فنجد تواجد بعض الرجال في هذه المحلات يشكل نشازا مع نساءهم وخاصة وأنهم قد يضايقون بعض ال**ونات الموجودات في المحل .
ويقول اخرون في تواجد الرجل مع زوجته حريه شخصيه وخاصة أنه مع زوجته وربما هو يساعدها في اختيار ملابسها .
انتو شرايكم في الموضوع شباب وبنات
::
وربي يحفظك ويوفقك دوووم يارب..
::
والسموحة..
::
بس عني انا شخصيا نادر اذا رحت مع ريلي المول يدش ويايه محل مهما كان هالمحل شو يبيع
حتى احيد مره رحنا الميغا مول وفوق عند محل جيلاتو للعبي قلت بدش اطالعلي شي
تخيل المحل متروس حريم ويا رياييلهم ومع هذا ما دش ويايه مت من القهر انه خلاني ادش المحل روحي 🙁
المهم ظهرت الي في خاطريه وعبرت عن خبايا نفسي فيسلمو علموضوع والله يبارك فيك ويزيك خير ويوفقك فحياتك ويرزقك بزوجه الصالحه والذريه الطيبه ويباركلك في اهلك ومالك واصحابك انته وجميع اخوانا المسلمين لأن اليوم وقفه عرفه ^.^ فبدعيلك ^_*
خاصة اذا كان المحل مزدحم بالحريم
وأوافق دخول الزوج في المحل وبقوه اذا كان الذي يبيع في المحل رجل
كثير من المحلات الموجوده لبيع الملابس الداخليه النسائيه يكونون البائعين فيه رجال
شكرا صمت الجروح على الموضوع
بالنسبة لموضوع دخول الرجل مع زوجته لمحلات الملابس النسائية من رايي انه يدخل معاها اذا كان المحل فاضي وما فيه حد غيرهم
واذا دخلوا حريم غير يطلع سيدا وما يتم ف المحل لانه بيسبب احراج لهم
سبحان الله .. من يومين كنت اتكلم في نفس الموضوع مع اختي
كانت تخبرني .. عن موقف شاهدته واستاءت منه جدا
دخل الزوج مع زوجته محل الملابس النسائية ..
وبينما الزوجة منهمكة في الشراء ..
كان الزوج الفاضل منهمكا بدوره في تقليب "الكاتلوج " المعروض في المحل
وما ادراك ما كاتلوج المحل
—-
يعني المشكلة مش بس في دخول الزوج .. المشكلة في تصرفه في المحل
و إذا تبون هالمحلات خل الرياييل يدخلون طالما ملتزمين حدودهم سواء كان المحل فيه حريم أو فاضي … يمكن ريال يبغي يشتري هدية لحرمته؟!!! يمكن ريال ما يعيبه ذوق حرمته و وده يختار بروحه؟!!! يمكن و يمكن و يمكن …
ما نقدر نعمم و نقول الكل يدخل أو محد يدخل …
يوم فتحوا مول للحريم في أبوظبي … ما طول كم من شهر و صكوا المحلات اللي فيه!!! ليش يا حريم ما رحتوا المول و خليتوا التجربة تنجح عشان نتأكد إنكن تقدرن تختارن أرواحكن بدون مساعدة الرياييل؟؟؟
ما زلت أفضل أن يكون الرجل مع زوجته في أغلب الأحيان سواء تواجدوا حريم أجانب أم لا … طبعا مع مراعاة حدود الأدب
و يبقى الحل الأمثل ألا و هو إغلاق هذه المحلات و الانتهاء من الجدال
و دمتم
قبل كنت اتضايج من دخول الرياييل لمحلات الملابس مع حريمهم .. كنت اشوف السالفة فيها احراج و البنات و الحريم ما ياخذون راحتهم ….
بس لما تزوجت صرت اوافق على الشيء هذا .. لييش ؟؟؟
لأن مب دوم الريال يعيبه ذوق حرمته .. و الريال ادرى باللي يعيبه من الملابس لما تسير حرمته تتشرى لها ملابس حلو تاخذ برأي زوجها .. بس المشكلة لو كان الزوج يقول لها: انا ما اعرف انتي كيفج و بعدين ينتقد اختيار الحرمة 
يزاك الله خير على الموضوع …
المشاركة الأصلية كتبت بواسطة كلاسيكي 
خخخخخخخخخخخخخ ياخوي مب أنا كاتبه الموضوووووووووووووووع
الي كاتبنه مجموعة انسان
بالنسبة لي شخصياً أنا أأيد دخول الزوج مع زوجته .. بس اذا كان المحل صغير وفيه زحمه مافي داعي ..
وبعد اذا اللي يبيع ريال . لازم يدخل الزوج ..
لان ذوق الزوج مهم في هذي الحالات .. وأخذ رايه شي مهم ..
بس وجهة نظري ان اذا كان محل فاضي فيدخل معاها من تدخل اي حرمه فعلى طول يظهر احتراما لها عشان ما يسبب لها أحراج
ومشكور على هذا الطرح