أمس بالليل و أنا يالس في الحجرة،دخل عليّ عمّــووري(أخوي الصغير) و هو يصيح، قلت له اشفيك يا عموور ؟؟؟((عمره 12 سنة)).
قال لي: استوى لي شى اليوم يا محمد…!!!
قلت له: خيــر، شو اللي صار؟؟!!
قال:
(( اليوم الساعة 8…أنا و حمد ربيعي كنا نتمشى بالشارع،مرة وحدة نقز علينا واحد… و دار بينا هالحوار:
الريال: إشحالكم يا إخوان؟؟!…إنتوا فلسطينيين ؟؟؟!!!
أخوي و ربيعه : لا، مواطنين…
الريال : ماشاء الله عليكم منورين،ممكن تقولون لي أساميكم ؟!!
أخوي : عامر. … ربيعه: حمد.
الريال : إنزين..أنا أخوكم أحمد من ( … )، و انا جاي زيارة لدبي، و ما عرف حد فيها، و أنا ملان و محتاج أقعد مع حد أكلمه و أسولف معاه!!
أخوي : يا مرحبا بك في الإمارات،إعتبرنا كلنا إخوانك.
الريال : إنزين..إشرايكم نروح ((الكورنيش))؟؟؟!!!!
(أخوي سوى حركة بالموبايل بالكذب،أونه أهلي متصلين فيه و يقولون له رد البيت بسرعه).
الريال : ما دام ما تقدرون تتأخرون…إنسير هالمطعم( و أشر له بصبعه)…بس خمس دقايق.!!!
أخوي و ربيعه : أوكي…بس خمس دقايق…
(قام الريال و يوّد يد أخوي، و الأصابع في الأصابع!!!)…
المهم دخلوا المطعم…
الريال للهندي: في مكان فوق؟؟؟!!!!!!
الهندي : لا، مافي… فوق (full)…بس تحت…
المهم هالريال ال***،إختار طاولة في آخر المحل، و ما كان في حد حواليهم…
كانوا يالسين بحيث إنه هو و أخوي في جهة و ربيعه في الجهة الثانية…
طلب الريال لهم شاي… و أخوي و ربيعه عادي…ما حاطين في بالهم شئ…كلها خمس دقايق و يطلعون من المطعم.
(((المهم…مسك الريّــال يد أخوي.. وقام بأفعال مشينة
المهم و أخوي يقاوم و هو ينزل يده مرة ثانية:mad: .
وبعد قال الحقير : إنتوا ((تـتباوسون))؟؟؟!!
ربيع أخوي : شو يعني ((تـتباوسون))؟؟!!
قام ال*** و غير المعنى…فقال: (يعني تحبون بعض،تـتباوسون في العيد)؟؟؟!!!
أخوي: يالله حمد…قوم نطلع…
ال***: ليش؟؟!!…توّ الناس!!!!
المهم خلاهم يطلعون.. و رد أخوي البيت بسرعة و قال لي القصة…
المهم أنا احترت في أمره…شو أسوي..(أضربه…أنصحه…ما خلي يطلع برع البيت…أخبر أمي و أبوي و أخوي الكبير بالقصة)؟؟؟؟؟…
لو سمحتوا …هاذي هي القصة بين إيديكم… و هذا أخوي المحطم نفسياً و اللي مو فاهم شئ…
فهل من حل….جزاكم الله خيراً؟؟؟؟؟؟
_______________________________________
مع تحياتي أخوكم…
😡 😡 كوكب شمسي 😡 😡
واسال الله ان يوفقك في نصحه
والسموحه
أخوكم ولد بوظبي
انافي رايي ماتقول لحد وتحلها بطريقك لان هالمرة قالك اذا في شي المرة الثانيه مابيقولك:rolleyes:
ورايي مع الأخ ولد بوظبي
اخوي الموضوع ما ينسكت عليه … و خليك ورا هذا ال*** الي حاول يستغل اخوك …. و يوم تحصله روح انته و الشباب و علموه الأدب … و اذا تباني … افا عليك … دقلي بس 😡
_________
بس صراحة … و مع كل احترامي لك و لأهلك … انا احط الحق عليكم … الولد في هذا العمر لازم يوعونه اهله لهذي السوالف … و بعد لازم يكون عند الأهل فكرة عن الموضوع الي صار ….
نصيحة اخوية مب اكثر
تحياتي لك 
اخوك توة ياهل ما يعرف شي بالدنيا يعني لا تحط الوم عليه اخوي
دامه فتح صدرة لك خلك صديق معاه
بس من يوم كنا يهال بالمدرسه حتى يوصونه لا تركبون مع حد غريب او تسيرون مع حد ما تعرفونه
بس اخوك على نياته مسكين
اهم شي ما اعتده عليه والا ……….:( 🙁 🙁 🙁
اخوي اقول خبر اخوك الكبير اذا كان متفهم لهالسوالف يمكن ينصحك بشي
الي اكبر منك بيوم افهم منك بسنه
الله يعينك
لا اتخلونهم يظهرون برع بدون ماتعرفون وين هم رايحين ولا اتخلونهم يتاخرون بالليل وانصحوهم ووعوهم لهالامور وحذروهم انهم مايركبون او يروحون مع حد غريب لازم يعرفون لازم الاهل يخافون على عيالهم
مسكين أخوك ماله ذنب عشان تضربه ..
او ما تخليه يطلع من البيت ..
بس دامك أخوه العود أللي عليك انك تنصحه ..
وتقول له عشا يدير باله على عمره ..
لنه هذا الشي أذا حدث يمكن يسبب له عقده في المستقل..
ومن ناحيتي لو توعيه زياده على هاي السوالف عشان لا يقع فيها..
والسموحه
بما أن القصة حدثت وانتهت وصار اللي صار .. أنصحك أخوي
أن تحاول أن تنسي أخوك الصغير هالقصة بحيث تشغله بأشياء
ثانيه .. وما تحاول تفتح معه الموضوع مره ثانيه أبدااااااااااا ..
فنسيان تلك القصه هو الحل الأمثل لنفسيته ..
فرووووووووسي ..
انا قريت القصه وفهمت منها
من ناحيه اخوك ..فاخوك صغير بعده عمره 12 سنه ليش تعاقبه على شي مو ذنبه وبعدين قول الحمدالله ان هو قدر يطلع من عند الريال .في وايد من الناس اللي يحاولون يتقربون من اليهال اللي هذا العمر .
اعتقد اخوك كان متأخر بليل عشان جذي
حاول انك تكلم اخوك وما تخلي يتاخر بليل وايد لان هاي الاشياء كثرت في هالزمن .بس انته عليك المحافظه
وتوكل على الله
وحمدالله على ان رجع البيت بسلامه
أخي..الحمد لله أنها وصلت إلى هذا الحد..وإنما لم تصل إلى شيء أكبر..
أخوك الصغير ولا انتم عليكم شيء والغضب لا يحل المشكلة..
هذا الموقف يجعلكم في الأيام الياية أكثر حذر..
أخوك الصغير..عليك بنصحه وأن لا يروح مع أحد ما يعرفه..ونصيحتي لك أستر هذا الموضوع ولا تنشره..ما ينبغي أن ينشر مثل هذه الأمور…
وإذا وجدتم الفاعل فعليكم محاسبته..
وعليك أخي بكثرة الدعاء أن يحفظكم من الفتن والبلاء والمصائب…
صراحة تأثرت كثير..
نحن في زمن غريب ويجب مراقبة الأبناء وتحذيرهم من صغرهم بأن لا يذهبوا مع أحد من الكبار..ولا يركبوا مع أحد..
هذا الرجل الذي فعل هكذا..لو يعلم أن هناك قانون سوف يردعه أو هناك جلد وعقاب ما كان تجرئ على فعل ذلك..وكان مخبئ شيء أكبر من ذلك ولكن الله عز وجل حفظك أخاف..فأشكر أولا الله عز وجل..
نسأل الله يحفظ أبناء المسلمين..
اخوي انت فهم اخوك … ان مب كل الناس شراة الريال الوصخ اللي كان قاعد عن اخوك و ربيعه
و الا بيكره و بيشك في كل الناس
اطلع اتمشى وياه و حاول تطلعه من الجو اللي هو فيه
و احسن شيء ما يثق في الكل خصوصاً الغرباء
و الله يعينه … شوي شوي عليه تراه ما له ذنب يكفي اللي هو فيه
حاول تساعده و ترجع الثقة لنفسه