اخواني و خواتي … كلنا بشر و نمّر في ابتلاءات ، ومنا اللي يصبرون و اللي ما يتحملون و يخافون و يزعلون من أقل شي و ينهزون من أول ضربة …
و من الابتلاءات اللي قريت عنها او سمعتها الموقفين اللي بذكرهم و شوفوا الابتلاءات اللي يمرون فيها اصحابها …
اول ابتلاء …
كلنا نمّر بابتلاءات و الابتلاء يختلف منا اللي يكون ابتلائه قوي على قد ايمانه و منا اللي ابتلائه يكون خفيف و يمكن هو بعد ما يصبر و لا يتحمل … المهم قريت الموضوع هذا فواحد من المنتديات …
وحدة كل مرة توقف بتصلي، يكشفها الشيطان، يعني ما تروم تصلي … يعني هو يمنعها عن العبادة … و العياذ بالله و هذا ابتلاء و ما أظن أي إنسان يمّر فهالابتلاء … المهم يلست أفكر الحمد لله احنا نصلي … بس هل نخشع في صلاتنا ؟؟؟؟ السبب بعد الشيطان يوسوس لنا في الصلاة … بس اللي يكشفها عسب ما تصلي فهذي إبتلائها أقوى عن ابتلائنا 
… طبعاً من اللي قالوه لصاحبة المشكلة أنها تحتاي رقية شرعية …
الله يشفيها و يعافينا من اللي ابتلاها به … اللهم آمين …
ثاني إبتلاء …
كنت أتابع واحد من البرامج الدينية و اللي فيها يردون العلماء على استفسارات المتصلين … واحد من الاتصالات شد انتباهي … قصة وايد غريبة و تعّور القلب فنفس الوقت … القصة …
اتصلت وحدة من عمان تخبر الشيخ سالفة اخوها (محمد) تقول عنه انسان وايد طيب و ملتزم ، وكان ناوي يعرس، خطب وحدة من البنات و عطى أهلها نص المهر و خبرهم أنه بيعطيهم الباجي، و فجأة اختفى، دوروه في عمان و الامارات و عمموا عليه و بدووووون فايدة، اختفى من ثلاث سنين و محد يعرف عنه شي … تقول اخته: مرة كنت فبيت أهلي و يوم الخميس الساعة 2 في الليل وصلني مسج من تيلفونه تقول قريت المسج و لا كلها طلاسم، كيف وصلني المسج من تيلفونه و هو اصلاً مختفي من ثلاث سنين محد يعرف شي عنه ؟؟؟ تقول من قريت المسج طار الرجاااد من عيوني و خفت
تقول مرت فترة يعني كم اسبوع : و وصلتي رسالة ثانية بعد طلاسم ما عرفت لها، و الرسالة كأنها من عالم ثاااااني مب ظاهر عندي وقت ارسال الرسالة و لا منو اللي ارسلها و تتضمن الرسالة اسم اخويه (محمد) …
تقول: كلمت واحد من المشايخ و قلت له عن اللي يستوي لنا و خبرني لازم نحصّن أعمارنا بالأدعية و المعوذات و خبرنا أن اللي يستوي لنا من السحر تقول دوم احلم بأخويه يبغي ايينا بس ما يقدر … اشوف حد يسحبه من ورا و يرده لورا و ما يقدر يوصل لنا … تقول مرة في الليل اتصل و قال : افتحوا الباب انا بييكم و تقول فتحوا اخواني باب البيت و يلسوا يتريونه و ما يانا
بعدين تقول : اتصل بنا مرة ثانية و المرة هذي كان وياه اثنين ما عرفتهم و قال لنا بالحرف الواحد: خلوا الشيخ ينفعكم …
طبعاً رد عليها الشيخ في الحلقة اللي عقبها و كان من رده أن اللي يستوي على الأرجح من عمل الجن يــمــكــن اخــتــطــفــوه و نصحهم يحصّنون اعمارهم بالأدعية و الأذكار و يدعون له الله يرده لهم بالسلامة …
يا الله صدق في ناس ما ترحم … ليييييييييش يدمرون حياة هالانسان ؟؟؟؟ شو بيكون موقف أهله و خصوصاً امه و أبوه ؟؟؟؟؟؟ و شو بيكون موقف حرمته و أهلها ؟؟؟؟؟
الله يرده لهم بالسلامة و الله يصبرهم على اللي ابتلاهم به … و الله يفرج كربته و كرب كل المسلمين … آمين
بقلم أختكم في الله
ورد الجــــوري 
ربي لك الحمد كما ينبغي لجلال وجهك وعظيم سلطانك،،
مشكورة أختي ع الموضوع الطيب،،
والله يشفي الجميع
اختج:وجه الخير #mak
الحمد لله الذي عافانا مما ابتلى به كثيراً من خلقه ,,,,,
ورد الجوري ,,, تسلمين على الموضوع 
تسلمين ع الطرح يالغاليه
الله المستعان
المشاركة الأصلية كتبت بواسطة ورد الجوري وعليكم السلام ورحمة الله وبركاته
اول ابتلاء …
كلنا نمّر بابتلاءات و الابتلاء يختلف منا اللي يكون ابتلائه قوي على قد ايمانه و منا اللي ابتلائه يكون خفيف و يمكن هو بعد ما يصبر و لا يتحمل … المهم قريت الموضوع هذا فواحد من المنتديات …
وحدة كل مرة توقف بتصلي، يكشفها الشيطان، يعني ما تروم تصلي … يعني هو يمنعها عن العبادة … و العياذ بالله و هذا ابتلاء و ما أظن أي إنسان يمّر فهالابتلاء … المهم يلست أفكر الحمد لله احنا نصلي … بس هل نخشع في صلاتنا ؟؟؟؟ السبب بعد الشيطان يوسوس لنا في الصلاة … بس اللي يكشفها عسب ما تصلي فهذي إبتلائها أقوى عن ابتلائنا … طبعاً من اللي قالوه لصاحبة المشكلة أنها تحتاي رقية شرعية …
الله يشفيها و يعافينا من اللي ابتلاها به … اللهم آمين …
اللهم امين………..وفي غير الشيطان النفس 
المفروض ان الواحد يحاول يخلي كل امور الدنيا بعيده عنه في الصلاه…الا كلها 5 او 10 دقايق يحاول قد ما يقدر انه يخشع فيها
ثاني إبتلاء …
كنت أتابع واحد من البرامج الدينية و اللي فيها يردون العلماء على استفسارات المتصلين … واحد من الاتصالات شد انتباهي … قصة وايد غريبة و تعّور القلب فنفس الوقت … القصة …
اتصلت وحدة من عمان تخبر الشيخ سالفة اخوها (محمد) تقول عنه انسان وايد طيب و ملتزم ، وكان ناوي يعرس، خطب وحدة من البنات و عطى أهلها نص المهر و خبرهم أنه بيعطيهم الباجي، و فجأة اختفى، دوروه في عمان و الامارات و عمموا عليه و بدووووون فايدة، اختفى من ثلاث سنين و محد يعرف عنه شي … تقول اخته: مرة كنت فبيت أهلي و يوم الخميس الساعة 2 في الليل وصلني مسج من تيلفونه تقول قريت المسج و لا كلها طلاسم، كيف وصلني المسج من تيلفونه و هو اصلاً مختفي من ثلاث سنين محد يعرف شي عنه ؟؟؟ تقول من قريت المسج طار الرجاااد من عيوني و خفت
تقول مرت فترة يعني كم اسبوع : و وصلتي رسالة ثانية بعد طلاسم ما عرفت لها، و الرسالة كأنها من عالم ثاااااني مب ظاهر عندي وقت ارسال الرسالة و لا منو اللي ارسلها و تتضمن الرسالة اسم اخويه (محمد) …
تقول: كلمت واحد من المشايخ و قلت له عن اللي يستوي لنا و خبرني لازم نحصّن أعمارنا بالأدعية و المعوذات و خبرنا أن اللي يستوي لنا من السحر تقول دوم احلم بأخويه يبغي ايينا بس ما يقدر … اشوف حد يسحبه من ورا و يرده لورا و ما يقدر يوصل لنا … تقول مرة في الليل اتصل و قال : افتحوا الباب انا بييكم و تقول فتحوا اخواني باب البيت و يلسوا يتريونه و ما يانا
بعدين تقول : اتصل بنا مرة ثانية و المرة هذي كان وياه اثنين ما عرفتهم و قال لنا بالحرف الواحد: خلوا الشيخ ينفعكم …
طبعاً رد عليها الشيخ في الحلقة اللي عقبها و كان من رده أن اللي يستوي على الأرجح من عمل الجن يــمــكــن اخــتــطــفــوه و نصحهم يحصّنون اعمارهم بالأدعية و الأذكار و يدعون له الله يرده لهم بالسلامة …
يا الله صدق في ناس ما ترحم … ليييييييييش يدمرون حياة هالانسان ؟؟؟؟ شو بيكون موقف أهله و خصوصاً امه و أبوه ؟؟؟؟؟؟ و شو بيكون موقف حرمته و أهلها ؟؟؟؟؟
امور السحر والجن …نسأل الله ان يعوذنا منها….الصراحه في قصص والله الواحد يستغرب يوم يسمعها وما يتوقع ان قلوب البشر وصلت لهالقسوة والفضاعه !!!! 
الله يعافينا ويحمينا
المرعب والاجر على الله
أختي يسلمو على الموضوع الرائع
أعرف شخصيات تعرضت لمثل هذه الأمور .. إحداهن واحدة من أقاربي المقربين ..
أصيبت بحالة غريبة فجأة وبدون مقدمات ..
فقدت ما يقارب الخمسة عشر كيلو جراما من وزنها في غضون أسبوعين فقط !
أصبحت في حالة شبه غيبوبة … نحدثها فلا ترد .. فقط تنظر إلينا وكأنها مغيبة عن الوعي . لم تكن تستطيع الصلاة .. تقول : حين أصلي وأقول سبحان الله العظيم
أسمع صوتا يقول لي : من العظيم ؟!! أي عظيم تعنين ؟!!
واستمرت على ذلك فترة طويلة …. كنا نقرأ عليها القرآن الكريم وبالأخص سورة
البقرة والمعوذات ونجعلها ترددها وراءنا .. والحمد لله تحسنت كثيرا وعادت إلى سابق عهدها بفضل الله .
لسنا وحدنا في هذا الوجود .. والابتلاءات في الدنيا كثيرة .. لهذا السبب ولغيره
وجدت الرقى الشرعية والأذكار والأدعية التي أمرنا رسولنا الكريم صلى الله عليه وسلم
بالمحافظة عليها .
ورد الجوري ..
جزاك الله خيرا على هذا الطرح وعلى التذكرة النافعة ..
أسأل الله جل شأنه أن يحفظنا وإياكم من شر ومن كل شيطان مارد ..
اللهم آمين .
المشاركة الأصلية كتبت بواسطة الحنين ربي لك الحمد كما ينبغي لجلال وجهك وعظيم سلطانك،،
مشكورة أختي ع الموضوع الطيب،،
الانسان لما يشوف مصايب غيره تهووون مصيبته …
الحمد لله على كل حال … الانسان يصبر و يتحمل كل شي الا لو شي له علاقة بدينه فهذي مصيبه و ابتلاء ما يصبر عليها الا اللي الله يصبره …
العفو اختي …
يزاج الله خير على المرور و بارك الرحمن فيج
المشاركة الأصلية كتبت بواسطة وجه الخير والله يشفي الجميع
اختج:وجه الخير #mak
العفو اختي و واجبنا ننبه غيرنا عسب ينتبه لهالسوالف و يحصن عمره … و ينّبه غيره …
الحمد لله على كل حال ,,, اللهم آمين
يزاج الله خير على المرور و بارك الرحمن فيج 
في هذا الزمن الناس مايخافون لا من الاخره ولا من العقاب….
مشكوره اختي الفاظله المتألقه ورد جوري ….
تحيتي لكم