اسمحولي ع العنوان بس انجبرت اكتبه ع اللي سمعته بذني!!!
بصراحه كذا وحده من ربيعاتي معرسات
ومر على عرسهن اكثر من سنتين
مره اجتمعن ورمسن عن رياييلهم ..على اساس انهن شاكين انهم يرمسون بنات غيرهم
وبعضهن متاكدات ..بس يخافن من هالشي ..
لانهم مايقدرن يصدقن ان ريايلهم يرمسون غيرهم من البنات
المهم انا سمعتهم ..ومارديت عليهم
ومرت الايام
وسالت واحد من الاهل وهو معرس
قلت له بسالك سؤال وجاوبني بصراحه ؟؟
ليش الرياييل المتزوجين يرمسن غير حريمهم ؟؟!!
قالي غيري السؤال !!
لانه وبكل صراحه محرج ( استغربت !!)
وقلت فخاطري مانحرج الا وان السالفه فيها إن!!
قلت انا ابغي اعرف ..وخبرته بمعانات اربيعاتي
قال لي انتي شو اتغديتي ؟؟
قلت له لاتغير السالفه !!
قال لي ماغيرتها بس الجواب بتحصلينه في هالسؤال
ماكنت مقتنعه بكلامه ..بس جاوبت
وقلت له ( مجبوس دياي)
قالي انتي اترومين تاكلين مجبوس دياي كل يوم ..قلت له اكيد لا
قال لي هذا حالنا احن الريايل ويا الحريم !!!
قلت له لا والله
قلت اوكي
بس مب من حقكم
وبعدين مجبوس الدياي ماعنده شعور واذا كلته اليوم واليوم الثاني لا.. مابيزعل ولا بيتأثر
ع** الحرمه ..عندها مشاعر واتحس
صح ولا لا ؟؟
قالي صح
وبعد كل هالكلام ..قالي مب كل الرياييل جذا!!!!!!
واصابع ايديج مب وحده ..
وكلام وااايد بس انا ابغي اسمع وجهت نظر الشباب ع اللي قاله ..وشو رايكم يالبنات
اكيد شي اسباب ثانيه اتخلي الريال يرمس غير حرمته ويشكيلها اهمومه ..
غير انه يحب التغيير ..( وهذا عذر اقبح من ذنب )..
وانا بعذره ومابلومه فحاله وحده ..اذا حرمته كانت مقصره في حقه !!
تحياتي لكم ..وابغي وجهت نظركم فهالموضوع
همسه .
الوفى فهالزمن معدوم ..ولو نوجد مايدوم
والسموحه
حلوه منج 
وتسلمين ع مرورج
جمرة غضا
ما شاء الله عليج اختي كفيتي ووفيت ..والاسباب اللي ذكرتيها كلها جايزه ..
واشكرج ع الرد
ونتريا وجهة نظر الشباب
تحياتي لكم
نترك الاجابه للشباب
اخوي اطفائي متأكد انك داش بالغلط 
تعال ليكون الموضوع ماعيبك
اخوي الموضوع موضوعك واحن اللي داشين بالغلط
نبغي نشوف وجهة نظرك
تحياتي لك
انا برايي
ان شي رياييل حتى لو حصلوا البنت الي تعيبهم
وبالمواصفات الي هم يبونها عقب فترة
بيسيرون حق غيرها..مب لانها مقصرة في شي
بل هذا عيب فيهم .. ان على طول يبون بنات
وشرات ما يقولون ( عينهم زايغة )..
ويمكن ان النبت تكون مقصرة في حق الريال
والسموحة..
واجاوب…
……………..
تحياتي
ما شاء الله حسكن واصل آخر الفريج
قصروا حسكن
يا حبكن لهالسوالف 
طيب ..
ليش السؤال ما تسألونه للبنات اللي يسون نفس الشئ؟
يعني هن متزوجات ومع ذلك يكلمن شباب
يعني السالفة بتصير مثل الحلقة المفرغه أو VICIOUS CIRCLE
أكيد بتقولون: نسبة البنات اللي يسون هالشئ أقل
بقول لكن: قد تكونوا محقات!
بعد المقدمة البسيطه ، إليكم تعليقي على الموضوع:
الحمد لله أنا رجل متزوج ور**ني الله بزوجه (لن أخوض بوصفها .. اتدرون لماذا؟ لأنها هبه من الله)
طبيعي أي رجل سيدافع عن نفسه.
لهذا فلن أقول لكم بأنني كذا وكذا .. لأنكن ستقولوا اكيد بتنكر هالشئ
أما لماذا يقوم الرجال بذلك؟
اعتقد ان هناك سؤال أهم من ذلك وهو: كم نسبة الرجال الذين يقومون بذلك؟
لا يجب ان نفترض أشياء بدون أن يكون لدينا ارقام
حتى لو وجدت تلك الأرقام فما هو حجم تلك الأرقام؟
وإذا افترضنا وجود نسبة من الرجال، وبلا شك هناك رجال فنحن لا نعيش في مجتمع ETOPIA
أو مجتمع مثالي ، فالخير والشر موجود في البشر والمجتمعات منذ أن خلق الله أبون آدم عليه السلام.
عوده للأسباب:
لا اتصور انها تخفى عليكم لأنها لن تخرج عن أنها أسباب دينية فهي الأصل.
أما تفصيل ذلك:
ما يدعوا الرجل لذلك هو أنه هناك امور ترجع للزوجه وأمورا اخرى ترجع إلى الزوج.
ما يعود للزوجه:
1) عدم إهتمام الزوجه ببعلها (حلوه هذي 
). وهذه بها تفصيل كبير فمنها:
فهم نفسية زوجها، كثرة أسئلتها لزوجها (التي لاداعي لها طبعا .. وكأنها تحقق معه)، التوفير الجو النفسي لزوجها …. الخ
2) عدم اهتمام الزوجه بنفسها: ملابس، تجمّل . (هذه النقطه واضحه). لازم تغير الزوجه شكلها من فترة لأخرى (تسريحات وما أدراك منها).
3) هناك أمور لآ أريد ان أطرحها هنا لأنها متعلقة بأمور زوجية خاصة.
أمورا متعلقه بالزوج:
1) ضعف الرجل أمام المغريات (وازع ديني طبعا).
2) في الغالب: الرجل الذي يقوم بذلك تجده بعيدا عن دينه في كل الأحوال.
الخلاصة:
اختصار ذلك هو ضعف الايمان هو السبب.
بعد كل ذلك أتوقع تفصيل هجومي من العضوات علي وأنا جاهز ومستعد.
نحن صرنا أخر زمن مجبوس دياي
وين أيام لما كانوا يذلون إعمارهم عشان يحصلون البنت اللي ترضى فيهم وفي الملجة إسمعوا الكلام
أنا ما راح أتزوج وحدة غيرج وعد ريااييل
والبنت يحليلها 
نايمه بالعسل وبعد الزواج يطلع على حقيقته
الواحد اللي يحب زوجته مستحيل يخونها ولا يفكر يصد على وحدة غيرها
وأما اللي عيونه على بنات الناس فهذا واحد غسلوا إيدكم منه
وأشكرج المغرورة على هذه اللفته الجميله للموضوع
الريال عينه بتزيغ لو تزوج وحده
خلوه يتزوج الثانيه "يا عيني على الراي" 
احيد كان عندنا استاذ تربيه اسلاميه في ايام الثانويه متزوج من 2 وكان يقول في ريايل عينهم بتم زايغه لين ما يتزوجون 4 .. ونعم الكلام
يعني شرع الله ما نزل جي اكيد في سبب لهالشي ..
وبعدين بنحل مسألة العنوسه .. وبنقلل من انحراف المتزوجين .. وبنكثر من الصغاريه وان شاء الله بنحرر فلسطين ما يخصه خخخخ
ويسلمو خيتو على الموضوع ..