هي من النوعيه الخجول لابعد درجه . .. و كانت تتستحي من خطيبها خجل ماشفت مثله لدرجه انك لو تجطعها ماتاكل جدامه و لا تشرب ..
تقول : ياهم ذاك اليوم خطيبها بعد الظهر(ليش ياي الناس بعز الظهاري )… و كانت توها جايمه من النوم (**** ام الشكل . اكيد الويه منفخ وحالته لله ). …في عطلة نهاية الاسبوع…( الويكند .. بالانجليزي المعرب ).. ما امداها تفك ريجها ….الا هو موجود خلصت بسرعه بسرعه و ماشبعت طبعا . المهم يلس عندهم و لما جا وقت الغداء كل اهلها قامو يتغدون … فقال لها خطيبها تعالي تغدي معانا قالت لا انا شبعانه توني متريجه قال لها عشان خاطري تعالي قالت و الله خاطرك على عيني و راسي بس مافيه مكان للاكل مو قادره لاني شبعانه (و هي كانت يوعانه بس من كثر الخجل لو تذبحها ماكلت جدامه )…
المهم جاء العصر و استاذن خطيبها من اهلها انه بياخذها و يروحون محلات الأثاث و يختارون أثاث شقتهم .. وافقوا الاهل و طلعت البنت معاه و هي ميته من اليوع … جا بينزلها بكوفي شوب .. .. جالت له لا ما اقدر اشرب كوفي ( و عيونها بغت تطلع من الدريشه من الجوع ودها تاكل المحل بكبره )..قال ي***ت الناس تحلين على الاقل .. قالت لا والله قبل مانطلع كنت شاربه كوفي و محليه بالبيت ( و هي مناك ماذاقت ريحته )…. ما اجدر اكثر منه ..( و هي من هناك حاسه بدوخه من كثر اليوع ودها توصل البيت )…. لف فيها و لف و لف (و البنت ميته من اليوع و زادت زياده قامت تفكر بافغانستان و الفقراء و كل شي ذيك الساعه خطر على بالها ). ..في محلات الاثاث وهي مو جادره تتحرك و تكابر ماتبي تاكل قدامه …. يوم ماجدرت تمسك نفسها قالت له ياليت نرجع البيت لاني مصدعه …. قال لها ابي اعزمك على العشاء برا قالت لا و اللي يعافيك مافيه محل للعشا شبعاااااااانه… رجعو البيت الا امها مسويه لهم عشا و كانت بتطلع … حطت له العشا و ماكان في البيت الا هي و هو بس …. قال لها تخليني اتعشى الحالي؟؟ تعالي تعشي معاي … قالت له لا توني متعشيه (اشفيه هذا .. مايفهم ؟ بالغصب يعني ). . قال اشلون توك متعشيه و انتي طول الوقت معاي … ! انحرجت ضحكت و قالت له الظاهر اليوم كثرت من الاكل لما قمت و الشيز كيك ح ليت زياده عن اللزوم احس اني ما اقدر آكل اكثر من كذا ….. مد يده لها بياكلها من ايده قالت له لااا و الله ما اقدر اصر عليها و قال لها عشان خاطري قالت مااااا افدر قال بس هذي اللقمه عشان خاطري بس هذي .. قالت ودي بس احس اني بارجع من كثر ما انا شبعانه و الله ودي ….. عذرها هو قال لها لهالدرجه شبعانه؟؟ قالت و اكثر من كذا .. المهم خلص من العشا غسل ايده و قال لها حبيبتي استأذن انا الحين لازم امشي ( وهي اول مره تتمنى طلعته بسرعه من كثر ماهي جوعانه .. هلكت المسكينه ) قالت له عادي حبيبي حياك الله خلينا نشوفك .. الرجال استغرب انها مالزمت عليه يجعد( قام يطالعها و عيونه تطلع و ترجع ).. المهم مشت معاه الين ماطلع من عند الباب …
من كثر اليوع ماجفلت الباب و راحت تركض على صينية العشا و هي بالمطبخ و قامت تاكل بشراااااااااااهه و هي واجفه ماجدرت تجعد .. في هذا الوقت خطيبها ناسي مفتاح السياره فرجع و دخل بياخذ مفتاحه و هو قريبها (ولد عمها).. فحب يسلم عليها و يقول لها ان رجع ياخذ مفتاح السياره سمع صوت بالمطبخ دخل عليها .. وهي من كثر الجوع ماحست انه وراها … جلس وراها مكتف ايدينه و واقف يطالع! لها .. وهي تاكل و تاكل و تاكل بشرااااااهه اليين ماخلصت … توها بتمشي التفتت وراها الا لقته واقف مبتسم و يطالع لها بعين .. .. ياااااااربي هي اصلا خجوله و تخيلو شافها و هي بهالحاله جال لها ليش كذبتي علي و جلتي لي انك شبعانه؟؟؟ كل هذا يوع؟؟؟؟
البنت بغى يغمى عليها من الاحراج
لوووووووول
منقووووووووووووووووووووووووووووووووووووووووووول ( للعلم فقط)
😀 #G# 😀 #G# 😀 #G# 😀 #G#
والقصة طريفة بالفعل .. بس يا ليت تنشال منها بعض العبارات الغير لائقة .. مثل ( **** أم الشكل ) .. بصراحة ماني قادرة أقرأها من كثر ماهي معناها مقزز.. أستغفر الله . وأنا أدري أنك ناقلة للقصة فقط ولست الكاتبة .. بس حتى لو .. ممكن نحن نشيلها منها ..
مرة ثانية صح ولا أنا غلطانة ؟
الله يلهمنا الصواب
مشكورة .. 😉
يمكن راح تاكله 😀 😀 😀 😀 😀 😀 😀 😀
زينه
😀 😀 😀 😀 😀 😀
وين عايشين انتو ؟؟ كيف تطلع مع خطيبها ؟؟ ما يجوز ؟؟
والمشكله واقعيه بعد 😡
آخر زمن :confused:
واكن خجله زايد مره (دلع بنـات)
بس بعد الخطوبه الله يعينه
بتطلع الشياء وشياء
كان جاهلها المسكين
الله يعينه