وهي في 12 مشهد … إن لم تريد قرائتها فرجاااااااء مني إقرأ المشهد الأخير
=1=
وحدة مزيونة بالحيل…….و حبيبة……
بس تخون!!!!
وش اسوي بجمالها؟؟
بياخذها الزمان و تبقى عجوز…..
عادي……..طاح الحطب………. و حلوة الحياة
=2=
سيارة مسرعة……..
و تدعس لها واحد……..
مسكين هندي……….
و العسكري صديق الطايش…….
والخطا نصه على الهندي……
والباقي على أبو الطايش……….
و في الليل…..الطايش يلعب بلوت
عادي……..طاح الحطب………. و حلوة الحياة
=3=
غني و ظالم ………
يطرد المساكين……و يستغل الضعوف
مغرور و فاسق……
و مجلسه عامر…….
كلن يبهر له……..
و مع ذلك يجمع حسنات…….من كثر اللي يسبونه
عادي……..طاح الحطب………. و حلوة الحياة
=4=
يكد يدرس و يشتغل………
لاجل يبني مستقبله…….
تزوج و جاب عيال……ثم تقاعد
صار يسكن في مكان…..و أم عياله في مكان
والسبب العيال……
صار دار المسنين بيتهم…………
عادي……..طاح الحطب………. و حلوة الحياة
=5=
تغازل و تاخذ ارقام………..
و تطلع مع هذا…..و تواعد هذاك……..
و يوم طاح الفاس في الراس…….
بكت……..
و راحت تشكي لامها غدر الزمان…….
طبطبت عليها امها وقالت:
ولا يهمك ……سفرة لمصر…. وشوية سيولة
و ترجعين بنت……
عادي……..طاح الحطب………. و حلوة الحياة
=6=
مرفوع الكفن أبيض …….
وصاحبه وسط البياض………
بعضهم يبكي…….و بعضهم عادي
دفنوه…..و تبكبكوا شوي
و اخر الليل سكارى………
عادي……..طاح الحطب………. و حلوة الحياة
=7=
ملتزم …….
يصلي كل الفروض……..
و اذا تعب….. فوت صلاة الفجر
واذا شبع راحت صلاة العصر……
و عنده دش…….و يكذب كثير
و اذا صحى الصبح …..مشط اللحية
عادي……..طاح الحطب………. و حلوة الحياة
=8=
قارورة مويه …….
ما تضره …….طايحة في السيارة
يناظرها بغضب…….زعلان منها
و يفتح الشباك ……و رماها وسط الطريق
و اذا اجتمع مع الشباب قال:
متى بنتحضر؟؟؟؟؟؟
عادي……..طاح الحطب………. و حلوة الحياة
=9=
اهم شي الثوب نظيف…….و الشماغ مكوي……
و القلم ماركة……والساعة تضوي……
و الجزمة جلد…….والسيارة عجب……
و تلفونه ما يسكت……
إما بنات…..
أو البنوك تبي فلوسها…….
عادي……..طاح الحطب………. و حلوة الحياة
=10=
سطحية …….و مغرورة
غبية……و متكبرة……و يا ريتها حلوة
تبي زوج مواصفات……
ما يقول لا…….ويكره الاستراحات
لازم وسيم…..و انيق…..و متعلم…..و دخله ممتاز
و يحب السفر………
و بعد سنين……تلاقي نفسها في الانترنت
تدور واحد يقبل بها…….
عادي……..طاح الحطب………. و حلوة الحياة
=11=
فتح الكمبيوتر……
و دخل للمنتدى……و كلامه ما يتعدى ان الموضوع روعة و رهيب
و هو ما قراه و لا يعرف كاتبه……..
بس يبي يزيد المواضيع موضوع …….
ويزيد همومنا هم………
علشان يصير صاحب الألف موضوع……
و يتميز……..
والمشكلة انه يتميز………..
عادي……..طاح الحطب………. و حلوة الحياة
= الأخير=
الكذب اثم………ومع ذلك نستخدمه
و ندري ان هذا حرام……..و مع ذلك نجربه
نتذكر السهرة و الفرح و السفر…….
و ننسى الجالسين على كتوفنا………
و نتناسى ان معهم كتاب يسجل افعالنا و نياتنا…….
كل شي محسوب…….
حتى النظر……
نسينا ان ورانا يوم……علاماته قربت
ومع ذلك كلنا ناسين…….
أن بقيت على حالك تتناسى …….لازم تعرف إن:
ذاك اليوم مهوب عادي
وانت الحطب
و ما به حياة…….
كل شي له عندهم حلول
والسموحه
وهــــ#G# ــــج
واشد على ايدك بقوة لتستمر في التذكير
الله يحمينا ويحمي المسلمين من النفس ونواياها
تيلم الغالي
Oo____ALMENHALi____oO
ودمت سالم ..
تحياتي ..
:rolleyes: :rolleyes: :rolleyes: ومشكوووووور على الموضوع وخاصة رقم 9 ضحكني وايد
والاخير خوفني وايد
وطاح الحطب …. والحياة حلوة