وأن هالقرار راح يطبق بعد شهرين أو أكثر في جميع امارات الدولة..
اتفاجأت وااايد وااايد من الكلام اللي سمعته..
هل هذا الأمر صحيح؟؟؟!!!
الله يعينا ويرحمنا برحمته يارب ويرفع راية الاسلام والمسلمين دايما يارب.. اللهم آمين.. اللهم آمين.. اللهم آمين..
والسموحة..
وعن الخبر
خبرج عتييييق من ما توفى الشيخ زايد بجم أسبوع أقروا النظام ولييين احينه عنا في بوظبي مطبقينه
اما في دبي ما أظن طبقوه
يمكن طبقوا نظام اغلاق السماعات الخارجية وقت الصلاة بس
أما الأذان الموحد فما سمعت عنه
أكيد لهم نظرة مختلفة في الأذان الموحد
وعساكم ع القوة
وعن ردك للموضوع.. والله وااايد زعلت من الخبر يوم سمعته وألحين زعلت أكثر..
ليش هذا القرار؟؟ مو احنا دولة اسلامية ؟؟ مو عقيدتنا الدين الاسلامي؟؟ مو احنا عباد الله؟؟
ليش يمنعووون الأذان في جميع المساجد؟؟ ليش يكتمووون صوت الصلاة؟؟ ليش؟؟ وليش؟؟ وليش هالقرار؟؟!!!
يوم سمعت الكلام اللي إنقال قلت بخاطري بسنا من المعاصي.. بسنا غضب من رب العباد..
احنا مسلمين وأبدا ما انزعجنا من صوت الأذان أو من صوت المصلين في المساجد..
والله تساؤلات كثيرة كثيرة في خاطري بس ما أقدر أطلعا من الصدمة..
يارب ارحمنا برحمتك يارب العالمين واجعلنا ممن ينصر دينك يا رحمن يا رحيم..
ربي ثبتنا على طاعتك وعلى نيل رضاك يا الله..
اللهم آمين اللم آمين اللهم آمين..
والسموحة..
ليش هذا القرار؟؟ مو احنا دولة اسلامية ؟؟ مو عقيدتنا الدين الاسلامي؟؟ مو احنا عباد الله؟؟
ما سالتهم والله ^_^
جني سمعت رمسه تقول انه الأذان الخاص لكل مسيد يكون مب منظم للسامع وبعض الأصوات مب لمناك
فمنها تكون ترتيب الأذان للسامع , ووقت الأذان بيكون أدق من العام والصوت موحد
وشي شغلات ثانية ما نسأل عنها أبرك 
طبعا هذي نظرتهم
وعساكم ع القوة
أم سعود توقع توحيد الآذان في بوظبي بسبب الأوقات يعني قبل مايطبقون القرار كان المسيد اللي عندنا يأذن قبل المسيد الثاني بكم دقيقه فيعني ماشي التزام في توقيت الأذان
واما عن اغلاق السماعات فالله أعلم بالسبب..
في الذيد ما طبقوه خخخ
الحمدالله
المسيد السبورت << حق الشباب . ..
المسيد العود << حق الشواب والحريم . .
غير مسايد الفرجان . ..
أم سعود
اليوم كنت يالسه مع الأهل قبل الفطور وما أذكر شو الموضوع اللي كانوا يتكلموون فيه بس اللي لفت انتباهي بكلامهم ان مساجد أبوظبي ودبي مايصلووون بالصوت العالي المسموع للناس اللي في الشوارع والأذان
صدق لا قالوا فيه عقول متحجرة ….أول شيء هذا تطور الى الأحسن والأفضل
ثاني شيء من أول كان الصوت يغطي الحارة كلها … وبعدين فيه شباب ما يصلون في المسيد … ويسمعون صوت الأمام ويسمعون ويش يقرأ …
وكان أبوهم في البيت يسألهم فين كنتوا …. يقولون كنا في المسيد …
قال طيب ماشفتكم في المسيد ….
قالوا يابابا كنا في المسيد وبالإمارة الأمام قراء سورة كذا وكذا ..
يقولون والله أعلم أكتشفوا هذا الموضوع ….
وقالوا أحسن شيء نقفل المكرفونات الخارجية …
عشان أولاد الحارة مايكذبون على أبهاتهم …
شفتم كيف السبب وجيه ومشرف …
اليوم كنت يالسه مع الأهل قبل الفطور وما أذكر شو الموضوع اللي كانوا يتكلموون فيه
ما شاء الله عليكم .. داقين سوالف قبل الفطور
**************
الموضوع بكبره يزعل بصراحه … يمكن عسب ما يزعلون أصحاب الديانات
الأخرى .. لأن إحساسهم مرهف وقلوبهم ضعيفة .. وناس يحترمون المسلمين
في بلادهم .. ويحترمون الإسلام .. وناس يحبون الهدوء ..وهذي الأصوات
تزعجهم …
**************
إن شاء الله ما يطبقون هالقرارات في باقي الإمارات …
ما عدنا هالسواف في راس الخيمة وانشاء الله ماتستوي
الي في بوظبي يسير المسيد الي في الخالديه ولا مسيد الصحابه الي في النادي السياحي ولا المسيد الي جدام بوظبي مول .. الصوت مسموع وعالي بعد
وبعدين بخصوص توحيد الصلاه مثل ما ذكرتي .. هذا مب توحيد الصلاه .. هذا توحيد الاذان يعني انهم يبثون الاذان عن طريق الرسيفر وكل مسيد مزود بدش يستقبل الاذان .. واتعم كل مناطق بوظبي .. يعني يكون الأذان في وقت واحد ..
أشوف حركة الرسيفر زينه خص ان كل إمام مسيد يأذن على هواه ناس اتخلص صلاه وناس ومسايد بعدهم ما أذنوا
كل مسيد يأذن برووحه
بس وقت الصلااااة يبندون المكرفووون الا في صلاة التراااويح يكووون شغال