يالله بسرعة تعالوا قبل ما تبدى القصة
بقولكم
كان يامكان في زمانا هذا العجيب الغريب
شاب وحليله سوى حادث وتنوم في المستشفى 🙁
فساروا له اهله هناك يزورونه
وكانت حالته صعبه الفقير
المهم
مرة من المرات وهم سايرين خذوا معاهم مطوع يقرا عليه قرآن قالوا يمكن تتحسن حالته يعني
فيوم بدى المطوع يقرى المكان كان هادي والكل يستمع لقراءة هذا الشيخ وترتيله
فجأااااااااااااااااة 😮
لا تزيغون فريخات
انخشوا تحت اللحاف 😀
وفجاة أقولكم جان شو يستوي ؟؟؟؟؟؟؟؟؟
سمعوا أصوات وزعيج من الغرفة اللي عداهم
باسم الله الرحمن الرحيم شو صاير
وكل ما يقرى الشيخ أكثر يزيد الصوت والصريخ أكثر
اميييييييييه
زغتوا ؟؟
لا تزيغون الحين بقولكم شو السالفة
اذكروا الله انتو بس قبل
لني بقول شي عن قوم بو حرفين 😮
باسم الله باسم الله
انزين ساروا الجماعة الغرفة الثانية يطالعون شو السالفة ومنو يزاعج هناك
جان يجوفون
شاب ثاني منوم في الغرفة
انزين
بس شو عاد كانوا يسوي ؟؟
كان بنتفض بكبره
وهذا الشاب أصلا في شلل كامل ما يتحرك
زاغوا الناس
واستغربوا جان يقولهم الشيخ انا بقرى عليه
ويوم بدى الشيخ يقرى مرة ثانية انتفض الشاب مرة صانية وبدى يزاعج
باسم الله
قولوا باسم الله يا فريخات
جان يسمعون حد ثاني يتكلم على لسانه
امييييييه
جان يكتشفون بعدين ان هذا الشاب أصلا مستلبس
يعني قوم بو حرفين
باسم الله باسم الله عليكم يا فريخات
ضارينه
يعني جايستنه مضرة وحليله
وقدر الشيخ بعدين ولله الحمد انه يعالجه ورد الشاب وقام ولا كانه في شي 
وطلع اللي فيه مضرة من الجن مب مرض عضوي
وخلصت القصة يا فريخات
ها شو رايكم فيها ؟
ازيغ ؟؟
بس كنت بقولكم انه في وايد ناس ترى ما يحافظن على أذكار الصباح والمساء والطهارة الوضوء في كل وقت
فهاذي يكونون فريسة سهلة حق قو بو حرفين
عرفتوا عاد
لازم ماحد منكم يودر اذكار المساء الحين
كلكم قبل ما ترقدون اقروها لا تنسون انزين
وحافظوا على الوضوء في كل وقت لنه هالاشيا تحفظ الانسان من كل شر باذن الله انزين عاد
الحين
أقولكم تصبحون على خير
وفمان الله
أجوفكم باجر ان شاء الله
و شكرا على التذكير#G#
مشكووووووووووووورة يا ماماتي الغالية على التذكرة
فان الذكرى تنفع المؤمنين………..
كيف برقد اليوم …!!! 🙁
😀
بيي برقد وياج في الغرفه تراني اخاف الحين عقب ما قلتي لناهاي القصه عن قوم بحرفين … ماما تراني يايه بس قبل بنفذ وصاياج علشان اصير بنت حبوبه ومطيعه تسمع الكلام..
العفو يا حلوة #G#
بنت النور الله ينور قبلج بالايمان قولي آمين #G#
الله يسمع منج والعفو
أسد الفريج
انت تزيغ ؟؟؟؟؟؟؟؟؟؟؟
أفا والله
إنت السبع وتقول جي ؟؟:rolleyes:
دنيتي
والله ما دريت انج زياغة والله
تعالي حبيبتي حياج الله
أدريبج بنتي دايما شطورة
#G#
وما قصرتي