لا تنخدع لوقال ذي فلان وفلان…..لمعاشرة يا صاح اكبر دلاله
فعل الرجل اخذه ودلاله وعنوان…..والرجل ما يعليه اسمه وماله
ولا يغرك والمظهر ولو مان فتان…..عليك بالجوهر فيه الاصاله
لو شافت عيونك من الخوذ لحسان…..ما ينفع الانسان الا حلاله
وان جيت بتعاشر عاشر بالأحسان…..من قال لك ما باك قله بسهاله
بيت بلا عمد وسقف وعمدان…..لا تسكنه قم باشره بالأزاله
لو كان لك ذكرى تجرح الوجدان…..الصبر والايمان لسلوك كفاله
واعلم ترى الانسان ي صاح انسان…..في يوم وليله اتبدل احواله
ولا يدوم عير الله المعبود سبحان…..يا من تعلا في قدرته وجلاله
يحزنك ما يجري على طور الازمان…..تجري امور ما خطرت لك بباله
تلقى صديق يبيعك ابيع نقصان…..ينادي عليك بوسط سوق الدلاله
الرجال تبلى والصبر طب الاحزان…..والصبر تحمد عاقبته وخصاله
واللي صبر ما رد في يوم الخسران…..نعم الرجال اللي على الله اتكاله
اذا ترى في حمل الاسرار كلفان…..ترى حملها عند غيرك وباله
ما تكتم الاسرار يا غير الشجعان…..ولا تفشى الاسرار الا النذاله
وانصحك لا تامن وثاقك بنسوان…..يغويهن الشيطان فيهن جهاله
مثل الذي بنى بيوته في وديان…..اذا انجرف بيته شكى ما جراله
لا تستوي كالذيب اذا شفت قطعان…..اعلم ترى كل راس خلف رجاله
مثل ما تدين اليوم باجر اتدان…..والحق يوخذ منك هذي عداله
والنفس كافحها ولو كان ما ان…..اعلن عليها الحرب بكل بساله
ان طعتها صارت وليه وسلطان…..ان عصيتها نلت الرقى واليماله
صلاة ربي عد ما اذن اذان……واعداد من للبيت طاف وسعا له
ودمتم سالمين..
اختكم مجرد وهم..
جزاك الله خيرا ……
مشكوره …..
جزاك الله خيرا …..
مشكوره
وصح لسانك…
يزاكم الله خير واتمنى لكم الاستفاده من القصيده..
اختكم مجرد وهم