وسلام خاص لعاصمة الامارات ااكيييد
حبايبي
وايد شباب ماخذين اكثر عن زوجه 
شو اسباب زواج الرجل من اخرى
مع انه مرات كثيره تكون الاولى جميله طيبه حبوووبه والمشكله يقول احبها بس بعرس
شو شعور الزوجة الاولى لو تزوج عليها زوجها
وشو شعور الزوجة اليديده الي ريلها ماخذ حد قبلها !!!!!!!@@@@@@@
واذا ريال دخل الموضوع بليز يقول شو الاسباب الي تخلي الواحد ياخذ ثانيه او ثالثه @@!! وهل يقدر عالمصاريف فبلادنا الي ماتنحصا الاسعار !!@@
التغير مطلوب .,
والتجديد يمدحونه
والجديم خلاص مستهلك 
خخخخخخخخخ
والله في وايد أسباب منها نفسية ومنها ومنها ومنها
مادري وايد
واللي يبا يتزوج اكيد يبحث عن شي الطمئنينه يعني الاولى يمكن طيبوه وحبوبه بس مسويه له صدعه وعوار راس ,, اوه تكون الع**
بس الي يقدر ياخذ هنتين وثلاث ومقتدر ليش لا ,, ترا لا انه حرام ولا شي بس يعدل بينهن وسلامتكم
بس انه سالفة يحبها ويبى يغير ويعرس .. هالشي لواته .. اذا يحبها ما بيأذيها ..
شعور الزوجة الأولى … اذا كان متزوج بسبب . اكيد بيكون مشاورنها .. وراضية ..
بس اذا بدون سبب وبدون ما تدري .. ممكن توصل للطلاق …
والزوجة اليديدة بتكون راضية طبعا وتعرف ان في حد قبلها .. في منهم يبون هالريال عادي لو عنده 3 قبلها .. بس عشان الريال أو لأسباب مادية ..
ونادر ما تحصل ريال يعدل بين الزوجات
المفروض الواحد يوم يأخذ الثانيه يكون هناك أسباب
بس مع شبابنا اليوم مافي اسباب
واغلب الشباب اذا شاف اربيعه تزوج الثانيه راح وقلده
أما شو شعور الزوجه الاولى والثانيه :
أنا بقولج عن أختي وريلها تزوج الثانيه من قبل أكثر 25 سنه مع هذا عداوه بينهم وكل وحده ما تواطن الثانيه وكل وحده تكره الثانيه ولا يزاورن ولا شي ولا يشوفون بعض إلا بالمناسبات
وشو شعور الزوجة اليديده الي ريلها ماخذ حد قبلها !!!!!!!
شعور تجاه شو؟ ,,وحدة يديده ماجربت يتزوج عليها زوجها
عاد بتخلي التفكير لريلها
شو شعور الزوجة الاولى لو تزوج عليها زوجها
هاي عاد صدق الله يعينها
لان محد بينصدم غيرها:
والحمدلله على سلامتج اختي دنيا الوله^_^
.
ريلها ما خذ وحده كبر أمه نحن نقولها يمكن يعوض عن الحنان اللي فاقده من أمه
بس يستاهل ياتله وحد الله يعينه عليه
والله البنت مسكينه بعد كل الصبر عليه
عاد هو الحبيب مره عندها ومره عندها مب أسبوع أسبوع يوم يوم ترى يمل
خخخخخخ
يسلموووووو عالطرح
بصراحه مواضيعج حلووووووووه جوزيتي خير
ثاني شي … خاطري أعرف من وين يبتوا الشرط الجديد في تعدد الزوجات اللي هو "لازم تكون عند الزوج أسباب"؟؟ أسباب ايه يا بابا …
و آخر الأسباب … من كثر ما نحب حريمنا نحاول نخفف عنهن … بدل ما يسمعون صراخ رياييلهم يوميا … يتوزع الصراخ على حرمتين … يعني ترتاح يوم و اليوم اللي بعده تتصدع!!!
الله يعينكن ياللي تغارن من لا شي
و نسيت أقول لكم "إن القرين بالمقارن يعرف" … يعني الريال إذا يسوق مرسيدس خمس سنوات … ما راح يعرف قيمة المرسيدس إلا بعد ما يجرب الكورولا … و بالعكس إذا الريال يسوق كورولا خمس سنوات ما راح يكره الكورولا إلا بعد ما يجرب المرسيدس
و سلامتكم
يعني الريال إذا يسوق مرسيدس خمس سنوات … ما راح يعرف قيمة المرسيدس إلا بعد ما يجرب الكورولا … و بالع** إذا الريال يسوق كورولا خمس سنوات ما راح يكره الكورولا إلا بعد ما يجرب المرسيدس
كنت داخلة الموضوع ابغي ارد لكن يوم شفت رد اليرز ما قدرت اكتب شي من الضحك على هالرد العجيب
بصراحة تشبيه ولا كل التشبيهات خطيييييييييييييييييييييييييييير
انزين يمكن يكون عنده مايباخ ويفكر ف الهمر شو الحل
انزين يمكن يكون عنده مايباخ ويفكر ف الهمر شو الحل
لايعرس لا الأولى ولا الثانية.. 
وبعدين هالأيام زيادة الرواتب تؤدي الى زيادة في أسعار السوق "سعر الأرز" وبعدها "يالسين يخططون" زيادة سعر البترول وبعدها زيادة في المهور وبعدها الواحد لا يقدر ياخذ الأولى ولا الثانية حتى.. وبيقووول أتم عزااابي أحسن من الزواج..
وعن الزواج من الثانية "صح أن الله حلل أربع" بس بعد أنا ما أأيد هالشيء الا اذا كان في رضا من الزوجة الأولى.. أو اذا كااانت الزوجة مقصره مع زوجها أو انها مو زينة.. لأن اذا ماشيء رضا من الطرفين واتزوج الزوج وخذا الثانية راح ينقلب كل شيء فووق راسه "ضرابه وزعل وعدم تفاهم وعناد وغيره"..
وصدقت أخوي
بالتشبيه اللي قلته..
تسلمين عزيزتي دنيا الوله على موضوعج..
وربي يحفظج ويوفقج دووم يارب..
والسموحة..
السلام عليكم
اعتقد ان الجواب نفسه بيكون اذا قلبنا آية السؤال …!!!!!!!
تحياتي ..
يقولون الهمر مصممينه للحريم بس … مب زين للرياييل … ثقيل و بطيء #lauth
أم سعود …
أول شي مشكورة على الإطراء #good … بعدين يقولون مب زين تاخذ راي الحرمة في كل شي … عشان جيه القوامة بيد الرجل … في مواقف مب مسموح لنا ناخذ راي الحرمه فيهن … و بالنسبة للعيب أو الخلل … لو في خلل من جانب الحرمة الأولى من باب أولى إني أساعدها تتغلب على خطأها و أمسك بيدها لين توصل مرحلة مرضية … مب أتهرب من المشكلة و أتزوج وحدة ثانية … عندنا شعار يقول "طالما حرمتك عندها مشكلة أو مرض أو مقصرة ما يجوز لك تتزوج … لازم تكون راضي عن حرمتك عشان تقدر تتزوج بثانية" … تعرفين ليش … الواحد إذا طاح بمصيبة ما وده يزيد الهموم على نفسه و يتزوج مصيبة ثانية #teath
السماوية …
نحن عندنا ديمقراطية … إذا الحرمة تبغي تاخذ ريال ثاني أو ثالث أو رابع ما عندنا أي مشكلة … الراي رايكم و لكم مطلق الحرية في الاختيار #sun
بدل الحرمة تحمل كل سنة و تييب درزن عيال و ما تعرف راسها من ريلها في البيت … الرياييل يتزوجون بثنتين إذا الحرمة تبغي تحمل في كل سنتين مرة … و ثلاث إذا الحرمة تبغي تحمل في كل ثلاث سنوات مرة … و أربع إذا تبغي تحمل كل أربع سنوات مرة … في نظرنا مب معقولة الحرمة تعيش كل حياتها حمل و ولادة … ما يصير … لازم شوي تعيش حياتها و تشوف شو هواياتها و قبل كل شي تربي كل واحد من العيال تربية صحيحة سوية مستقيمة من الصغر … على قولة الموظفين "تفريغ كامل" … اللي اييون فوق بعض صعب الحرمة تتحكم فيهم … هم اللي يتحكمون فيها … فنحن نبغي نرجع هيبة الحرمة في بيتها …