مساكم الله بالخير
ودي اسولف وياكم عن سالفتي في صلاله .. ارض الاصاله باب كل النور
يعبر من خلاله 
.. المهم من سنتين سرت صلاله ويا اخواني و عيال خالتي و ربعي ..
طلعنا بموترين
المهم ان و حموود اخوي و بدر و عزووز و سعوود سرنا بسياره بروحنا..
و الباجين في موتر ثاني
و قبل ما نطلع اتفقنا ان نتمشى على راحتنا و نكون رباعه
المهم .. توكلنا على الي عينه ما تنام … طلعنا الظهر .. اول ما ظهرنا
من راس الخيمه.. حمووود اخوي مهوس على الريس .. مسرع .. يعني
انا الصراحه كنت خايف
حموود خف السرعه بلاك ؟
حموود : شووف لا تحشرنا ..
انا قفطت لوووووول
بس بدر سأله نفس السؤال … انت ليش تسرع ……؟؟ رد عليه انزل احسن لك من السياره سير اركب في السياره الثانيه .. هههه انا مت من الضحك ……. وييي ويي ويي قفطووووووه ..
انزين
و حموود مسرع …. و اشوي و يرن التلفون … تين تين تين … طلعت
امي
… شو اخباركم ووينكم ؟؟ هاااا تحملوا عن السرعه …. قال بدر….
هذا حموود الخبله مسرع و مب راضي يخفف السرعه
.. و امي تقوله اذا ما خف السرعه الحين ردوا….
حليلها امي تخاف علينا
المهم حموود خف اشوي … مب وايد شوي بس.. و امي تقول انشالله
توصلون بالسلامه و تدعي ربها حليلها ..
و احنا في الطريق ….انا رقدت …متعود…..و حموود بعده مسرع ..
بدر قام يقول و يردد .. و يغني
حمود خف
حمود خف
حمود خف
حمود خف
و اشوي يصك لك حمووووود برييييييك و قام يمشي عشرين ..
انا زغت الصراحه قلت حموود دعم بقره و الا بعير …….. بلاك ؟
يقول هذا بدر يباني امشي عشرين .. بنشوف متى بنوصل
انا ه**ت بدر لووووول اقوله تراك اذيتنا …. انزل انزل سير اركب
وياهم ……
قالي جب انته… ما عندنا يهال يرمسون
ارقد ارقد احسن
انا قفطت مره ثانيه ..:cool:
<== متعود
المهم عقب 15 ساعه وصلنا … اتأخرنا عشان حموود سار يشتري
مخفي و ما ادري شو و ركب قزوز و صوت مال ريس
المهم اول ما وصلنا……… خذنا لنا سكن في فلل .. مجمع سكني
………….. رتبنا اغرضنا و قعدنا خمس دقايق في البيت عقب طلعت انا
و عزووز و سعوود
قلنا بناخذ لفه
حمووود قالي انا ادري شي بيصير بس ماعليه
انا مب مسؤول
انا قلت له فالك طيب يا بوجسووم
انشالله ساعه و بنرد
قمنا نحووم و نتمشى في الشوارع
دخلنا من سكه لي سكه و من فريج لي فريج.. سرنا صوب العيون و
صوب الشلال
و عقب قلنا بنمر مركز البلديه .. هذا مكان المهرجانات
المهم عقب اربع ساعات قلت برد البيت.. ساعه …. صارت اربع
ساعات
و من هنا بدأت المشكله …..
ما ادل الطريج
سألت عزووز و سعوود
هاا وين البيت اي صوب
<== ما ندري …..
لايحوشك .. قمت اخبص يمين يسار .. فوق تحت
ادور البيت
ما حصلته
يا هي بلوى
😮 😮 😮
سعوود قال و الحين شو نسوي ؟.
قالي ليش ما نسأل ..
المهم شفنا عماني و سألناه وين منطقة السعاده ؟ و ما قصر و عقب
دلينا البيت
و احنا سايرين صوب البيت
شفنا تـفتيش
اوهوووووو و الموتر مضروب مخفي
وقفونا و سألونا وين التصريح و الليسن وين الملكيه ؟
عطيناهم الليسن … بس الملكيه ما اعرف وينها
و السياره بس بدون تصريح
قال انا عارف انكم من الامارات و شباب الامارات طيبين بس هذي المره
سماح بس المره الثانيه بحجز الموتر
انا فرحت 😀
قلت له مشكووووور الغالي
الله يكثر من امثالك و من هالخريط … انتوا طيبين و الله
و ما ادري شو …
😎
المهم
اول ما ردينا البيت
لقينا حموود يتريانا عند الباب 😮
و احنا باردين و لا جنه شي صاير
و قام يأشر بأيده 6 ساعات هااااااااااااااا 😡
تعالوا
وين سرتوا .. و ليش تأخرتوا ؟
هذا ويهي اذا عطيتكم الموتر مره ثانيه
ويا هالاشكال
سعود و عزوز عقووها علي… هذا الي اخرنا و قالنا سيروا هنيه و
بنسير الشلال و العيون و ما ادري شو
و لا جنهم كانوا وياي
😀 😀 😀 😀 😀 😀 😀 😀
المهم اول ما وصلنا حصلنا الغدا جاهز … تغديت و رقدت احلى رقاد 😀
و الحمدلله استانسنا و الله فى صلاله
مدينه حلوه وايد و الله و انشالله بزورها اذا حصلت فرصه
و السموحه لاني طولت عليكم
و اتمنى من كل واحد يقولنا سوالفه في السفر …
بلاليط
والله كنا في احد اسسفراات…وكنا ساكنين في شقه ع اليبل…
وكنا نازلين انا واخواني واعيال عموه الاولاد واختي وبنت اختي….
وطبعا فييه طريج خاص المفروض ننزل منه…عشان المنطقه وايد عاليه..
لكن ربيعتكم….شايفه عمرها غريندايزر….ونازله من الشارع الخاص بالسيايير..
وشوي…شوي…ولا الحرمه ما قادره تتحكم بعمرها….
الريول تتحرك بروحها…واخوي يصرخ…اااااي الهبله انتي وين سايره
وانا ساكته…اتيبست….ولا اشوي اخوي حس اني مو طبيعيه..
وركض وراييه عشان ايودنييه…وامييه واخواتي طبعا بالسوق…وانا لو طحت بينازعون اخوي لان هوه اللي مطلعنا…
واعيال عموتي طبعا اول ما حسوا اني مستحييل اعييش واني بطيح من فوق اليبل..
ضموا ريسانهم تحت ثيابهم….واختي تصيييح لان كنت مستحببل اعييش..
وشوي…..اشوي…برحمة ربش جان اتكربع على حصايه…وكان بيني وبين حد اليبل متر واحد….رحمه من الله
وقام اخويي يساعني(العيوز وقايتها طايره..ونعالها ناكزه وييين..تقول ملعوب فيهااا كرة قدم…
تتخيلون شو بيصير لو متت؟؟؟؟وايد اشياء…اولها راح ارجع بلادي بجنازه…الحمدالله …رحمته فوق كل شي..
بس ليش دوووم تتقفط… مسكييين أنت… 😀
الحمدلله ما صار لج شي
و الله يطول بعمرج و يوفقج دنيا و اخره
😀 😀 😀 😎 😎 😎
مشكووووووره على السالفه …..
هلا و غلا اختي
شو اسوي
كنت اصغر واحد
و تعرفين
لازم الصغير يكون ضحية
😀 😀 😀
مشكووووووره على الرد اختي
و انشالله بتوصلج طريقة العصيده 😎 😀
هيه و الله .. الحمدلله استانسنا وااااااااااااااااااااايد
مشكوووووره على الرد اختي
و نتمنى نسمع سوالفج في السفر
http://www.middle-east-online.com/tourism/?id=5257
هههههههههه أعمل دعايه…………….
😀
هلا و غلا اختي
😀 مشكووووووووووره اختي على المشاركه و الرد
الصوره الي في الرابط وااااايد حلوه
😀 بس ما سرت هذا المكان
يمكن سرت له بس ما اذكر
الله يعطيج العافيه
جزاك الله خير ننتظر مشاركاتك القادمة
مشكور الغالي….
أوكيه .. صلاله وايد حلوه…
….. زيننن المره الثانيه ويين .. بترووح .. فرنسا..
مشكوووووره اختي الغاليه على الرد
…………………..
مايد
مشكووووور اخوي على المشاركه
المره اليايه لا مب فرنسا
مكان ثاني
تبا تعرف وين
و الا اقولك ما يحتاي
كل شي بوقته حلو
مشكووووور على الرد
بلاليط