<center><img src=http://d1d.net/1/solamy818/eng_files/besm1.jpg></center>
<center>قال لي وين شغلك علمني
قلت له مدير في خورفكان
تحتي سبعين امعلم
هذي غير درزن صبيان
والصج اني امعلم
تقريري كل سنة تعبان
قال ان جان صج ياينه تخطب
عرسنه اليوم موب عرسنه زمان
بنتي هذي بنت ***وت
عنبر غالي موب اشنات
رابيه في عز وحشيمه
واغلى امن الدر والمرجان
إن جان ناوي تخطبها
كل شيء له قيمه وميزان
الشرط الأول فله
من دورين واربع حيطان
محد وياها غيرك
يسكن لا انسي ولا جان
والشرط الثاني افلوسك
في البنك تترس لها جفران
والشرط الثالث موتر
من امريكا مو اليابان
والشرط الرابع طباخ
يطبخ من كل الألوان
بنتي ما دشت مطبخ
ولا جاست سمج او ربيان
والشرط الخامس القيظ – الصيف
تقضيه كل سنة في لبنان
وتلبس فستانين كل يوم
واتدوس على ورد وريحان
قلت له اشروطك يا عمي
اسهل من تحرير الأوطان
ظنيتك بتقول لي روح
حرر لي القدس والجولان
اثبت انك موب طماع
وعقلك اكبر من ليسان
فشلت الخطبه وقمنا
كل واحد منا حمقان
ورجعت البيت امبرطم
وكنت طالع منه فرحان
الدنيا احظوظ والحظ شين
ما يجوف مثلات العميان
كل واحد حر في نيته
وكل في نفسه سلطان
في ناس تركض وره لفلوس
يعجبها الذهب الزنان
وفي ناس مقصدها الأخلاق
والشاب الزين الفهمان
آعرف شخص باع ***ته
حتى يتم ليله سكران
وآعرف شخص حط من مخباه
وزوجها ، وكان الريحان
والدنيا للحين بخير
والطيبين فيها أمنان
ضاعت في الطوشه الحوشه
والشاهين صادوه الغربان</center><BR><font size="1">[عدلت بواسطة fawar في 25-04-01 – 11:59 am]</font>
اتعيش وتاكل غيرها.. 😀
لكن الصراحة واااايد حلو الرد اللي عطيته اياه في الويه…..
يستاهل راعي الكرشة..
اخوكم و محبكم/ بوجابر
ت**ر الخاطر والله 🙁
بس دخيلك لا تبرطم 🙁
انا كنت متوقعه الشروط من قبل يا فواااااااااااااااار…..ليش عيل قلت لك خلني اخطفلك العروس…بس انته لا تبرطم على قولة مهياوه…..هااااااااااا شو قلت الين الحين خاطرك في العروس………..لا تخاف بيبلك اياها الين باب بيتكم انا وبوجابر بس انته لا تزعل اوكي………..
انطر ردك وبيشوف هذا ابو العروس شو بخلي نبيل يسوي فيه ….صح يا نبيل 😉 😉