يوم تسافرون شو الأشياء الي تفتقدونها هناك انا افتقد (صوت الآذان ..نكهة الأكل مالنا ..اللمة ويا اخواني وخواتي ف بيت أهلي)
يوم انه الكل ينتقد اشكال العبايات الملفتة وملابس البنات ف المولات عيل اللي نشوفهم منو اهلهم ؟؟؟
ليش الحالة المزاجية والوقت تحدد نوع العطر اللي نرشه وأحيانا يستوي الع**؟؟
يوم نكون برع البلاد ونشوف أعداد السياح والاجانب من غير العرب المقيمين واللي يشتغلون ف الدولة اللي نكون مسافرين لها ما نستغرب هالشي لكن هني ف بلادنا نحس بالضيق من أعداهم وتزايداهم
للي يسوقون كيف تقضون المسافة وانتو طالعين بالسيارة لمسافة طويلة نسبيا (سوالف بالموبايل …الاستماع للإذاعة…سماع محاضرة…ما تسوون شي مول))
ليش يوم نكون ف السيارة ملاحظاتنا للأشياء تختلف يعني يوم نكون نسوق غير يوم نكون جنب السايق مع انه نمر ف نفس الطريق كل يوم تقريبا
وسلامتكم 
يوم تسافرون شو الأشياء الي تفتقدونها هناك
حجرتي ,,.. لاب توبي ,,.. كتبي ,,.. تقريبا كل شي في بلادي وفي بيتنا
يوم انه الكل ينتقد اشكال العبايات الملفتة وملابس البنات ف المولات عيل اللي نشوفهم منو اهلهم ؟؟؟
فطرة في الانسان ان يشوف عيوب غيره ومايدري انه مليان عيوب ,,.. والاهل يشوفون بنات الناس ومايشوفون بناتهم
ليش الحالة المزاجية والوقت تحدد نوع العطر اللي نرشه وأحيانا يستوي الع**؟؟
النفسية تتحكم في كل شي مب بس العطر،تتحكم في اللبس , طريقة الكلام , body language , والصحة ,,.. عشان جذي ناخذ دروس في علم النفس لان احيانا المريض مايكون مريض جسديا بل نفسيا ,,.. ويتحرى مثلا الصداع اللي يجيسه من خلل في جسمه لكن في الحقيقة يكون مثلا من ضغط العمل ,,..
والع** لان بعد الاشياء اللي حوالين الانسان تأثر في نفسيته ,,.. ولهذا احينه صارت المستشفيات في الخارج تحرص ان غرفة الدكتور تكون ملونة لاراحة المريض نفسيا
يوم نكون برع البلاد ونشوف أعداد السياح والاجانب من غير العرب المقيمين واللي يشتغلون ف الدولة اللي نكون مسافرين لها ما نستغرب هالشي لكن هني ف بلادنا نحس بالضيق من أعداهم وتزايداهم
هم السياح يروحون عندهم وخلاف يردون بلدانهم ,,.. لكن نحن اللي عدنا ما يردون بلدانهم ومسويلنا زحمة
للي يسوقون كيف تقضون المسافة وانتو طالعين بالسيارة لمسافة طويلة نسبيا (سوالف بالموبايل …الاستماع للإذاعة…سماع محاضرة…ما تسوون شي مول))
اذا انا اسوق اسمع الاذاعة او اي شريط عندي ,,.. اذا مب انا اللي اسوق اقرى الجريدة او اي كتاب خفيف و ممتع ,, واحيانا اذا عندي اسايمنت اشل اللاب توب وياي ,,.. وأحيانا أتأمل الشوارع خاصة لأن إضائتها صفرا ,,.. فأحس انه الجو رومانسي لوووووول
ليش يوم نكون ف السيارة ملاحظاتنا للأشياء تختلف يعني يوم نكون نسوق غير يوم نكون جنب السايق مع انه نمر ف نفس الطريق كل يوم تقريبا
لان اللي يسوق السواقه تلهيه اما اللي يالس حذاله ماعنده شي يسوسه
وسلامتكم
يسلمو ع الموضوع الحلو والتساؤلات الغريبة !!!!!
لا تعليق
^^
الله يعطيج العافيه أختي ع الطرح ^^
يعطيج العافية
موفق بإذن الله … لك مني أجمل تحية .
حجرتي ,,.. لاب توبي ,,.. كتبي ,,..
يعني كلنا نفتقد الاشيا المقربة منا وما نستغنى عنها مول
النفسية تتحكم في كل شي مب بس العطر،
اللي قصدته انه ساعات من الصبح يي ع مزاجي احط عطر قوي مع انه ما يناسب هالوقت من اليوم لكن احس اني ابغي اصحصح شوي واحيانا الع** يوم استخدم عطر هااااااااااااادي
body language
هاي الجملة انا كارهتنها لانها الحين تدخل ف كل مقابلة وحوار ونقاش وجدال ما عندهم غير لغة الجسد وتحليلها وشو القصد منها ويقعدون يسوون عليها موال ويألفون قصص وكتب عن كل صغيرة وكبيرة …ذكرتيني بالامتحان الله يسامحج
لان اللي يسوق السواقه تلهيه اما اللي يالس حذاله ماعنده شي يسوسه
انا وياج ف هالشي …. احيانا يوم اطوف ف شارع معين واكون متعودة عليه ما الاحظ التغيرات اللي مستوية فيه من اول مرة احيانا اسئل نفسي متى استوى هالشي كله معقولة ما كنت منتبهة وما لاحظت هالشي او اني اقول يار بي شو كان هني وشلوه وسووا مكانه هالشي اليديد
شكرا على المشاركة والتواصل
موضوع حلو
تحلى ايامج ان شاء الله
لا تعليق
افا والله ليش عاد
الله يعطيج العافيه أختي ع الطرح ^^
الله يعافيج
شكرا على المشاركة والتواصل
سوالف حلوة
تحلى ايامج ان شاء الله
يعطيج العافية
الله يعافيج
شكرا على المرور والمشاركة
يوم تسافرون شو الأشياء الي تفتقدونها هناك انا افتقد
أهلي ، حجرتي ، ((بنتي ,, اذا مب وياي )) ، البلاد بشكل عام
يوم انه الكل ينتقد اشكال العبايات الملفتة وملابس البنات ف المولات عيل اللي نشوفهم منو اهلهم ؟؟؟
ممكن مب الكل اللي يعيبه … في حد يشوفه حلو على خواته او حرمته .. يعني ماشي غيره وااااايد
ليش الحالة المزاجية والوقت تحدد نوع العطر اللي نرشه وأحيانا يستوي الع**؟؟
لان نوع العطر يرتيب في وقت معين او مناسبه … يعني في عطر يذكرج بأشياء واايد حلوة .. بس قديم .. عادي تستمرين عليه ..
والع** في عطر يذكرج بموقف مب حلو .. ما تحبينه ..
يوم نكون برع البلاد ونشوف أعداد السياح والاجانب من غير العرب المقيمين واللي يشتغلون ف الدولة اللي نكون مسافرين لها ما نستغرب هالشي لكن هني ف بلادنا نحس بالضيق من أعداهم وتزايداهم
أضن ماشي عمالة زيادة شرات اللي عدنا .. هم في بلدانهم موزعين بترتيب ..نحن اللي عدنا حدث ولا حرج ..
للي يسوقون كيف تقضون المسافة وانتو طالعين بالسيارة لمسافة طويلة نسبيا
انا يوم اسير مسافات طويله .. أغلب شي سوالف لان ااكيد حد وياي .. ولا احط اذاعة القرآن ..
ليش يوم نكون ف السيارة ملاحظاتنا للأشياء تختلف يعني يوم نكون نسوق غير يوم نكون جنب السايق مع انه نمر ف نفس الطريق كل يوم تقريبا
صح حتى المسافات تختلف يووم نكون جنب السايق .. يعني تحسين انتي اللي تشوفينه غير عن اللي هوو يشوفه …
وسلامتكم
الله يسلمج على الموضوع الحلو
سوالف حلوه
جزاك الله خيراا
[/align]
سوالف حلوه
المشاركة الأصلية كتبت بواسطة شموخ النخيل 
يوم تسافرون شو الأشياء الي تفتقدونها هناك انا افتقد (صوت الآذان ..نكهة الأكل مالنا ..اللمة ويا اخواني وخواتي ف بيت أهلي)
(صراحه الواحد يشتاق حق كل شيء وكل ماطول في السفره يحس انه يشتاق حتى حق الاشياء البسيطه والصغيره)
يوم انه الكل ينتقد اشكال العبايات الملفتة وملابس البنات ف المولات عيل اللي نشوفهم منو اهلهم ؟؟؟مافهمت كيف يعني عيل اللي نشوفهم من واهلهم بأي لغه هاي#sun
ليش الحالة المزاجية والوقت تحدد نوع العطر اللي نرشه وأحيانا يستوي الع**؟؟أعتقد حاسه الشم تتغير على حسب مزاج الشخص
يوم نكون برع البلاد ونشوف أعداد السياح والاجانب من غير العرب المقيمين واللي يشتغلون ف الدولة اللي نكون مسافرين لها ما نستغرب هالشي لكن هني ف بلادنا نحس بالضيق من أعداهم وتزايداهم لانه هناك نروح لفتره مؤقته ومايهمنا
للي يسوقون كيف تقضون المسافة وانتو طالعين بالسيارة لمسافة طويلة نسبيا (سوالف بالموبايل …الاستماع للإذاعة…سماع محاضرة…ما تسوون شي مول))المسافات الطويله والزحمه تملل بالواحد فلازم نضيع وقتنا في السوالف بالموبايل أو سماع الاذاعات …
ليش يوم نكون ف السيارة ملاحظاتنا للأشياء تختلف يعني يوم نكون نسوق غير يوم نكون جنب السايق مع انه نمر ف نفس الطريق كل يوم تقريبا لان السايق اكثر شي يكون مركز عالشارع ع** اللي جالس جنب السايق يطالع يمين ويسار وفعلا يوم اكون راكب مع حد استغرب اقول البنايه هاي من وين طلعت والمحل هذا متى فتحوه!! وجي #teath
الله يسلمج وشكرا على المشاركه الجميله