سالفه استوتلي فأيام الدراسه () 2024.

حبيت اقولكم سالفه صارتلي يوم كنت أول ثانوي

وها الموقف ما انساه

موقف عبيط ويموت من الضحك

مره انا واحد من ربعي خلاص فذاك اليوم مالنا بارض نحضر الحصص

وكان هالكلام الحصه الثانيه

وتحس الحصه خلاص استوت طويله

اول ما خلصت الحصه اقبض باب الصف وأظهر

وجان احصله قلت بو شباب تعرف طريقه نظهر

(( ترى المدرسه مسكره وما تروم تظهر منها إلا من الباب وكنا نحن نقردن الفراش ويبطل لنا الباب ))

خخخخخ

كنا نرشيه

او نوصله بيته ,دهان سير خخخخخ

المهم قال برمس الأخصائي قلت اوكي سير له وشوف شو بيسويلك

سار عنده وسواله طاف

ههههههه

سرنا عند الممرض وتعال تميرض عنده

ما بقينا شيء ما قلناه

بس اول شيء انا سرت قلت له مصدع وابا اريح فالبيت

قال هاك بندول وسير الصف

عاد انا اقوله من خاطري وايد عليك .. انا لو ييت عندك قلت لك فيني صداع ولا مغص ولا اي مرض

تراك بتعطيني بندول حق شو حاطنك هني عطو كرتون بندول للأخصائي احسن بدال ننزل تحت ناخذ عنك بس بندول..

وطلعت قلت حق ربيعي مافي فايده معاه

قال صبر شوي

سار عنده قال فيني مغص

انا ذيك الساعه ابا اضربه…قلت شو سويت يعني (( فخاطري ))

المهم

وما بقى غير 10 دقايق وتخلص الحصه الثالثه وتبدى الفسحه

وطبعا ما لقينا حل..

سرنا عند الشباب فالفسحه ونقول لهم السالفه عسب نشرد

قالولنا شيء دريشه م**وره فالحمام ((الله يعزكم))

مافي غيره او من صف م**وره دريشته

اقولهم شو خبيل انا اشرد من الطابق الي فوق اخشع ريلي

(( ترى قبل ربعي شردوا من دريشه المختبرات و**روا ريولهم ههههه ))

بس سكروها عقب السالفه

المهم

قلت حق ربيعي خلاص سرنا الصف بنشوف شو الوضع

سرنا

واتم اوايق بو شباب ماشيء مكان نتقبض فيه بننسدح اخرتها

تمينا نفكر قالي تعال بنسير المكان الثاني يقصد الحمام ((الله يعزكم))

وسرنا ونوايق قلت له نروم ننزل بس البقعه وصخه

قالي شو تبا تراك راد البيت بتسبح وبترقد

قلت فخاطري هي والله شو قعدني فهالمدرسه

وطبعا مكان ضيق ويوم تظهر تمسك بين يدارين لين تنزل تحت تبطل الحديد وتظهر

ويالله واعفدنا ونزلنا لين وصلنا تحت

هني مربط الفرس وقمه الغباااااااء

الباب مقفول بقفل لااااااااااااا

ذيك الساعه بصيح من القهر قلت له والحل قال ارد فوق

انا خلاص تعبت نفسبا

وطلعنا فوق وخيسنا كناديرنا

والقهر كندورتي ملونه وغامجه

يعني يبين التراب فيه

وطلعنا فوق

وجان نسير عند البوابه اشوف الفراش

وربيعي يسولف وياه وجان ابطل الباب ونشرد

طبعا شردنا بعد هلاك

بس ما انسى الموقف اني نازل من الطابق الي فوق لين تحت واخر شيء رديت فوق

بس أهم شيء رقدنا في بيوتنا عقبها هههههه

بس ما بوصف لكم شو شفت فذاك المكان تحت لأنه مكان مغلق فوق 10 سنين

جني داش مكان محد غير حمام وقطاو

هههههههههه

سمحولنا طولنا عليكم بالسالفه….