بكتب اليوم عن ظاهرة الكل تقريبا يلاحظها ..
وهي ظاهرة الإسراف في موائد الأعراس في الفنادق!
وأقول الفنادق .. لنه الأعراس التقليدية اللي كانوا يسوونها
في الخيام ما كنا نشوف فيها هالمنكر اللي صاير الحينه !
البارحة سرنا عرس في فندق .. ما خلوا شي ما حطوه
عالطاولات … أكل يسد فريج كامل محطاي ع طاولة وحدة !
مقبلات وحلويات وعصاير من يميع الشي ..
وعقب الهريس والعشا ..
يينا بناكل .. كل وحدة غرفت لها اف صحن صغير
وحتى اللي غرفناه بقى منه في الصحن !
هذا غير عن اللي تام في الصينية العودة !
ويوم خلصوا المعازيم متعشين ين العاملات ينظفن الطاولات ..
شو سون ؟
قامن يحطن الوصخ والاكل المغروف في صحون فوق العيش
اللي في الصينية ( اللي باقي ) وشلنه !
وفي النهاية شو مصيره ؟ لأقرب **الة طبعا !
ابذمتكم مب حرام ؟
كم من واحد مب لاقي حبة عيش ياكلها ونحن لاعبين لعبتنا
في هالعروسات ؟
ليش ما يتفقون ويا ادارة الفنادق أنهم ايودون الاكل اللي يتم
ومحد كل منه ويعطونه جمعيات خيرية
توزعه عالمحتايين في نفس الليلة ؟
الكميات اللي تبقى مب شوية ..
والله حرام تنعق في ال**الة بهالطريقة !
انتو شو رايكم ؟ :rolleyes:
هو اكيد حرام بس منو بيسويلج الاكل يكفيلج لشخص شخص ..
لازم بيسون زيياده .. وبعدين يوزعون الاكل على الجمعيات مستحيل ..
العرس يخلص 3 او 4 منو بيتريه كل هالمده عسب العشا ..
شي ناس محتاجين بس الحمدلله الدوله مب مقصره ..
هي صح مشكله بس مالها حل :rolleyes:
لا مب شرط يخلص 3 وللا 4 ….
من يخلصون متعشين يشلون الباقي …
وبعدين صح الدولة مب مقصرة بس ماظنتي مساعداتها توصل حق الكل ..
مستحيل يكون الكل مكتفي ومب محتاي . :rolleyes:
تسلم عالمرور والتواصل . #G#
نحن في خدمة الشعب
تقوم بتوزيع بقايا الاكل على المحتاجين
بالتعاون مع قاعه الافرح واهل العرس
الجمعيه وفرت السيارات والعمال و اهل العرس يتكفلون بس بمبلغ رمزي للعمال
وهذا الكلام صارفي احد اعراس الاسره
ولج الشكر عزيزتي
المشكله مب فيهم في بعض الناس اللي لا يعيبهم الزين ولا الشين…
للأسف الناس في الامارات ضربتهم البطره والخقه ومع انهم متأذين منها لكنهم ما يتوبون…
غير عن باقي دول الخليج اللي اعراسهم مول ما تكلف…
ما نقول الا الله يعين ما نعرف هالبطره وين بتوصلنا…
ورق الورد …. الله يبشرج بالخير قولي آمين …. والله توني ادري …. هذا الزين . #G#
تسلمين الغالية
al-3in^king … شرات ما قلت … السالفة غدت مزامط ..والاكل اللي ينحط عسب يقولون سووا وسووا … الله يستر بس . :rolleyes:
😀
تسلمين على مرورج #G#
بس اذا قطعوكم المعازيم بلسانهم انا ما يخصني في السالفة
صح هاي مشكلة صعبة وحرام الأكل اللي يروح لل**الة أخر شي …
شو رايكم في هالفكرة ..
صح في فقارى وايد بس العرس يخلص متأخر … فليش اللي تام ما يحطونه في بارسل ويتوزع على العمال والعاملات مال النظافة ومال الفندق بدل ماينعق ..
ماعرف اذا هي فكرة عملية بس احسن من ال**الة ..
وانا أقول القطاو مو مثل قبل عظامه الا كل وحدة مثل العيل مو من شي 😀 😀 من العزايم 😀
[/c]
بشتخته .. يعني العاملين ما ياكلون منه ؟ معقولة ؟
اكيد ينعطون منه بس بعده يتم :confused:
اما عن القطاوة فلا اتخبر…
اليوم سمعت اختي تصارخ وت**رني تقوللي تعالي روغي هالتيس!
يوم ييت شفت ذاك القطو شو كبره !! تقول ثور 😀 😀 😮