<== غادي لبناني بو الشباب
انزين اشحالكم عساكم طيبيين ؟
<== بقولكم سالفه صارت لي ..
كان يا مكان في قديم الزمان :
مره كنت رايح المدرسه انا وشله ( بدر و عزوز و سعود و حمود )
وصلنا متأخرين وماطاع المدير ( القصير) يدخلنا المدرسه .. وحاولنا وياه.. لكن راسه يابس ..ونحن انحوووووم ف هالشوارع … اتكرم عزوز باقتراح و قال :
وش رايكم انروح الوادي و السد .. قلنا خلاص تم .. ما شي شغله .. ونقظي وقت الين ما ينتهي الدوام .. وسمينا باسم الله و روحنا بموتر عزوز الكجره… تمينا نلف نلف نلف نلف لين ما دار راسنا .. ملل و ماشي ماي في الوادي بس الجو كان بارد..
و عقب ملينا و قلنا بنسير مزرعة الحمام الي في المنطة الثانيه…
اول ما وصلنا هناك بدر قام يتخقق و مسوي عمره خبير بالحمام
هذي هنديه و هذي شامسيه و هذي مصرول و ما ادري شو و هذي من با**تان و اسمها ما ادري شو ……. انا مليت من هاي السوالف
المهم
وانا سرحان ويالس افكر كيف بتخلص من ريحة الحمام اللي انشبت
فيني و الخياس مال الحمام و الطيور..وكيف بدخل البيت ..وكيف بواجه
تحقيقات الوالد و الوالده
شفت قفص عووووووود فيه طير عوووووووووووود قد درام ال**اله
الاخضر .. ……. لا لا عاد انا قمت اخورط .. مب قد الدرام.. بس عود وايد
انا طبعا ما اعرف شو اسم هذا الطير .. سألت بدر الفيلسوف العود
طبعا هذا ما يعرف يقول ما ادري
يعني اذا بتسأله سؤل بيرد عليك بأي اجابه حتو لو ما يعرف
المهم سألته عن اسم الطير
جان يرد علي و يقول هذا شاهين من با**تان ..
بسم الله
الحين انت اشدراك انه من با**تان
قام يحلف و الله انا ادري و اعرف اشكالهن
و سألته عن القيمه فقال تقريبا 3000 درهم
و عقب سألت الهندي قال هذا اكثر عن 150000 درهم
و تفشل بدر الي مسوي عمره فاهم و عارف كل شي
عقب ما سمع الهندي صاحب المزرعه…
…..
المهم عقب ملينا و طلعنا و سرنا على البحر و رقدنا من الساعه 12 لي
الساعه 2 و عقب ما وعينا…. قلنا بنرد البيت .. لأن تقريبا وقت الدوام
خلص .. و لازم انرد البيت و الا اهلنا بيسوون لنا حشره اذا تأخرنا.. المهم
قام عزووز يشغل السياره ………… السياره ما تشتغل
لحوووووووووووووول و لا قوة الا بالله
هذي البلوه بعد … عنالاتج من سياره ما تختربين الا الحين
فكرنا فكرنا شو انسوي… سار بدر و فتح البونييت و قام يتفلسف يمكن البطاريه
و يمكن البترول و يمكن و يمكن و قلت انت ما تعرف شي اسكت اسكت
و هو يقول انت الي اشدراك .. خلي الخبره لأصحابها … هههه اي خبره يا عمي
و عقب
طلع حمووود باقتراح
قال دزوا الموتر و انشالله يشتغل
دزينا دزينا و عقب ساعه اشتغل الموتر
و ردينا البيت و الحمدلله امي و بوي ما كانوا موجودين في البيت
على طول دخلت من الباب الخلفي و تسبحت و غيرت ثيابي
و بس
و محد عرف ان شردنا عن المدرسه
و لا كأنه شي صار
اسمحوا لي ان طولت عليكم …
بلاليط
والله ايام المدرسه حلوه بحلوها ومره…..دوم يوم اجتمع مع ربعي ايام المدرسه نسولف عن المدرسه وشو كنا نسوي….والله ذكريات جميله…
بس مسكين طردوا من المدرسه:D …انا شو كنت اسوي في الاستاذ بس عسب يطردني من الصف…بس هو كان فاهمنا عدل(الله يذكره بالخير)…و يوقفنا ورا:D 😎
و السموحه على الاطاله
لو زخزووووك اهلك جاان زين …… 😀
ومن عقب ها المره شردوا والا ؟؟!!!!!! :rolleyes:
هيه و الله صدق
ايام المدرسه احلى ايام و الله و خاصة وقت الشرده
الله
😀
تسلم اخوي على الرد
الوعد
و الله ما اذكر بس اعتقد ان هذي الشرده اخر شرده في حياتي 
بس عقب قمت اغيب و محد يسأل عني ..
راحه و الله 😉
بس الحمدلله افتكينا من الدراسه و خلصنا و نجحنا ..
بس الحين مشتاقين لها و الله ..
الا ليت الشباب يعود يوما … فأخبره بما فعل المشيب
مشكوووووووره اختي على الرد
بلاليط
ما قريت القصه طويله ..
اختصر منها بقراها .زهههههههههههههه
بس عطني انذار ..ppp
تدرين انا تميت ساعه اكتبها
اقريها احسن و الله
مب طويله وايد
يلا اتريا ردج
باي
يالله اختصر منها ……………
ppp
يو بتتفيجين اقريها
حلات القصه يوم تقريها ونتي متفيجه
تصبح على خير
#G#
و انتي من اهله
نتريا ردج عقب ما تقرين القصه
انا بعد بقولكم قصه مال ايام المدارس..
يقلك فلانه (يعني انا) كنت اتمشى ويا ربيعتي جان نجوف مدرستنا العيوز ….وهي تتخقق بساعتها مال 365مليون سنه…وبنظارنها مال قرن الفراعنه….المهم زختنا المدرسه…
ياربي شو يفكنا منها(كيفكن صبايا؟ شوعاملين؟جاهزين للامتحان؟……الخ)
عاااااااااد…الحين السالفه بتبتدي …
جان تقول ربيعتي يااااااااالله(فلانه) مدرستنا عندها ساعه كان يلبسها يددي قبل لا يموت…….حشا ما تن**ر..
جان اقول انا ولا النظاره ….متى بترحم نفسها وبتفصل ثانيه….الله يغربلها…. زطييه…
يقلكم…..يت حصتها الخامسه وهييه مبوزه….
يا ربي العيوز شفيها…
شوي ..شوي..ولا الحرمه شوي وبتصيح….
والله ..يا صبايا اليوم ان**رت الساعه والنظاره الصبح عند الطابور…
عاد دورونا انا وربيعتي هاذيج الساعه…كل وحده راسها تحت الطاوله تقول نعامات..
تستاهل العيوز الزطيه
ههههههههههههههه
مشكوووووووووووره اختي + عمر الزهور على القصه الحلوه
تسلمين و الله
بلاليط