=========================
احم احم ………
اول شي احب اقوول انه هاي القصة حقيقية 100%
لكن في بعض الملاحظات احب اقولها قبل لا ابتدي …
1- تم تغيير اسماء الشخصيات لاسباب خاصة ..
2- ممكن الضحك ولكن من غير مبالغة ..
3- يمكنكم البكاء ولكن من غير مبالغة ايضا ..
4- تم اضافة بعض الاحداث الغير حقيقية للقصة لزيادة النكهه.. ( المعركة حقيقية وليس فيها زيادة او مبالغة )…
القصة :
الام : فطوووووووووم ……. فطووووم والصمخ …
فاطمة : هااااااا ……..
الام: تعالي بسرعة .. اخوانج فجعوا على الاكل …
فاطمة : لا مشكوورين اكلت سندويشة قبل شوي … ( حشى .. من يريد ياكل .. جدام الاكلة الفجعانين اخواني .. يسدووون النفس والله )
وراحت فاطمة الحمام عشان تغسل ضروسها <<<<<< من زووود النظافة
وهي تغسل ضروسها الا تسمع صوت … طق .. طق .. طق .. اتلفتت في المكان وتقول في خاطرها : شو ها اللي يقطر ..
اتلفتت على السخان .. لا ما يقطر .. ما اعتقد انه على وشك الانفجار .. ذاك اليوم صلحنااه .. اتلفتت ورا المغسل .. بعد ما في شي .. وبعده الصوت .. اطالع وتتلفت .. والا تطيح عيونها على البانيو .. في الفتحة الفوقية اللي فيه .. وتشوف بداية الرعب ……. قرون استشعااار …
فطووم : يا ماما .. شو هذا .. حشى يدور ويدوور في البواليع ويرد يرجع ويطلع في حمامي .. خلني اخلص من الفرشاة ..
وغسلت ضروسها .. وتقول في خاطرها : سوف اقضي عليك يا مفزع قلووب البنات ..
وتمسك الفوووز ( المرش ) وتصوبه على قرون الاستشعاار .. واطلااااااق الرشاش المائي على الصرصووور .. شششششششششششششششش
وعقب ما ريحت عمرها .. ردت المرش مكانه ويت بتطلع .. وتنظر النظرة الاخيرة ..
ياماما .. شو طلع من مكانه .. وتطلع برة الحمام و تشووف الصرصور .. مبلل ويحاول تسلق الجدار … ويتزحلق .. لكن يقاوم ويرد يركب ..
فطووم : انا بادبك .. يالخايس .. وتسير تبند الليت .. وتشغل .. وتشغل المروحة وتبند …
يووووهووو ما في فايدة … وقالت خلاص بستسلم وبطلع .. والا تشوف الصرصور يتسلق فوز مرش البانيو ..
فطووم : هييييييييييه … اللييييفة .. بيركب عليها ..
وتنطلق الى الحمام بكل جرءة وشجاعة وتمسك المرش وتوجهه للصرصور وتطلق الرشاش المائي مرة ثانية .. ولكن بعد فوااات الاوااان .. الصرصور صك الليفة ..
ودخلة فكرة الانتقام في راسها .. وقالت : ما في حد يتدخل في اغراضي ..
وتمسك المرش وتوجهه لصرصور اللي سقط في البانيو .. وتوجه الرشاش المائي عليه .. والصرصور يقاوم .. وهي ترش .. ويدور الصرصور يمينا وشمالا .. ويدخل البالعوة ولكن لا يلبث الا وينقز منها .. ويطلع ويدور ويدور .. وفطووم موجهه الرشاش عليه .. والصرصور .. يتقلب .. وفجاة .. لمعت فكرة في راس فطووم : الصراصير تموت اذا كت مقلوووبة على ظهرها .. وتوجه الرشاش وترش وينقلب الصرصوور على ظهره …
وتقربت فطوووم منه شوي .. وابتسامة الانتصار على ويهها .. وتضحك وتكركر في خاطرها .. والصرصور يتلوى .. وجلست تشاهد لحظاته الاخيرة .. والصرصوور يربع ريوله مرة .. ومرة يفردهن .. ويحاول يقلب .. ولكن ما يقدر ..
فطووم : والله .. لو ما جبدي لاعت منك جان قعدت طول اليوم اشوفك وانت تموووت .. بس يالله ما عليه .. بااااي اشوفك باجر ميت هاه
وبهدوووء رجعت المرش مكانه وطلعت من الحمااام و ونظرة الانتصااار على وجهها ..
الام : فطووووووم ……. وين كنت ؟؟ فقدتج …
فطوووم : كنت في معركة .. والبقاء كان للاقوى في النهاية
شو رايكم
ومثل ما قلتلكم القصة حقيقية 100%
المعركة حقيقية 100% وما فيها اي مبالغة ..
=======================
م ن ق و ل يا أخوانا
هاي نهاية كل صرصور 😮
تسلم أخوي عيناوي
داخله حرب مب صرصور هذا !!
وبعدين اجب عليه شوية شامبو لمنعه من الحركه -_____-
المشاركة الأصلية كتبت بواسطة UAEhero وبعدين اجب عليه شوية شامبو لمنعه من الحركه -_____-
😀 حلوه اخوي.. يبالنا نسويها لان البف باف طاح كرته..
————————–
مشكووووووور اخوي الشبابيه على ردك
هذي نهايه لكل صرصور على وجه الأرض الا اذا استخدم عقله>>اذا مان عنده<< نجا
اهرب برجلك لا تنتظر….الموت قريب لاتنتظر
اهداء مني لكل صرصور
على فكرة حلوة القصة
بلاك على الصراصير 😡 😀
بس تعرف هالصرصور غبي .. مع احترامي له 😀 😀
لازم كان يرد الهجوم ..
بعد الا هي بنت .. والله لو طار شوي ويا صوبها لو ما اغمى عليها تخسي تجبل الحمام "عزكم الله" مره ثانيه 😀 😀 😀
ويسلموا
تسلم اخوي ع الموضوع
المشاركة الأصلية كتبت بواسطة عيناوي الهوية هاي الحركه القاضيه لا تخبر حد 
مخلص الشامبو بس على الصراصير :rolleyes:
بس صدقني يموت بطريقه آمنه ومن غير ما تتلعوز من ريحة البف باف
وبعد من غير ما تلوث البيئه هاااع :p
ما صار ذي زهيوي خخخخخ
طقوه بزنوبه الخدامه وانتو ماشين ليش تعطيل الوقت القعده في المنتدى بدال هالووشه ابرك لنا
😀
فديتني القويه
تحياتي بحرينيه عسل
صرصور … صريصير … شو بلاها البنيه هااااااه احتر ممشاعر الاخرين …
احم احم اح
ثانيا : انا من كم يوم حابسه صرصور عندي 3 ايام بس في الاخير عطاكم عمره
تقبل التعازي في بالوعة بيتنا اللي تكون عقب الدوار اللي في الشارع الريئسي وراء الجسر اللي جدام المسيد مباشره
والسموحه منكم
تدروون ..مب جنه في عندنا صرصور في المنتدى يباله شامبو.. :p 😀
تحياتي **ادي 