت عمه عفرا وهم في العرس
ام سالم:ماشالله عليها نوال صايره زي الورده
ام نوال:الله يخليكي
ام سالم:مشالله عليها صارت في سن الزواج
ام نوال:ايوه ادري
ام سالم:طيب سالم يبغاها
ام نوال:يا سلام
ام سالم:لا تنسي انه الأهل لبعضهم .. وسالم لنوال ونوال لسالم
ام نوال:الشور شور نوال يالغاليه
…
وتمر سنين و نوال تكبر وتحلو زياده

جاسم في أأخر سنه في الجامعه اما نوال باقيلها سنتين

ونوال لسه حبيبة جاسم
وماترضى تتزوج غيره..

هزاع يكلم امه عالتلفون
هزاع:هلا يمه شحالج؟
امه:تمام بس متضايقه شوي
هزاع:افا ليش ؟
امه:ام سالم تبي تخطب سالم حقت نوال
هزاع:طيب انا راضي وانتي راضيه ايش المشكله؟
امه:نوال مانها راضيه
هزاع:أجل وشو ؟؟؟ اخر عمرنا نطيع نوال !! نوال غصبن عن وجهها تااااخذ سالم و مش كيفها
امه:لا يا هزاع نوال مانها راضيه
هزاع:انا جاي و بخليها ترضى..
…
ويجي هزاع اليت ويهز البيت بصوته العالي
هزاع: نواااااااااااااااااااااااااااال !! وينج يامسودة الويه
نوال:نعم اخوي طلبتني ؟؟
ويعطيها من هالكف المحترم ويمسكها من شعرها ويقولها
هزاع:اسمعيني يا نوال تاخذين سالم ورجلك فوق رقبتك
نوال (وهي تبيكي): بس انا ما احبه
هزاع:وحنا من متى نتزوج عن حب ؟؟ بتاااخذين سالم غصبن عنك
نوال:طيب ودر ايدك
هزاع ويمسكها من ايدها و يخلي شعرها
هزاع:اسمعيني يا نوال العرس بعد 4 شهور يوم تبدا إجازة الصيف
نوال:لا ياهزاع ارجووووك أحس انه سالم حركاته زي الأطفال و مايفهم
هزاع:يعطيها من هالكف المحترم
هزاع:سالم دارس بره و*** عايله وكفايه انه ولد عمج فاهمه

ويطلع هزاع من البيت وتروح نوال جري على غرفتها و هي ميته من البكى وتقفل على نفسها الباب وماتفتحه

وأم هزاع ونوال ميته من الصياح وتقول
بنيتي حبيييبتي وش سوى فيكي هزااااع

وتتصل في هزاع بعد يومين
ام هزاع:هزاع نوال ماطلعت من غرفتها من يومين وانا مرررررررره خايفه عليها
هزاع طيب انا جاي دحينه
…
ويجي هزاع ويدق باب غرفة نوال
هزاع:نوال !! نوال!! أفتحي الباب بسرعه
بس محد يرد عليه
وصارله يدق الباب ساعتين ومحد يرد عليه

هزاع:يمه عندج مفاتيح البيت!!
ام هزاع:ياوليدي انا اميه وما افهم بهالسوالف بس عندي واايد مفاتيح عطيتهم الخدامه
هزاع يروح عند الخدامه وياخذ كل المفاتيح ويجربهم على باب نوال لين مافتح الباب
والمفاااااااااجأة الكبرى يشوفوووووووون نووووووووووووووال

مابقول .. خليه حق الجزء الثااااني