في محلات لبيع الحلويات او المكاتب اوالملابس يشتغـلوا فيها شباب من الجنسيه اللبنانيه أو السوريه
لكن السؤال هو ليش لما البنت تشتري شئ من هناك أو تطلب شئ أول رد حيكون من البائع هذا حيقول كرمال عيونك , من عيوني , ولا تحملي هم يا قمر عاااااادي جدا والبنت ممكن تبتسمله وممكن تسكت وتأخذ مقلب في نفسها بس السؤال المهم والمهم جدا جدا
تخيلوا مثلا مثلا لو ان اللي واقف في المحل مواطن بدل الاخ اللي بيبيع هذا ويت بنت وطلبت شئ وقال لها كرمال عيونك يا قمر .
او بما معناه لهجتنا
وش بيكون رد فعلها؟؟؟
1-كف محترم .
2-شتيمه تجرح بكرامته الارض.
3-نظره إستحقار قووويه.
4-جميع ماسبق.
يمكن الاستعانه براي الجمهور او الاتصال بصديق 😀
وصراحه هذيل السوريين عادي عندهم يقولون هذا الكلام لواحد يايب زوجته معاه ….يعني هذا الكلام ممكن يسوي مشاكل لاي واحد يايب اهله اوزوجته معاه
ومع تحياتي 
نظره إستحقار قووويه 😀 😀 😀
صراحه واحد من الربع مره سطر البايع كف ياب له فقدان ذاكره … لأنه قال هالكلام لأخته جدامه ..
أصلا المفروض البنت ما تعطي مجال لأي كان يقول لها هالرمسه ..
ولو كان مواطن اللي قايل الرمسه …بيحصل جميع ما سبق + الكرم النسائي … هاهاها
الله يهدي البنات … ويفكنا من هالبلاوي … الدنيا أستوت عجيبه …
والسموحه ..
أخوك ليمون
إن السوريين رجالهم وحريمهم تعودوا على ذا الكلام الحلو….
ولا تنسى دراكولا إن كثر الإ مساس يقلل الإحساس
انا ما اداني اشتري من عند واحد لبناني او سوري….اوووووووف…
امممممممممممم
على فكره احيد مره يوم سرنا العمره….كانت حرمه يايه تشتري من محل ذهب…وكان واحد سعودي يبيع…اسمحولي…..وطول الوقت هذا على ايدج حلو…وكلام ثاني…
سحبت اختي وسرنا محل ثاني….
بس الحرمه كانت عادي متقبله الامر….:rolleyes:
والسموحه:cool:
وبعد طلعة من الباب وما شي رده لها المحل ابدا
بعديين الحمد لله اغلب اللي يبيعون عنا ايرانيه 😀 😀
ما عندهم هالرمسة الماصخة
اذكر مرة سرنا دبي ودخلنا محل قطع ويالسين نشوف الثياب وقال السوري ما ادري اللبناني نفس هالرمسة شان نظهر من المحل وطبيناه هو وقطعه فوقه
بس الشي اللي يزيد عن حده ينقلب ضده:o
بالنسبه لي
-كف محترم . >>>>ما اتجرأ اعطي اي ريال غريب كف وييي
2-شتيمه تجرح بكرامته الارض. >>>>لساني مو زفر والحمدلله كفاية كلمة نعم
3-نظره إستحقار قووويه. >>>>>هذا اللي بسويه بس كيف بشووف نظرتي >>>>الكل يزيغ منها المشكله اني اتغشى
4-جميع ماسبق. لاسف ليس ايا مما سبق
طنش تعش واشرب شراب الحلوين تنتعش
والصراحة ما اعطي حد ويه لا لبناني ولا سوري ولا مواطن
علشان جيه يوم البائعيين اكونون من هذي الجنسيات ايخلوني اهلي انا ارمسهم >>>>حتى الوالدة وين مروج الله ياخذه هذا ما يستحي (يحليها والله )
😀
تحياتي لكم
اختكم الياهل
مروج#G#
ذكرتوني بسالفه واحد سوري راعي محل
المهم يوم البنت سالته بكم هذا ياحجي قال لها انا ماسرت احج بس سرت العمره بس قوليلي ( ياعمري)
لانه هذيلا اتعودوا على هاي الحركات البايخه واذا كل بنت ردت علهم وسبتهم يوم بتسمع ها الكلام الجميع (بيصطلبون) عدل ولا بيعيدونها مره ثانيه
تحياتي للجميع وشكرا لكاتب الموضوع
ولكن لا توجد حدود هذه الايام حتى ان السائق اصبح يعامل معاملة الاخ:(
انا عموما اتجنب ادخل محلاااتهم .. ولو كنت محتاجة لشيء منهم اخلي واحد من ريااايل البيت ايوون ويااايه
انا بقولك شي هاي الجنسيات متعوده ع ها الكلام في حياتهم .. ف هم يتحسبون يوم يقولونه شيء عادي .. ما يعرفون ان الناس الموجودين بها البلاد ما يدانونها ..
حتى ان مره كنت سايره محل ابوي عسب اخذ لي اللي يبيع لبناني قام يقولي ها الكلام جان اقوله نعععم !! سكت قال انا قلت شيء غلط!
قلتله هيه .. و يوم عرف ان ها الكلام ما يحبونه اهل البلاد اعتذر و ما قام يقولها مره ثانيه 😀
بالنسبه لي .. مثل murooj_girl لا بضربه كف ولا شيء بس بقوله نعععم !! و عقب بطالعه بنظره احتقار بس بيروم يجوفها لاني ما تغشى 😀
بس اذا كان الريال مواطن برد عليه بكلمتين .. اتعرفون ليش .. لانه عارف العادات و عارف طبع اهل البلاد و شو يحبون و شو ما يحبون .. و لان الشيء اللي ما يرضاه ع خواته لازم ما يرضاه ع بنات بلاده ..
و لا شو رايكم ؟!