أخواني وخواتي… سمعتوا عن البنتين المخطوفات من يومين من الشارقة…
أنا سمعت هذا الخبر من ولد خالتي.. لأن الشرطة ماسكة اربيعهم.. لأن اربيعهم آخر واحد اتصل حق وحدة من هاي البنات بس مو رادين عليه… يعني كان اتصاله مس كول.. وفي نفس اليوم اللي متصل فيه الولد حق البنت كانوا البنتين مخطوفات.. فشاكين فيه ومسكوه من دوامه ولين ألحين ما يدرون عنه شئ…
هذا كل اللي أعرفه.. ما أدري إذا أحد سامع عن سالفتهم..
هذا والله أعلم…
الله يعين أهلهم والله…
الله يستر علينا والله.. الصراحة الدنيا ما تتأمن هاي الايام.. المصايب وايد… الله يحفظنا يا رب ويحفظ أخواننا المسلمين…
نبى التفاصيل 😀
ويسلموا 
الغلط من اهل البنات اللي عطوهم مبايلات و وصلت بهم المواصيل انهم يكلمون شباب…
بس شو نقول غير الله يهديهم…
و المفروض يوم الواحد ما يرضى على اخته لا يرضاه على بنات الناس لان هذي مثل اخته بعد…
((ترى الزاني مبشر من الرسول ‘ص’ بالفقر))…
((الزاني سيزنى به ولو بجداره))…
((كما ورد ان نصف هول و خوف الامه يكون على الزاني في القبر فما بالكم بيوم القيامه)) و بغيت انبه ان الزنى ليس فقط بالفاحشه و لكن العين تزني و اللسان يزني و كذلك سائر الاعضاء…
و تسلمين اختي شنكوله على الخبر…
و اسمحيلي على الاطاله…:(
mshmo0o0sh
😀 😀 😀
تسلم أخوي على الرد .. وأتمنى الكل ياخذ بالنصيحة…
el9ar9oor
هذا كل اللي أعرفه.. حتى قبل شوي أسأل ولد خالتي عن الولد.. يقول ما يعرف شئ حتى تلفوناته مقطوعة…
وتسلم على التواصل..
mshmo0o0sh
أخوي صح الغلط من أهلهم.. بس بعد البنت ما عندها عقل تفكر ما اتعرف هذا غلط أو لا.. الحمد لله وايد بنات عندهم موبايلات .. بس الحمد لله ما يسون جذا ..
وتسلم على التواصل..
ياليت كل بنت أو شاب قبل لا يسوون شئ يفكرون فيه وفي عواقبه .. ان كانت عواقب الدنيا أو عواقب الآخرة… والله الدنيا ما ترحم …
والله هذيله ما يخافون الله…
الله يحفظنا من هاي الاشياء يا رب.. اللهم آمين…
والله البارحة يوم سمعت السالفة يلست أفكر في هاي الدنيا .. ليش حالها وناسها جذا.. ليش :confused: ..
تسألين ليش بعد :confused:
الجواب معروف
ما في شي اسمه وازع ديني 😮
الله هدي شب***ا ان شاء الله..
ويسلموا
صدقك والله .. هذيل لا يخافون الله ولا يخافون من حسرة أهلهم عليهم..
اللهم عافنا من شر هؤلاء الناس.. اللهم عافنا من الوقوع في معصيتك يا رب العالمين… اللهم آمين…
تسلم أخوي على التواصل…
السنافيه
مشكورة اختي على التواصل..
الله يهدينا ويهدي أخوانا المسلمين يا رب…
بس سالفتهم سالفة..
فيكم فضول اتعرفون…
مو أنا قلت انهم مسكوا ربيع ولد خالتي.. ما طلع هو الوحيد اللي ماسكينه وشاكين فيه.. لا غيره 3 شباب… 2 من بوظبي وواحد من الشارجة وهاك من الخور… وفوق هذا يايبين 8 بنات من ربع البنت… وضاربينهم ضرب حتى البنات ضاربينهم وامواجهينهم مع الاولاد اذا يعرفونهم ويلا لا… والاهالي محتشرين برع…
ويقولكم اللي ماسك السالفة في شرطة الشارجة يستوي عم البنت… وضاربين الاولاد ضرب حتى يوم حاطينهم في السجن .. الشباب اتعرفوا على بعض ويلسوا ايسولفون… فيوهم وضربوهم أونه ليش تتساسرون أكيد تعرفون شئ… بس واحد من الشباب اللي من بوظبي يوم كانوا يضربونه فضح البنت جدام الشرطة وقال سوالفها… وعم البنت زاد الضرب عليه…
وبعد 3 أيام ياهم خبر من شرطة دبي انهم حصلوا البنت وانها كانت مع واحد..
بس الولد اللي من بوظبي هددهم وقال ما راح اسكت عنكم .. قال انه راح ايوصل السالفة حق شيوخ بوظبي على اللي سووه فيهم بسبب البنت…
وهاي نهاية السالفة…
عافان الله.. الله يبعدنا عنهم ان شاء الله…
بس قهر يايبين البنات (ربعها وضاربينهم بعد) …
الله يهديها هاي البنت والله يستر عليها….