كنت يالس اذاكر الساعة 11:35 بالليل في غرفتي رن موبايلي المتصل كان اربيعي .. سولفت معاه تقريبا ساعة الا ربع >>>> اوني اذاكر ….. المهم سولفت معاه سالفة تسحب سالفة شوي قالي راسي يعورني بسكر عنك .. قلتله قبل شوي صاحي شحلاتك ما تبا اترمسني زين برايك .. اعتذر وسكر استغربت منه قلت شو سالفته هذا المهم رحت ارقد وبالباجر رحت المدرسة يلست انقل الواجب
المهم دخل الاستاذ وخلاص بدت الحصة ويت الحصة الثانية اشوف مكان اربيعي فاضي >>> الي مرمسنه البارحة ….. قلت شو سالفته سألت ولد يرانهم وينه قالي ماعرف وسألت ربعة وآخر شي قلت يولي محصله واحد يسأل عنه بعد .. رحت عند ربعي الاساسيين وانا بعدني افكر اقول شي صاير له مادري ليش ما راح عن بالي .. خلصنا ورحنا البيت رقدت وقمت يسلت وتعشيت رن تلفوني اربيعي متصل على طول رديت عليه .. سالته ليش غايب سكت وكل ما اسأله يغير السالفة وآآخر شي قلتله بتقول ليش غايب ولالا؟؟ قالي كنت شارد من البيت أنا قلتله ليش شارد .. بس اهلي شافوني اسوي شي وشردت يلست اتحايل عليه .. تدرون شو قالي مخدرات
انا من الزيغة بلعت ريجي .. قلتله.: انته خبييييييييييييييل
قالي.: ليش عادي
قلتله.:اونه عادي انته ثور تاخذ هالسم
قالي .:عادي اخوي العود ياخذ
قلتله .:انزين اخوك **** وانته **** شراته تاخذ
قالي .:لا تسب
بروحي ماعرف شو ياني قمت اسبه قلتله.: انزين وشو قالك اخوك ؟؟
قالي .: ظربني ونازعني وقالي انه هالشي ظار
قلتله .: فقتك وفقت اخوك فوقك .. ويوم بتودر هالسوالف تعاال رمسني
وسكرته فويهه
ماكنت اعرف شو اسوي شو بقوله يعني والله ما يا فبالي غير اني اسكرة فويهه واقول انه كذاب
هذا الي صار
شرايكم بموقف الاخ الاكبر وتدخله بالسالفة مع العلم انه الولد عنده اخوان اكبر تقريبا اكبر اخو عنده يوصل 45 سنه
مصيبه المصايب>>>المخدرات
مادري شوبقولكـ ياسقووم بس احسن شي انكـ
ماترابعه عن ياخذكـ في طريقه ويضيعكـ
انت سويت اللي عليكـ
واخوه لو يبي ينصح احسن له مايتعاطى جدامه
•
.
اخوه بدل ما يضربه خله ينصحه واكيد الضرب كان ردة فعل طبيعية ومب كل حد يقدر يتحكم ف اعصابه ف مثل هالمواقف
سقوم سو خير ف الولد وحاول انك تساعده
انت تصرفت تصرف عادي … واي حد كان بيسوي مثلك وحكم السن بعد فلا تحاتي بس المهم الحين شو !!!
انصحك انك تخبر أهله يبعدونه عن اخوهم العود وانهم ايودونه قبل لا يدمن هالمخدرات بشكل جنوني ويضيع ويا ليت حد ايود اخوه العود ويوديه المستشفى يتعلاج عن هالادمان لان البيئة اذا ما تغيرت فعادي الولد يرد يخترب دام جرب هالشي !!!! 
بس كيف وصلته المخدرات دام اخوه العود مب راضي من وين يابها !!!! 
المرعب والاجر على الله
والله يوم قريت القصه الدموع ما فارقتني حلو الكتاب يخليك كيف تتعلم من هذي المواقف
نفس الشي المشكله هي في القصه بس في الأخير أنحلت
أنا بخبرك كيف تتفق أنت وربعك اللي معاه وايد ويتمنى أنه ينصل الشي بس بدون ما تفضحونه
وتتجتمعون مع احد من أخوانه الكبار اللي يتفهم الأمر ويكون عنده خلفيه أو يكون مسؤول عن عايله يعني متزوج أدري أنه بيكون الأمر صعب يمكن الأخ ما يتقبل
وأتحاولو بهدوء تحلون المشكله أدري أنه بتلقون منه سب ومره بيكون هادي ومره معصب
بس لازم تتحملونه و تحاولون تحلون المشكله وأنا انصحك أنه تكلم أخوه الكبير أنه يدخل مصلحه في البدايه إذا ما رضى وحاول تحلون المشكله في البيت مثل وين يروح ومع من يظهر
بس أبدو بالخطون بسرعه قبل فوات الأول
لو كنت ما تحب ترمس لأهل وديه عند الإخصائي المدرسه
ولازم تعرفون من معطنه علشان ما يكونون طلاب المدرسه ضحايا أخر
السموووحه ع الإطاله
و لو قلتلك هده .. حرام ما يلقى حد ياخذ يإيده و يساعده..
سير خبر عليه ,, و خل أهل الاختصاص يتولونه .. أضمنلك و أضمن لربيعك ..
ادخل هالسايت
الحين شو بيفكه من المخدرات …
لو اللي يدوخ السجاير ما يروم يوّدرها بسرعة فكيف بالمخدرات ؟؟؟؟
الله يهديه و يهدي شباب و بنات المسلمين …
هل ربيعك يدوخ **اره ؟؟
هذي هي بداية كل الافات
وما شاء الله عندنا في الامارات موجوده في كل البقالات
لازم لازم الإراده
صدقج والله
وتسلمين عالمرور اختي
شموخ النخيل
تسلمين اختي عالرد
ولكن اني اساعدة انا ما ترددت بهالشي بس مشكلته ما يسمع وقالي انه ما يخصني فيه
قلتله طز فيك دام اهلك يعرفون انا مالي حاية عندك
وطبيته
المرعب
تسلم خيو عالمرور
وسالفة اخوه العود تراه مشكلجي عود
والمخدرات بتوصله بتوصله لانه ربعة كلهم 20 وفوق الي يطلع معاهم وايد
صمت الجرووح
تسلمين عالمرو
ومشكورة عالخطة بس الخطة من اساسها فاشله
الاهل كلهم يدرون
وصار الي صار
عيون الحب
تسلمين اختي
بس انا ما بدخل اربيعي فمتاهات اندم انا عليها
هو مدمن مب تاجر
يعني عرف صاحب البضاعة اني انا مبلغ مب بس هو انا وهو بنتوهق
وسالفة الاختصاصي الاجتماعي بالمدرسة .. ما اعتقد ممكن يفصلونه من المدرسة
ورد الجوري
تسلمين خيتو
صجج والله ال**اير والمخدرات علل من علل الدنيا
آآآآآآآآآآآآمين الله يسمع منج
بـومــايـد
تسلم اخوي عالمرور
وانه يدوخ مادريبه اصلا ما اطلع معاه ذاك الزود
يعني ما احتك فيه وايد وايد
صمت الجرووح
اعرف هالشي بس الحين لازم بتيه الارادة لانه اهله كلهم يعرفون المفروض بيستحي على ويهه
انا بقولكم شو السبب .. واحد عمرة 17 سنه وكان له حق من ورث ولا شي انصح اهله انهم ما يسلمونه البيزات فإيدة ممكن ادمره هالبيزات
والله يهديه إن شاء الله ويهدي أخوه اللي علمه ..