لذا اختي الكريمة هل تسمحين لي بكلمات حول الانترنت :
أولا . راقبي نفسك واتقي الله قبل أن تقدمين على أي شي
ثانيا .. اسألي الله أن يكفيك شر شياطين الأنس والجن .. وإذا كنت من النوع السريع التأثر ( اللي كلمه توديها وكلمه تجيبها ) ..أحسن لك لا تستخدمين النت .. أو حددي وجهتك واستقري في موقع واحد ولا تكثرين طلعات ودخلات لمواقع ثانيه ..يعني ( الركادة زينه )
ثالثا… طبعا المواقع اللي مالها داعي ( مالها داعي ) يعني ما راح أتكلم فيها … لأنك كبيرة وما تحتاجين وصاه ..لكن أحيانا إذا كنت مليقيفه شوي …ممكن تطلين على مواقع عربيه غير شكل .. مثل مواقع الشيعة و الصوفية ومن يبثون السم في الدسم .. في البدايه راح تقرأين وتنكرين …. لكن أخاف على عيونك تتعود على هالكلام أو تقتنعين شوي شوي بفكره أو مذهب ( حفظك الرحمن )
رابعا …. لا تسهرين و تجهدين نفسك عند النت … والشغل اللي ما يخلص اليوم ممكن يخلص بكره .. وأعطي بدنك حقه .. وخلي النت شئ طارئ مو شئ أساسي … وعودي نفسك إن الأيام تمر بدون ما تدخلينه
خامسا ….. طبعا مواقع المحادثه .. من التشات المكتوب والصوتي .. حاولي تجنبها …وما تحتاجين وصاه فمكانك مو هناك .
سادسا ……. لا تمانعين من جلوس احد جانبك أثناء التصفح …لأنك إذا سويتي نفسك متضايقه .. راح تثيرين الشكوك و يفكر اللي جنبك انه مو هذي المواقع اللي تبينها
لكن انتبهي … مايعني هذا انك تسمحين للصغار يقعدون جنبك ويشوفون كل شئ
سابعا……… لا تتعرفين على كل من هب ودب .. ( من البنات اقصد ) يعني حتى لو هي من بنات جنسك.. انتبهي ..وتذكري إن الناس تختلف ولكلٍ عادات وطبايع تختلف … يمكن تفكيرك شرق وتفكيرها غرب
ثامنا ………. أحلى شئ في النت انك تستغلين كل دقيقه فيه بالدعوة والتوجيه والنصح .. وان لم يكن ..فبقراءة المفيد والنافع …
هذا ولك جزيل الشكر اختي لانك منحتني بعض من وقتك كي تقرئي هذه النصيحة ، سائلة المولى عزوجل أن يعم الخير والفائدة على أمتنا
واهلا وسهلا بك في منتدى الامارات وفي امارة المرأة المسلمة
واشاء الله نستفيد منك وتستفيدي مناً
وفقك الله تعالى
ومرحبابج في منتدانا … وفي اماره المراه المسله خاصه;)