غصبن علي بعلن فشل المسابقه

اول شيء اشكر كل من شارك بالمسابقه( خمس مشاركات ) كلها والله جميله وتعبر عن احساس مرهف لمن كتبوها

ثاني شيء انا عاتب على اخواني الاعضاء لعدم تفاعلهم مع المسابقه.. معقوله مجموع المصوتين 18 صوت فقط ؟؟؟؟؟

والقشه اللي قصمت ظهر البعير انو الموضوع كان مثبت ( اشكر اختي ورق الورد واخوي نبيل على جهودهم والله يعطيهم الف عافيه

والمفروض انو الموضوع يجلس مثبت لحد مايتقفل التصويت…. ماعلينا هيه من اولها خاربه

عالعموم ماقدامي الا اعلن اسماء الرائعين اللي كتبو احساسهم. وراح اكتب الاسامي بالتسلسل حسب عدد الاصوات .. مع يقيني التام بانهم كلهم فايزين

المشاركه الاولى: اختي روح وريحان وحصلت على تسعة اصوات

كتبت مقطوعه رائعه تستحق كل تشجيع

المشارك الثاني : اخوي تاج الملوك ( واحب اعتذرله للا***ج السيء للمسابقه … ولكن الجود من الموجود) .. بصراحه مشاركة تاج الملوك روعه وحصل على اربعة اصوات

المشارك الثالث: اخوي المرعب: هالغالي قال في رسالته : ما اعرف اذا بتعتبرها مشاركه ولا لا….بس اذا كانت اوكي حطها

وانا اقوله انت استاذي يارعبوب وشهادتي فيك مجروحه… رعبوب حصل على ثلاثه اصوات من ضمنها صوته وصوت بنت جيرانهم المرعبه …. خخخخ امزح

المشاركه الرابعه والخامسه للرائعتين المبدعتين ريم الاشواق وام سعود على التوالي وحصلت كل مشاركه على صوت واحد

اللي ودي اقوله انو التصويت مو مقياس للمشاركات وبدون مجامله كل المشاركات جميله

وكان بالمكان افضل مما كان ولكن قدر الله وماشاء فعل

عالعموم بعلنها توبه وماعاد بجيب لا افكار ولا مسابقات هادفه …. للأسف التفاعل ضعيف

خلاااااااص مالي شغل حالي حال نفسي

ومبرووووووووووووك لاخواني الرائعين ( عشان ماخرب عليهم فرحتهم)

اخوي انت حددت التصويت لين منتصف هالشهر,والمفروض تلتزمون بهالتوقيت,لان في ناس ماصوتوا بعدهم وحاسبين يصوتون

ليش خربت هالشي؟والله حاسبة اصوت قبل لاتخلص المسابقة بيومين

صدمتني والله

الصراحة شي مؤسف,لاني توقعت بتلتزم بالوقت

وبعدين ياخوي مثل ماتعرف مب كل الاعضاء يدخلون كل يوم في اعضاء بالشهر مرة وفي مدونة ثانية تمدد التصويت لشهرين وهالشي لصالح المشاركين

وياليت كان التمديد لثلاث اشهر مب شهر ,لانه مسابقة

والله كنت محتارة بين مشاركتين وكان ودي اعطي صوتي

بس يالله الله كريم

ولاتقصون علينا مرة ثانية

والسموحة

ومبروك للفايز وبالنسبة للي مافازو ان شاء الله في المرات الياية

والخواطر كلها حلوة والله

والله يعطي اصحاب الخواطر العافية

الله يسامحك على كل حال

يعني الحين انا الغلطان

اختي روحي لومي اللي الغى تثبيت الموضوع اليوم ويوم دورته لقيته في الصفحه الثالثع .. قوليلي بالله عليك كيف بتصوتين والموضوع الجماعه مرسلينه للارشيف

اختي انتي المفروض تواسيني لان اكثر واحد متأثر من هالشيء

حتى ماعاد لي نفس اكتب اي شيء

درامووووه : شفتي شلي حصل ؟؟؟؟

ونزلتها في جريدة الشرق الأوسط …..

…………

وعلى التصويت ….

عندي قناعة أن من يكتب خواطره لا ينتظر من أحد الشكر أو التصويت ..

فهي أحاسيس و مشاعر لا تعرض في مزاد علني ……. لأنها ليست للبيع ..

لقد أستمتعنا بها وتنقلت بين حروفها … فكانت كلمات فيها عبارات وافية … ورسمة من قلب صاحبها …

ودمعة من حبر كاتبها …. وسلام مرسل بين سطورها الى الأحبة لتنقله طيور البراري المهاجرة … عبر صفحات من عناوين ( النت )

فلا عزاء للحروف حين نفتقد أصحابها ……… والسلام عليكم

فأمان الله

بعدين من قال لك ان اللي يكتب خواطره يبي شكر؟

اللي يكتب خواطر يبي تشجيع

يبي نقد

واذا انت تسمي المسابقات الهادفه مزاد علني : اسمحلي اقولك: اخوي الشيء اللي ماتفهمه
لاتكتب فيه

للأسف اسلوبك كان استفزازي وجاف

ولد العين : ولايهمك اخوي
______

و يزاك الله خير على اهتمامك

لست بشاعر الشرق الأوسط …..

وتعرف تماماً ياابو عبدالله ….. أن المشاعر والأحاسيس هي جزء من الشخص نفسه …

فما أكتبه يخرج من القلب الى القلب …. لاأبحث عن ثمن …… في زمن أصبح كل شيء بثمن

والمسابقة ليس لي أعتراض عليها ولا على شيء فيها ………. وإنما كان ردي تجاوب مع سؤالك بعدم تفاعل الأعضاء للتصويت على الخواطر …

وقد بينت وجهة نظري في الموضوع ….. فلا تأخذ الرد بحساسية وأنه موجه ضدك أو ضد أي عضو …

وأكرر ما قيمة الأشياء اذا فقدنا أصحابها …

تحياتي

السيف

ابي اللي الغى تثبيت الموضوع يرد علي شالسبب

ان بدا منا التقصير سؤالنا عفوكم 00 لقد خلقنا بشر كمالنا لا يدوم[/align]