مادري في شو كنت أحلم
مره احس اني اسوق سياره..
ومره اقول كنت مضيف طياره..
كان الجو بارد..
وكنت متغطي وشارد..
رن التلفون
وقلت ياترى من يكون؟؟
هذا المزعج هل هو صديق ولا مزيون..
هل هو عاقل ولا مجنون؟؟
رديت عليه وانا كلي شك وظنون!!
وبـرقه بعد ماكنت عصبي انا انسان حنون..
سمعت صوت ماتوقعته.. :
ولا في خيالي تخيلته..
ولا حتى بحلمي سمعته..
بنت..
قلت هلا
وقالت اهلين..
نوره موجوده؟؟
قلت وأنا صوتي رايح فيها..
لحظه شوي بناديها..
ويلست أصوت واقول نوره .. يامن نوره يلاقيها..
ورديت للسماعه وقلت مادري وين راحت الله يهديها..
بس دقيقة ماعندنا نوره!!
وبادر البنت خوف!!
قالت آسفه غلطانه..
قلت ولا يهمج عادي لا تكونين زعلانه؟؟
مايهم اذا ماعندنا بالاسم فلانه..
وقالت شكلك كنت نايم..
قلت لا.. توني قايم..
قالت تدرس ؟؟
قلت الدراسه خلاص باح..
انتي شكلج تدرسين؟؟
كيف اختباراتج ؟؟ عسى أنكم مرتاحين..
قالت باقي لنا ونخلص يومين
وخايفه والله من مادتين..
قلت من الاختبارات لآ تخافين..
دامج الليل تذاكرين..
وعلى الله تعتمدين..
واللي يزرع يح ما يحصد يقطين..
أهم شي انج ماتنسين..
قبل الاختبار الله تدعين..
ومن إبليس تتعوذين..
خلقه من نار وخلقنا من طين..
ويلسنا نسولف في أمور..
من شو اسمج الين غلاء المهور..
قالت اسمي (ود) وقلت لها انا احمد..
وقالت صدفه غريبه اسامينا فيها دال..
تصدق كنت اتمنى يسموني نوال!!
تصدقين وانا كنت اتمنى يسموني جمال
ويلسنا نسولف في بحور الشعر والموال..
وماهمنا كلام الناس والعذال..
وفجاءة خلصت السوالف ولا لقينا اللي ينقال؟؟
وسكتنا..
وبدلع..قالت أنت تشجع الوحده؟؟
قلت في قلبي.. مادري أجاوبج بكف ولا بنعال..
بالله عليج هذا سؤال؟؟
قلت أنا وصلاوي .. وما يهمني القيل والقال..
هذا الإمبراطور هذا حبه طاح في القلب ولا ينشال..
والشمس مايغطيها مشخال..
قالت اشمعنى الوصل !!..
قلت يا بنت.. الوصل فن ولعب ويفوز باللي حضر..
وجمهوره له كلمة وامر..
ي***ت..لا تغريني بالكثير..
لو تضربين مليون بصفر تساوي صفر..
و احتشرنا وشبينا.. بس بسرعه انطفينا..
الظاهر بعضنا هوينا..
وبدرب الحب ابتدينا..
قالت.. احمد..
قلت آمري يا ود..
قالت اوصف لي شكلك..
هذا وين توهقنا..
شوفي العرب لونهم واحد
ولسانهم واحد.. واحلف بالله ولا غيره أحد
أني مب طويل ولا قصير..
شعري ناعم مثل الحرير..
قالت والعيون..
قلت العيون شبرين في ثلاثه اشبار ..
قالت اسد..
قلت شكرا يا احلى شهد
المهم ان تواعدنا..
والموعد باجر في المول قررنا..
بين خوف وامل تواعدنا..
وقضيت ليلتي في حيرة..
شو البس؟؟ جنز ولا كندوره والله حيرة..
مافي غيرها يفج الحيرة.. شيشه و تعميرة..
ورجعت للبيت اعاتب امسي وابتسم لغدي..
وبصعوبة نمت.. قعدت اتجلب وون..
يا قلبي قلي شو اللي من الحب اهون؟؟
غريبه هالدنيا غريبة..
وراحت ليلتي.. وزادت بلوتي..
اليوم موعدي.. انا والحب بنلتقي..
وكشخت
لبست فوق راسي غترتي ..
في مكان اللقاء تغيرت حتى خطوتي ..
صرت ارتجف واترنح بمشيتي ..
كائني انساق للموت وهاذي نهايتي ..
مب سوالف شجاعة.. هذي اكبر بطولاتي ..
ايذا خسرت بتضيع احلى امنياتي ..
يلست ادور والف وحول المكان اطوف ..
وين هذيج العين اللي عليها قلبي ملهوف ..
ود؟؟ ياليت الناس تيي وتشوف ..
وفجاءة..
وصلني مسج..
يقول..
سويتها فيك يا احمدوووه ..
رد البيت وخل عنك هاي السوالف ياتـعبان
روح نام ..
تعيش وتاكل غيرها
و سويتها فيك ..
المرسل :
الوالدة …
😀 😀 😀 😀 😀 😀 😀 😀 😀
اخساس من الخاطر:D 😀
لو انا منه ما برد البيت 😀 😀
m a n g o o l
اقوولك قاارتنها من قبل ppp ppp
ppp
عليكم فضول محصلش 😀 😀
wyslamo sis 
تعرفون فضوول البنات :rolleyes: عدال انتوا اللي ما فيكم فضووول
مكرمين :rolleyes: 😀
تسلم الصرصور على القصة
الظاهر ان امك مسويتها فيك:D 😀 😀 😀 :rolleyes:
دامج تدرين ليش محرجه 😀 :rolleyes:
الجريحة ..
لا امي تعرفني عدل ما تسوي هالسوالف 😀 😀 😀
wyslamo
😀
😀
مب محرجه .. ما تشووفني اضحك 😀
😀 و الله الصراحه قويه عقب كل هالتعب و التفكير يطلع اخساس وبعد من منو??!! من امه… و جوف بكل بروود كاتبه له المرسل الوالده…
😀 😀 😀
تسلم ايدك خيو على هالسالفه الحلوة(الخاطره)…
الصراحه ما اقدر اقول عن الموضوع غيرthe best subject
mshmo0o0sh
😀 😀 😀
tslm 5yo 3la 3lrd weltwa9l
الجريحة ..
ضربتيه بعين 😀 😀
مشكور اخوي الصرصور على الموضوع….
😀 😀 😀 😀
درة بوظبي…
😀 😀 😀 😀