بسم الله الرحمن الرحيم
جاء الوقت لكي اقول لكم الى اللقاء
اخواني اعضاء منتدى الامارات للأبد .. سعدت كثيرا بوجودي معكم طول هذه الفتره التي دامت قرابة ال 11 شهر ..
قضيت وقتا ممتعا .. و تعرفت على أغلب الاعضاء الي فيه .. لكن شو اسوي .. الدراسه و مشاغل الدنيا تمنعني من الاستمرار معكم
اتمنى اني ماضايقت احد في مواضيعي او ردودي .. اتمنى ان الكل يسامحني اذا بدرت مني اي غلطه او هفوه بسيطه ..
و ان شاء الله بتواصل معاكم لكن بتكون مشاركاتتي اقل .. و بشارك أيام الاربعا و الخميس
عاشق الأبيض في سطور (( للي يجهلني ))
مواليد : 22_12_1986
المدينة : الشارقه _ الامارات العربية المتحده
المهنة : طالب ثاني ثانوي علمي
انجازات عاشق الأبيض مع منتدى الامارات للأبد
1_ حصوله على المركز الأول مع الاخ (( وهاج )) في بطولة دوري الامارة الرياضية
2_ حصولي على العضو المتميز لمرتين متتاليتين و ذلك لشهر (( 8 و 9 ))
3_ بصراحه وجودي في هذا المنتدى الرائع و وجود اعضاء الاروع كان له دور ايجابي في حياتي .. يعني اسلوبي و تعبيري كله تحسن على ماكان عليه
4_ مؤلف قصص 😀
و المزيد المزيد من الانجازات ..
وفي الاخير اتمنى من كل الاعضاء المحافظه على هذا المنتدى .. و تحطونه في عيونكم (( لو سمحتوا ))
أشكر كل القاتئمين على هذا المنتدى سواء كانوا مشرفين او أعضاء .. و والي بصراحه بمرور 11 شهر ولا حسيت انه في فرق بين عضو و مشرف .. كلنا متساوين هني .. و اتمنى يسود هذا ايضا في مجتمعنا يارب..
و السمووووووووووحه منكم 
انا لست مجرد عضو في المنتدى .. أنا عــاشــق الأبــيــض
عاشق الأبيض …. الله ايوفجك انشاء الله … و امممممممم ما عرف ش اقول بس …. بتكون لك وحشه يا باشا
ما شاء الله عليك طالب في الثاني ثانوي وعلمي بعد ،،،، كيف كنت تحصل الوقت للقعده عند النت ,,,, ولا احينه خلاص بدأ وقت الجد …
خلاص عيل معظم الاعضاء بيلتقون الاربعاء والخميس وانا بعد منهم لان ما عندي وقت بقية الاسبوع …
وصراحة عاشق الابيض وبدون مجاملة ما شاء الله عليك كنت من الاعضاء النشيطين مواضيعك مميزة صراحة وتستاهل كل خير …
والله يوفقك في دراستك وفي حياتك …
والسموووووووووحة ..
واعرف انه المنتدى بيظلم من دووونك وان شاااء تتذكرنا
🙁
وش رايك طيب ….انا اقولك مافي طلعه من المنتدى 😡
اذا كان على دراستك تقدر تقسم وترتب وقتك عادي كل الناس يسوون كذا 🙁
ليش ؟؟؟؟؟؟
انته العضو الفعال و الأحسن و اكثرهم رد فينا انا أتمنى اكون نفسك والله
المهم ألله يوفجك
في الثانويه
انا بعد عندي أمتحنا عقب 28 يوم بالضبط و خاااااااااايف بس يلا الدنيا مش سهله
أقوووووول حد عنده واسطه 😀 امصخر
الله يوفجك
انا عندي ثانويه بريطاني
و السمووووووووووووحه
واتمنىانك تتواصل ويانا ..
وما تأخذ على خاطرك مني 😀 😀 😀
والسوحة 😀 😀
الله يهديك خوفتنا
يعني انت مب ظاهر!!
طالما بتكون متواجد يومين في الاسبوع فهذا مب ظهور
الله يوفقك اخوي الحبيب
وما شاء الله الاخوان والاخوات ما مقصرين في ردودهم عليك
ونبا تقدير آخر موديل في الثانويه العامه
وعود .. تسلمين اختي عالرد و الاهتمام ..
قوقوش .. المنتدى منور باهله و الاعضاء الي فيه
نانا .. بحاول أطل عليكم (( اذا قدرت )) كل يوم و ارد على موضوع واحد .. عشان احس اني عايش 😉 و تسلمين اختي عالرد
همسة وتر .. اخجلتني ياخي بكلماتك هاي .. تسلم حبيبي عالرد و الاطراء
السنافيه .. حطي بالج عالمنتدى .. و هالله هالله بالمواضيع السنعه الي عودتينه عليها 😉 .. تسلمين عالرد
السؤدد .. هلا والله بمشرفنا الغالي .. اكيد مابقطع .. تبا الصدق عاد .. ما اروم اعيش بدون المنتدى و اقولها صدقا من دون مجامله .. خلاص حسيت انه المنتدى جزء من حياتي .. 11 شهر وانا عمري مانقطعت .. و ان شاء الله خير ..
تسلمون اخواني عالرد و على هذي الكلمات الرائعه ..
اتمنى اني كنت عند حسن ظنكم ..
نشوفكم على خير ان شاء الله
انا لست مجرد عضو في المنتدى .. أنا عــاشــق الأبــيــض
o n7na bntwalh 3alik .. et3wadna enchoof moa’9ee3k o rdoodk
أنا معاك في اللي قلته إن المنتدى صار جزء من حياة كل عضو ..
و ادري انه ماحد يهون عليه إنه يودره ..
خاصة و إنه المنتدى مثل البيت الثاني ..
المهم دير بالك على عمرك و دراستك ..
و هالله هالله بالنتايج الطيبة ..
و ارفع راس الشرجاوية .. مب هي عاصمة الثقافة ..
بس بخبرك .. اليوم 2/10/2002
و نحن نتريا اللي وعدتنا به ..
ها عن تنسى ..
تحياتي
اختك / بحر الإمارات