كنت عائد من سفر بعيد
وصلت البيت الساعة 11 مساء وانا منهك
القوى
واستلقيت في فراشي في غرفتي بالملحق في حديقة المنزل
ولم يمضي على نومي الا دقائق الا واحس ان الغطاء ( البطانية )
تسحب مني وتقذف خارج السرير
قمتم من النوم خائف
قلت هذا من التعب انا اتوهم
تعوذة من الشيطان ونمت مرة اخرى
وحدث لي نفس الشي بعد فترة
خرجت من الغرفة وذهبت الى غرفة الجلوس اشاهد التلفزيون حتى ظهور الفجر
—
في اليوم التالي
قلت لأخواني الكبار المتزوجين ماحصل معي
ضحكوا علي قالوا لي العزوبية وماتسوي من هلوسة
تزوج بس
بلعت كلامهم وضحكت ولا قلت شي
المهم جا وقت النوممممممممم
وما ادراك ما النوم
قرية اية الكرسي والمعوذات وارقد ياولد
وبعد مدة صحيت على صوت خرفشة وطقطقة
قمت من فراشي ابي اشوف شصاير
فتحت الباب
الا وهاك القطو ( القط ) الاسود قدام وجهي
وهو يحط رجلة ويطمر الجدار
قلت ياولد هذا قطو لا توسوس ولا تروح بعيد
رحت انام وعدت ها اليلة على خير
—
اليوم الثالث خبرة اخواني بالي صار
قالوا يارجال لاتوسوس مانخبرك خواف لهدرجة
قلت ماهيب مشكلة انشالله يجيكم ماجاني عشان تشوفون
المهم جاة الليل وجا وقت النوم وكالعادة قريت ماتيسر من القران
وحطيت راسي ونمت وبعد فترةمن النوم الحلو
ماشعرت الا والبطانية تنسحب مني وانا بكامل وعيي
عينك عينك اشوفها يوم تنسحب
انا هينا ادور الباب حق الغرفة
ماهي حالة ذي
تشجعت ومدري شخلاني
اقول(اذا فية احد بالغرفة يكلمني ويقول شيبي واردد كلامي
ولا فية فايدة الا لمة قلت تكلم والله ماني بخايف ولاني بهارب منك
اذا فية احد يرد ويقول ليش مذيني) طلعا من اكلمة وانا خارج الغرفة والباب مفتوح – في كلامي هذا سمعت صوت شاب( صوت فقط وكانةمن بعيد ) نعم وشتبي
وافترت فيني الدنيا وبديت ارجف وتلعثمت وقعدت اقرا من القران واتعوذ ومافي فايدة قال لاتتعب عمرك انا مثل مسلم
قال هاة شفيك خفت ياخواف
وانا اتشجع قلت طيب دامك مسلم ليش تأذي المسلمين اللي مثللك
قال انا ضربتك قلت لا قال زين شلون اذينك
قلت انت ها الحين ماخليتني انام وبكرة ورانا دوامات قعد يضحك
والله ياجماعة صدق
قلت طيب انت من وين
قال انا من الاحساء قلت وشعندك جاي عندي براس تنورة
قلة عليك بيوت الحساء قال لا بس كلها قريبة عندنا ماعندنا بعيد
بعدين انت تضحكني =( *** حرام متكي معانا بالمجالس ويتسمع لنا )
سئلتة شسمك قال حانتروش
انا من ها اللحظة والخوف طلع مني واحس اني اكلم شخص
خبرتة ان اللي يسوية غلط وابيك اتعاهدني انك تطلع من عندي ولا تأذي احد من اهلي
قال انشالله انت تامر ( واللله ياجماعة نشمي بغيت اعزمة على ذبيحة )
— خبرة اخواني بالي صار ولا واحد صدق منهم حتى لدرجة انهم قالوا لبوي اني موسوس ومهلوس
الوالد كلمني قال انت صحيح اللي صار معك باللحظة هذي قلت اكيد بيدخلوني مستشفى نفسي ةيحسبوني مجنون
قعدت اضحك هههههههههههه لالا امزح مع اخواني اكذب عليهم
انا انقهرت قلت لأخواني انا مجنون هاة ؟!!!!!!!!!!!
لالا شدعوة منت بمجنون بس اللي تقولة خبال مايصدقة العاقل
قلت طيب تبون تتأكدون
وردوا ووجيهم متقلبة اية اية
خير انشالله
جا وقت النوم صوت حانتروش عليك باخواني
بس لاتذيهم تكفى
واليوم الثاني جايين لي وهم عيونهم مبحلقة فيني والله صدددددددق صدق
والله منت بصاحي انت ماتخلا لحالك
انا هينا مت من الضحك عليهم
وجاني صاحبي بنفس اليوم ميت من الضحك والله هبلت بخوانك
خوافين مهوب مثللك
قلت لة المهم عاهدني انك ماتقرب لواحد من اهلي
قال اعهدك عهد ما اذي احد يعز عليك
وفعلا خبرة اخواني بالي صار
وانهم ياخذون راحتهم بنوم وعليهم الامان
وانا صاحبنا طلع من البيت
والصدق انة ماطلع وكل اسبوع او اسبوعين يسولف معاي
(صوت فقط ) مثلا انا داخل المجلس اكون اسمع صوتة كانة خارج المجلس بصوت واطي
او انت كنت خارج المكان تسمعة انت وكانة داخل المكان او الغرفة
والله اقسم بالله ياجماعة اني انس وحشتي
قبل 3 ايا اخوي اللي عمر 12 سنة جايني يركض وهو يضحك يقول ان
بنت اخوي اللي عمرها سنتين تطالع بالجدار وتكلم بكلمات وتضحطك
قلت بس هذا خوينا
ناديت البنت قلت شفيك وش تشوفين
قال بكلام غير مفهوم واللي فهمتة انها قالت
رجال عيونة كبير ويطلع لسانة ويطامر
قلت لأبوها بالي صار
قال اية هي والله العظيم اني شايفها تركض كانها تلحق لها شي لين وصلت وراد الدولاب وتصرخ تقول اطلععععع يا**** يا*** اطلع
اخوي يقول لا يكون خويك رجع
قلت لالالالالالا ماحلوللك بيني وبينة عهد انة مايذي احد
اطمئن من كلامي هذا
عاد المهم اني امس اكدة علية يقلع عن ملاعبة الاولاد الصغار
وفعلا اقلع عنها
بنهاية انا ادري انة بيكون هناك ردود استهزاء
وتكذيب وعدم تصديق لكن هذا كلة مايهمني
والسلام ختام