حصلوا لي حل 
انا أحبهم و هم يحبوني بس لما يزيد التعلق عن حده الطبيعي … يعني ساعات اسمع كلمة مــامـــا … بإسم الله متى استوى عندي صغارية ؟؟؟؟ 
و لا ساعات اسمعهم ي**روني خالوه و لا عموّه 
بإسم الله بعدني لا خالوه و لا عمّوه … زين مرة كنت سايرة عندي شغلة اسوّيها ويا المدرسات في الفسحة و ما شفت الا جيش من البنات الصغار حواليه 
و وحدة منهن ما بغت تفكني … و آخر شي سارت اشترت حلاوة … و يت تقول لي معلمة خذي الحلاوة و هي ميودة ايدي بالقوووو ما رمت اسحب ايدي من حضنها زين قالت لي اخذي الحلاوة ، قلت لها لأ ما أحب آكل حلاوة 
جان تقول لي: زين خذيها حق عيالج يا ابويه على شو ناوين عليه ؟؟؟ 
حلاوة ما أبغي آكل لحد الحين ملتزمة باللي نويت عليه و اي عيال اي بطيخ … و ما حسيت الا المدرسات يضحكن عليه و أولهن المديرة 
و انا متوهقة ما تطيع تهد ايدي 
و اخاف اسحبها بالقووو و اعوّرها و تمت ميّودة ايدي و حاضنتنها لآخر الفسحة 
المهم ساعات يتيمعن البنات حواليه و وحدة تيود ايدي و اللي تيّود ايدي الثانية و اللي تيوّد عباتي و اللي تيّود شيلتي … شو اسوي بهن … عورني حلجي و انا ازاعج عليهن و بدون فايدة 
و ساعات ما تطيع تدش الصف الا لو دشيت وياها، و في الفسحة لو طلعت برع ادري بتستوي لي سالفة، غير عن الهجوم على المختبر، و ساعات ما اروم امشي في الساحة .
أحس وناسة الصغارية وبالذات البنات ,,, خخخ مادام متعلقين فيج معناته انته زينة وياهم ,, استغلي هالمحبة اختي الكريمة وحببيهم في الدين ازرعي فيهم الأخلاق لا تستهينين بهالحب تراه يسوي العجب ,, وخذي الحلاوة عنهم المرة الياية خخخخخخخخخخ ,, اذا ماتبينها طرشوا لي اياها
تسلمين اختي على الموضوع ,, 
كل اليهال جيه يحبون يتلصقون في المدرسات بس يمكن انتي طيبه وياهم
الله يعينج عليهم
مواقف عجيبة وياليهال …
أقول خذي حرس واياج إذا تبين تسيرين مكان في الفرصة ..خخخخ
الله يوفقج إن شاء الله ويسهل عليج ،،،
http://www.uae4ever.com/vb/showthread.php?t=105136[/CENTER
يا حليلج يا جوري بس احمدي ربج انج ادرسين بنات مب أولاد والله راح تكرهين اليوم اللي درستي فيه.
الصراحه انا صارلي شهر ادرس كرهت عمري يوم أدخل الحصه لا يحترموني ولا شي وتعبت من كثر ما اضرب ولا في فايده
عندي طالب من يوم ما اعرف أني أخت فلان صار ما يخاف مني … اليوم كنت قاعده اشرح درس الخط أنا اكتب على السبوره وهو ما يخصه قاعد يتمشى في الصف فمسكته وضربته وراء ظهره قالي أبله لاتضربني بخبر عليج …..(اخوي) قلت له اذا مره ثانيه سمعت تقول أسم اخواني وتقلل من قمتي والله ما تدخل الحصه مره ثانيه قال اسف ابله ولا بعد خمس دقايق رجع مثل اول.
ولا طالب ثاني يايب معاه شعير وينثره على الاولاد
صج يرفعون الضغط
ولا اقول خلي الموجه م … معاج لا تفارقينها احظنيها
ياليتني مدرسه كان العب معهم بعد مو بس اسولف
وردتنا خليك مثل ما انتي الحب احسن من الكره
اخوي عندهم مدرس عصبي وكل يضرب بالطلاب الشاطر والكسلان ضرب كل يوم
كل الطلاب اللي بالمدرسه ما يحبونه اللي يدرسهم واللي ما يدرسهم حاقدين عليه
ولاء امور الطلاب اشتكوا عليه كذا مره لكن المدرس عنيد الى الان يضرب فيهم ولا يخاف من احد
فا الاحسن انك تضلين ما انتي عليه طيبوه وحبوبه وحنونه
بارك الله فيك وعسى الله يكثر من امثالك يارب
دمتي سالمه
اللهم ار**نا الذرية الصالحة ……. آمين
جزاك الله خيرا ………
*
جاوبيني بصراحة صدق انهم يحبونك ويلعوزونك بس مرات ماتشتاقينهم
هذا احسن حب لانة خال من المصالح وصدقيني لو انك ماتحبينهم جان ماحبوك ياابلة