لقد انتشرت هذه الايام ظاهره غريبه على مجتمعنا وهى ظاهرة
الدردشه عى الشات واصبح الصغير والكبير يدخلون هذه المواقع البعض
يدخلها للدردشه والبعض يدخلها للسب وقلة الادب والبعض الآخر
للصداقة والتعارف والبعض لاشباع شهواته .
فالسؤال اللى حبيت اسأله هل الشات سلبياته اكثر من ايجابياته ام
الع** وسلامتكم ام لايوجد له ايجبيات.
من وجهة نظري إن الشات له إيجابياته مثل ما إله سلبياته .. لكني أعتقد أن السلبيات فيه أكثر .. ذكرت إنت أن البعض يدخل للسب والشتم وقلة الأدب والبعض لإشباع رغباته !!! ومنهم للتعارف .. لكن هل تعتقد إن التعارف بمثل هذي طرق سليم .. لأسباب منها : إن كل واحد يمكن إنه يزيف شخصيته أو يظهر نفسه جدام الناس ملاك ماعليه كلام .. من جذي يصير محبوب بينهم والكل يبي ي**ب صداقته لكنه في الواقع ع** الظاهر .. إيجابيات الشات نادرة خصوصا وإن الفئة العمرية اللي يالسة تستخدم الشات صغيرة مب واعية ولا فاهمة الحياة بشكلها السليم .. مراهقين فقط لتضييع الوقت .. عن نفسي ولا مرة دخلت شات ولا جربت أدخله .. ولا بفكر أدخله 😀 😀
يسلموو على الموضوع ..
والسموحة ..
هذا والله اعلم:D
في رأيي ان العيب مش في فكرة الشات .. العيب في الاسلوب اللي تستخدم فيه هذه الفكرة …
يعني الشات حاله حال غيره وسائل الاتصال … مجرد وسيلة واحنا اللي نوجهها في الطريق اللي نباه .
وللأسف مثل ماتعودنا احنا العرب نستورد الافكار من الغرب وناخذ كل مافيها من سلبيات ونغض البصر عن ايجابياتها تماما …
يعني انا شفت مواقع شات اجنبية محترمة جدا ومتخصصة في الحديث عن امور علمية وبحثية … وممكن يستخدم الشات لانشاء ودعم مشاريع خيرية … وغيرها من الافكار الجيدة … لأن القدرة على الاتصال بأعداد كبيرة من النلس حول العالم في نفس الوقت شي مفيد ..
لكن للأسف لو نظرنا لمواقع الشات اللي عندنا بنشوف انها ماتتعدى التعارف والحديث في الامور المخلة بالحياء والادب للأسف …
يعني الواحد مستحيل يفكر بالخوض فيها … وصار مجرد الحديث عنها شبهه .