بسم الله الرحمن الرحيم
صارتلي فتره وانا مب منزل مواضيع من كتاباتي 😉
اليوم حبيت أطرح موضوع .. مهم بعض الشي .. موضوع يدور في بالي و أدور على اجابته لكن لين أحين مالقيت سبب مقنع .. و اتمنى من خلال هذا الموضوع أجد الجواب على سؤالي
اخواني و خواتي في الله
كل واحد عنده بنت عم او بنت عمه .. و كل وحده عندها ولد عم او ولد عمه او ولد خال و غير … يعني تربطهم صلة قرابه بين بعض
الله سبحانه و تعالى حثنا على صلة القرابه .. و زيارة الأهل
الي ابا اوصله من موضوعي يا اخواني هو جلوس البنت مع ولد عمها !!
تستغربون من هذا السؤال صح !!
طبعا احتكاكي مع الناس و الربع لاحظت ظاهره غريبه منتشره عند العرب يمكن من زمان .. الي هيه :
عيب البنت تيلس مع ولد عمها و تسولف معاه !! :rolleyes:
ممكن أعرف شو السبب ؟؟
يعني انا عيمي .. و ما أشوف فيها اي شي عدنا (( نحن العيم )) طبعا ما أشمل العيم كلهم .. لكن المسأله ماهي عيم ولا عرب ..المسأله عباره عن الولد يلس ويا بنت عمه .. ويا بنت خالته .. يسولف وياها عادي ..
مادري شو رايكم انتوا !!
هذا الي بغيت اوصله ..
و طبعا هو موضوع للنقاش
اتمنى أشوف ردودكم و تجاوبون على سؤالي الي محيرني شوي 😉
و السمووحه
__________________________________________________________
فكرة : عاشق الأبيض .. ريحانه .. بنت العرب
اعداد : عاشق الأبيض
أنا ولد عمي طايح في بيتنا..تقول ما عندهم بيت..:D 😀
بس أنا أشوفه شي عـــادي..:D 😀
بما اننا مسلمين فشي طبيعي اي مساله نحتار فيها بنرجع للديننا
نشوف هي صح ولا غلط…واصلا معروف ان ولد العم مايعتبر من المحارم وبالنسبه للبنت عمه يعتبر رجل غريب…يعني حرام تجلس معه وتسولف وتفتش بعد عليه مثل الرجل الغريب …
انا استغرب انكم تبون تناقشون مساله فصل فيها الدين من زمان ومعروف حكمها من زمان :confused: …يعني البنت اذا جلست مع ولد عمها وسولفت معه مايعتبر عيب يعتبر حراااااااااام ..;)
نحن طبعا ما نيلس وياهم ولا انشوفهم اصلن بس ليش ماعرف اليلسه و الرمسه مقتصره على الشباب بس …. ها شى من الأهل الصراحه 🙁 و السلام بينا يكون فى التلفون فقط لا غير 🙁 و لا ننه** بعدها …..اونه عيب شباب جنهم غرب مب اهل ….:confused:
نانا .. انزين انا ماقصدت انه يلسون رواحهم .. أكيد اخته .. اخوها حد وياهم
يعني مب رواحهم رواحهم
لين احين محد فهم قصدي يمكن !! :rolleyes: :rolleyes:
بس ممكن يكون هناك سبب مقنع .. طبعا الاخت نانا ردت علي .. لكن فاهمه الموضوع غلط شوي ..
وهذا شي معروف من زمان …انه حرام ..
وولا يهمك بجيب لك بعد الايه اللي توضح محارم المراء منهم ..اعتقد انها بسوره النساء ..
حرام تجلس معا ولد عمها بوجود اخوها مثلا !!! :confused:
هو مب غريب .. ولد عمها .. و بعدين هيه بتكون متحجبه مابتطلع من دون شي !!
:rolleyes:
فما يصير تكوووون علاقه ما بينهم …….. و لو بسيطه قبل الزواج …
اما اذا كان على السلام و السؤال على الاحواااال فأنا بعتقاااادي ان هذا شيء طبيعي و عااااادي ان يحصل
الصراحه اعتقد انه كلام عاشق صح لانه مافيها شى اذا يلست وياهم و هيه ستيره و يكون وياها حد من اهلها …
و السموحه منكم
أم عبــود .. تسلمين اختي عالمشاركه