سمعوا رأي شيبة في الكورة ؟

——–

يــــــــــــــــــــــــــــقـــــــــــول :
———–
الكورة

أنا تراني لو شيبة لكني أفهم كل شي وأعرف كل شي حتى لمباريات مال الكورة اللي تطلع في التلفزون واللي بعد يسيرولها في هاذيك البراحة الكبيرة المزروعه حشيش اللي لو كانت عندي كان ربيت فيها هوش وسويت من وراهن خير.. لعيال أحينه متخبلين على الكورة مرة يقرون الجرايد ومرة منسدحين جدام التلفزون ومرات سايرين لمباريات وما يضوون إلا نص الليل الواحد ميهود من البرد والعثرة يالسله كم ساعة يتحرطم ويزاعج على هاذيلا اللي يلعبون مرة يمدحهم ومرة يسبهم عاد كان ياي ورباعته مغلوبين تلقى ويهه مسود شرات الشيلة وكان غالبين بتلقاه يضرب هرنات وداخل وهوه يغني.

يوم من الأيام قلت بسير أطالع هاذي الكورة اللي يوم تستوي مبارتها ما تلقى حد في الشوارع وداني واحد من لعيال وشو أقولكم يوم دخلت خلق الله كلها متولفه تقول يوم القيامة لا حول ولا قوة إلا بالله والسيايير سادة الشوارع واللي شال أعلام واللي يدق معلاية واللي يرقص واللي يفر غراش ماي على الرياييل اللي لابسين فوانيل سود واللي مولفله ند حب أسود مستوي تقول بيبي متوه.

وهاي عثرها لعبتهم من يتقرب اللاعب عدال الحديده البيضاء وقفوا وصارخوا وان دخلت الكورة استوا الرقص والغنا وان ظهرت خاري لعنوا صير والديه وحليله أحين شوله خص كان حد ضيع عليه وإلا دزه وطاح أما هذا بو فانيله سوداء وحليله **ر خاطري يركض وراهم من مكان إلى مكان يحايز مبينهم وأسميه يصافر كل شوي وصفر ورفع يديه وطلع من هالكروت اللي في مخباه وهاذيلا اللي يالسين في الملعب البطاليه كل شوي وسبوه وشتموا أهله.. امبوني ساير بمسهم انه مب زين هالشكل يوم طالعت وراي لأنه واحد منهم كبر درام الماي قلت إن سرت أحينه وقلت له شي بيفرني من فوق لتحت وأنا روحي مت**ر ما رايم أمشي بعد أسير أزيد عمري عوق فوق أعواقي.

عقب شويه نقعت الضرابه بين اللي يلعبون أونه واحد منهم دز ربيعه ألين طاح وشلته الإسعاف واستوت الخبصة الشرطة من صوب وأصحاب الخير من صوب ألين ربي هداهم ولعبوا وصفر بو فانيلة سوداء يعني خلاص خلصت اللعبه ويالله كل واحد يلبس الباب.

لو تدرون عاد شو اللي استوي خاري الملعب ما بتصدقون حد ظهر ولقى سيارته م**رة وجامتها غادية بيز والليتات مطحونات وإلا مشخط عليها بمسامير ووين ما تمشي تلقى ضرابه واللي يصيح ويلات واللي طالع من الجامة واللي متعلق بالسيارة ودخاخين السيارات تقول مخبز وقافي تارسة الدنيا من الوهف.

رديت من الملعب مالهم ميهود وتميت راقد في البيت ثلاثة أيام ما رمت أنش كله من اليلسة اللي يلستها هناك والضيجة اللي ضربتني.. هاذي عثرها الكورة اللي يركضون وراها أحين عرفتها زين ما زين.. أقول أبوي روفوا بعماركم أحسن.

—————

الله يطول عمره …

تحياتي

مره ماماتي شافتي اطالع المباراه
جان تقول الصراحه هذيل صج فاضيين
20 لاعب يلحقون كوره مثل الميانين
ليش جذا هم بقرى … عطو كل واحد كوره
وخله يلحق وره …. ( شفتو االحل )

صدى الأحزان
لا إله إلا الله محمد رسول

تسلمون على المرور

"هي أتاريك بتربح الكاس كاس العالم

وأنا لو قلت لكم عن اللي قالته يدو

عن الموبايل شو بتقولون

تسلمين مريوم عالمشاركه

شو قالت يدتج عن المووبايل

وسألتها يدو شو رايج في الموبايل

ردت عليها يدو

هذا الموبايل مب في كل وقت يرمسوا فيه

وإن خلصتن منه حطنه فمخابيكن

أربعة وعشرين ساعه هلو هلو هلو ليش إحنا ما عندنا فلوس عشان نحطي لكن رصيد

وهالمسج ما إتي وراه إلا المخاسير

إلا مسج ومسج وأنا الصراحة يوم سمعاتها ترمس

أنا عاد شو يسكتني

تميت أضحك على فكرة حتى إنها تسمي الإيميل مسج

كله مسج مسج

مفروض الموبايلات تستخدم حق الضروره بس

بس اللي نشوفه هو الع** مسجات عالفاضي ومكالمات لانصاص الليل ولساعات طويله… بدون فايده

بس الايميل تسميه مسج ماشاءالله عليها

الله يحفظها حقكم ويطول بعمرها

—-
تسلمين مره ثانيه مريوم عالمشاركه

تسسسلم والله عجيب

ليش عمر ك 50