اخواني و خواتي
اول شي مبروووك عليكم الشهر و الله يتقبل طاعاتنا و يجعلنا من عتقاء الشهر الفضيل … اللهم آمييين
الموضوع هذا قريت عنوانه في واحد من المنتديات و حبيت انقله او اطرحه في منتدانا و كنوع من التفريغ النفسي … حبيت أسألكم السؤال هذا
هل وجدت في الحياة من يفهمك ؟؟؟
و من هو هذا الشخص / الأشخاص ؟؟؟
أخليكم و اتريا التفاعل مع الموضوع
تقبل الله من الجميع صالح الأعمال .. اللهم آمين …
موضوع حلووو .. مع أنه عمره ما خطر في بالي هذا السؤال …
هل وجدت في الحياة من يفهمك ؟؟؟
و من هو هذا الشخص / الأشخاص ؟؟؟
دام الشخص يكون صريح اعتقد هو ما يحتاج لحد يفهمه .. لأنه
كل شي واااضح وصريح .. لكن في ناس مب فاهمين نفسهم من الأساس .. هم هذيل اللي لاقين
صعوبه أنه حد يفهمهم .. وجهة نظر ..
أما عن الأشخاص .. فاعتقد أجرب شخص لهذا الانسان .. وكثيرا البيئة
اللي يطلع منها الشخص يعني أسرته .. وأحيانا أجرب أصدقائه ..
يعطيج العافية على الموضوع الحلووو ,,,
اول شي مبروووك عليكم الشهر و الله يتقبل طاعاتنا و يجعلنا من عتقاء الشهر الفضيل … اللهم آمييين
هلا وغلا بزميلة المهنة الله يبارك فيج ويتقبل منا ومنج ان شاء الله
هل وجدت في الحياة من يفهمك ؟؟؟
نعم
و من هو هذا الشخص / الأشخاص ؟؟؟
صديقتي المقربة مني جدا لكنها تاهت في زحمة الحياة وانقطع حبل الوصل بينا
وثاني شئ سؤالج وايد جميل مافي شخص في الدنيا مايسعى ويرجو ويتمنى إنه ير** بشخص ولو واحد بس يسمعه ولو كان يفهمه شو بيستوي… مرات أختي الكريمة يوجد شخص تلقين فيه كل شئ طيب ومواصفات خيره وتستفيدين منه ولو بالقليل ولكن لحظات ويتلاشى كل شئ أما لموت عزيز أو جفا أو زواج أو ملل أو غربة … وتظل الدائرة تدور مرة ثانية ويتكرر الأمر ونلقى غيره وشخص له أيضا مواصفات رائعة ولايدوم الحال… وهاي الحياة نكافح فيها ونسعى ونتعب حتى ياتي اليوم اللي نجد النص الثاني مثل التفاحة اقسميها نصفين نصف لج والنصف الثاني لابد لها شخص بيكون يفهم ويقدر ويحترم كل شئ فيج وهاي الاقدار مرات لج ومرات لغيرج…وأنا عن نفسي وجدت في لحظة شخص عزيز بالرغم من بعده عن داري وانشغال كلانا عن الاخر إلا من اعاني من أمر سبحان الله أول شخص ألقاه يتصل ويحس بأمري وهاي تآلف في الارواح سبحان من خلقاها وسواها…
ومرة ثانية لج مني كل التقدير والإحترام والموضوع جداً رائع….
ننتظرج / أختج حنين الماضي….
مشكوورة اختيه ع الموضووع
يعني يبرر لك كل تصرفاتك ورغباتك؟
يدخل داخل قلبك ويعرف اللي فيه؟
يتقبل منك أي شي حتى لو كان غلط؟
نحن علينا بالظاهر من الناس
وكل ما كان الشخص واضح مع غيره
كل ما كان سهل أنه يفهمه
أما منيه والدرب تبغي خلق الله يفهمونك
فهذا ما يستوي
إلا واحد عاشرك عشرة طويلة
وعرفك زين ما زين
حتى هذا بيظل يجهل بعض جوانب نفسك
وموضوع أن الواحد يدور واحد يفهمه
عشان يصادقه أو يشاركه أو يتزوج منه
هذا كله وهم وسراب
المعرفة الجيدة بأي شخص يبغي لها خبرة وياه
وعشرة ومراقبة في أحوال مختلفة من شدة ورخا
يمكن يحصل توافق في النفسيات والأذواق والطباع
لكن التوافق التام شي نادر يا جماعة أو أقرب للمستحيل
لأن اختلاف الناس من آيات الله عز وجل
يعني لازم تتنازل شوي وترضى بنسبة مقبولة من التوافق
وسلمتوا
من العنوان يبان عليه اني المقصود منه ^_^
ونقولج تقبل الله من الجميع وعساه ينعاد علينا بالخير والبركة
هل وجدت في الحياة من يفهمك ؟؟؟
و من هو هذا الشخص / الأشخاص ؟؟؟
للأسف لين يومج هذا مروا علي ناس أنواع وألوان مختلفة , وأنا اعرفهم زين ما زين
قمة في الأخلاق والأدب واللي بينا والحمد لله أسمى من المصلحة والفلوس
بس للأسف اللي تقولي يفهمني وافهمه ومصاحب وياي في روحاتي ويياتي صعبة هذي الفترة
لانه اللي كنت وياه وااايد بسبب ظروفه الصعبة خلتنا نفارج بعض وما نتلاقى إلا شوي
بس الحمد لله التواصل بينا على طوول وباجي العلاقات قوية بس مب لدرجة فهمي
ومشكوورة اختي ورد الجوري على هالمواضيع الحلوة اللي اشتقنا لها من زمااان : )
وعساكم ع القوة
درام الحب
إن شاء الله بتحصين حد يفهمج … لأن صعب الانسان يعيش و هو حاس محد يفهمه
الحنين
شراة ما قلتي الغالية .. كل شس يعتمد على الانسان نفسه و لما يكون صريح مفروض الكل يفهمه … بس بعد مشكلة اللي ما يفهم شو معنى الصراحة … و البيئة لها دور كبير في الموضوع هذا و طبيعي يكون اجرب واحد و اكثر واحد يفهمج هو واحد من الأسرة …
معلمة شموخ النخيل 
الله يجمعكم على خير انتي و ربيعتج و شراة ما قلتي احنا عندنا حد يفهمنا بس مب دوم نحصله جدامنا عسب نرمسه و نفهمه و يفهمنا …
حنين الماضي
اختي الحياة فيها لقاء و فراق … و وايد مواقف تمّر علينا نتمنى نحصل فيها حد يفهمنا … و حلو لما نحصل اللي يفهمنا و الأحلى لما ننسجم ويا الانسان /الانسانة هذي و نستمر ويا بعض …
lovely boss
الحمد لله انج حصلتي اللي يفهمج و إن شاء الله تقوى علاقتج بربيعتج و تكونون دوم على تواصل
جلد على عظم
اخويه يمكن انا ما حددت السؤال و السؤال يحتاي احدده اكثر … نظرتك التحليلية للموضوع عيبتني و شراة ما قلت الواحد منا يحتاي يعاشر غيره لمدة طويلة عسب يفهمه و يفهم غيره و تبقى لحظات و مواقف ما نعرف كيف نفسرها …
الصريح جداً
الكل مقصود بالموضوع هذا اخويه
اخويه لازم بتحصل اللي يفهمك و لو كان شخص واحد في حياتك … شفت كيف انته حصلت حد يفهمك و حلو انه ربيعك … الله يجمعكم على خير في الدنيا و الآخرة
يزاكم الله خير جميعاً على تواصلكم و بارك الله فيكم
و مبرووووك عليكم شهر الرحمة والله يجعلنا من عتقاء الشهر الكريم … اللهم آمين
المشاركة الأصلية كتبت بواسطة ورد الجوري 
[COLOR="purple"]وعليكم السلام
اول شي مبروووك عليكم الشهر و الله يتقبل طاعاتنا و يجعلنا من عتقاء الشهر الفضيل … اللهم آمييين
الله يبارك فيج يا الغاليه
الموضوع هذا قريت عنوانه في واحد من المنتديات و حبيت انقله او اطرحه في منتدانا و كنوع من التفريغ النفسي … حبيت أسألكم السؤال هذا[/COLOR]
هل وجدت في الحياة من يفهمك ؟؟؟
بصراحه بعدني
ياريت ألقي مثل اللي في بالي
من البنت اللي تفهمني
ياريت اللقى
و من هو هذا الشخص / الأشخاص ؟؟؟
أخليكم و اتريا التفاعل مع الموضوع
يسلم ع الموضوع
دوووومج متميز بمواضيعج
المشاركة الأصلية كتبت بواسطة صمت الجرووح دوووومج متميز بمواضيعج
إن شاء الله الغالية … إن شاء الله بتلاقين اللي تفهمج و تفهمينها
و الله يسلمج و يزاج الله خير على المرور الحلو بالموضوع و بارك الله فيج
ولكن كما قال الجميع بان المشاغل فرقت بيننا ولكن والحمدلله على تواصل ولو انه ليس كما كان
بوركتي اختي الغاليه وجزاك الله كل خير
ودمتم