بس طبعا الكل سمع عن الخصخصه صح؟؟؟ صح
ودخلت الخصخصه في كل المجالات تقريبا ومن بينها
المدارس … المدارس ياسلالالالالام على الخصخصه فيها
الهدف ايطورون التدريس وينمون اللغه الانجليزيه
لين الحين كل شي اوكيه
تعالو ندخل المدرسه ونشوف المعلمات …
اللبس والله لابسات تنوره فوق الركب القميص قصير وظاهر السر برع
الزنود خاري والكشه منفوشه شي بقى ناقص يلبسن مايوه
يعني صدق منظر يقهر ويرفع الضغط الحين الاطفال ابدال ما يكون جدامهم
النموذج الصحيح اللي بيقتدون فيه اتي هالعاريه وتكون هيه النموذج بس
على نهجهم الغربي …
والمعلمه في نظر الطفل كائن مقدس كل اللي تسويه وتقوله صح حتى لو
غلط يشوفه صح …ياترى اعيالنا كيف بيكون حالهم !!!!!!
ليش ما يحطون قانون يمنع اللبس العاري نفس الجامعه ممنوع
المعلمات يلبسن على هواهن كل لبسهن فضفاض وطويل او يكون قصير بس
مب فوق الركب وين نحن والله حاله
فيه ريال اشتكى لنه خاف على بناته انه يقلدن …
شوفو الرد والله لو انت امربنها زين ما بتقلد المعلمه !!!!!
هذا موضوعي لنه صدق واقع يتغصص الشخص امنه
وخلاص ..
و نعرف كيف نتعامل مع هالنوعيات
منو ما وده انه عيالنا يتعلموا لغة بس الاهم الطريقة
مب ييبولنا نسوان عاريات لمدارس الشباب , وشباب لمدارس البنات
شو سوينا حزتها
هدم اخلاقي تصير في المدارس ودعوة للفساد وغيرها من سلبيات تفووق الايجابيات من جميع النواحي
والحل المفروض يكون بشروط وقيود تلزمهم فيها الوزارة قبل ما تسلم المدارس
همسة للغالي اليزر …………….. حماستك عيبتني , بس هاييل ماحد يتدخل فيهم حتى المدير نفسه ماله حق يرمسهم 
وعساكم ع القوة
سلطه عليهم ولا اولياء الامور
يعني امنوه الحين المسؤول !!!!
في بلادهم اختي تقول المعلمات لابسات لبس
محترم يعني هاللبس اللي يلبسنه هالمعلمات
عندهم هم هذول بنات الشوارع والمراهقات
بس السالفه فيها عنصر ديني يبون الطفل يتعود يشوف
هالاشكال وما يستنكرها اذا شافها في بلاده
عادي كل شي عادي ع قولتهم فري
فيه ريال اشتكى لنه خاف على بناته انه يقلدن …
شوفو الرد والله لو انت امربنها زين ما بتقلد المعلمه !!!!!
شو هالرد ..
شو ما بتقلد المعلمة ؟!!!
أكثر ناس يقلدونهم الطلاب والطالبان هم المعلم و المعلمة ..!!
فالمفروض يكونون بالصورة الحسنة .. والخلق الحسن ..لأنهم
يعلمون صقور صغيرة ..باجر بيخدمون بلادهم مب يضرونه !!!
الله يهدي الجميع …
نجمة سهيل ..يعطيج العافية على الطرح المميز ..
وشكرا لنشاطج
بس ماباليد حيله لازم حد يوقف ضد هالخربطه
مب كل حد حدر لبلاد سوى اللي يباه يسدنا المناظر في المولات
جنه في حارة خوال امريكا سلاسل وبناطلين وربطات ع الراس نحن من وين
بنيبها من الاعلام ولا من المجتمع اللي بدى عياله بالاحرى شبابه يستخف
ولا من المدارس النقشه ليديه حر حر الدنيا حر لازم نتعلم ونخفف من اللبس
(مجرد وجهه نظر)
….
يمكن هاالشي الحين في المدارس الخاصه
العوق انه شوي شوي بيدخل على المدارس الحكوميه
سلمتي اختي نجمة سهيل على الموضوع
وشوي على عمرج شكلج منفعله وايد
المشاركة الأصلية كتبت بواسطة خيماوي دلع 
(مجرد وجهه نظر)
يايبينهن عشان يقون اللغه الانجليزيه لنه المواطنه او الوافده
اشوي بترمس انجليزي وطول الوقت بترمسهم عربي
ف هالشي ما بيطور اللغه عندهم …
يسلمووو ع مرورك الطيب…
……………………………………….
المشاركة الأصلية كتبت بواسطة الخيال العوق انه شوي شوي بيدخل على المدارس الحكوميه
للاسف اللي انا ارمس عنهن مدرسه حكوميه مب خاصه…
المشاركة الأصلية كتبت بواسطة الخيال وشوي على عمرج شكلج منفعله وايد
الله يسلمك …
اكيد منفعله حد يشوف هالمناظر ويرمس ببرودة اعصاب!!!!!
يسلمووو ع المرور