بالنسبه لعلاقات الاعضاء في المنتدى اريد اعرف شو هي نوع العلاقه؟!!
صراحه استغرب من شخص يقول بانه يعزني ويحترمني ويقدرني ويعتبرني شرات اخوه
وبالاخر اكتشف ان الكلام اللي يقوله مش من خاطره يعني مجرد كلام ومجامله
انزين ليش يااخي خلك صريح واذا رسايلي او سؤالي عنك يزعلك صارحني
صدقني ماراح تشوف اي رساله مني ولا بسأل عنك حتى
اتمنى من الاعضاء انهم مايبالغون في الوصف ويبتعدون عن المجاملات
رساله لبعض الاخوه اللي عرفت قدري عندهم
والسموحه
يا كلاسيكي هنالك أحاسيس ومشاعر للإنسان تجعله يحس بالتقارب الروحي مع البعض وبالتنافر مع البعض الآخر .
لأننا هنا أصبحنا تقريبا نعرف بعضنا البعض ليس كزملاء في منتدى بل كأخوة وأخوات نعيش تحت سقف واحد وإن أبتعدت بنا أحيانا المسافات الجغرافية !!!
ولكن لايغرنك شعورك فأحيانا من تحبه لايحبك ومن لا تحبه يحبك والع** أيضا صحيح !!!
شكرا
بصراحه انا حاس انك متضايج وايد من شي حصل لك من احد الاعضاء…
الله يعينك على ما اصابك…
بالنسبه لي الاعضاء والعضوات مثل اخوان واخوات بالنسبه لي…
واذا احتاجوا مني شي ان شاءالله ما بقصر…
ممكن بعض الاعضاء يكونون بمثابة ربع وهالشي بالفعل حصل مع عدة اشخاص والحمدلله…
هاي هي علاقتي مع الاعضاء والعضوات…[/align]
اليوم تشوفهم بويه وباجر بويه ثاني
واغلبيه منهم منافقين لدرجه
عشان جيه اطنش وما احب احتك بالاعضاء وايد
واعتبر الكل هنيه اخواني وخواتي لانه هالمكان بيتنا الثاني
مب من سنه او سنتين موجوده عشان اودر المنتدى او ازعل بسببهم
بس اذا اي حد سال عن شيء او احتاي مساعده مني ماراح ابخل عليه
واذا شفت حد مضايج مني او غيره فاني ابتعد عنه واطنش
والسموحه اخويه واتمنى انك ماتضايج من حد يمكن في شخص يتحاشاك او يكرهه بس في اكثر من واحد يحترمك ويعزك … والسموحه مره ثانيه اني تدخلت وطولت عليك 
[/align]
منو زعلك قولي … قولي و شوف شو بسوي فيه[/grade]
(سوالف)
[align=center]_____________[/align]
[grade="00008B 00BFFF 00008B 4B0082"]الناس انواع الغالي, اذا بعضهم شي من طبعه النفاق فهذا لا يعني الكل نفس النوعية
و ربي يشهد كثر نعزك و نحترمك[/grade]
[align=center]_____________[/align]
[grade="00008B 00BFFF 00008B 4B0082"]اما نقطة الإبتعاد عن المجاملات … انا معك فيها و خاصة في الرد على المواضيع
خلنا نبتعد شوي عن الرسميات يا جماعة الخير, حلو النقد بعد
السموحة عن الإنقطاع[/grade]
اخوي كلاسيكي الناس اجناس وكل منهم وله نوعيته .. في ناس تجامل وتنافق بس عسب تمشي
وفي ناس تسأل بس تستحي .. وفي ناس ما يهمها غير المظاهر والذات
اخوي اللي ما يعبرك وتحس منه منافقة ومجاملة لا تعبره ولا تسأل عنه خله بروحه بحس
وبرد ويسأل
هذيل قوم المصالح والنفاق ذيابه ولازم تستوي ذيب شراتهم
مثل ما يقولك
عيش عمرك ذيب تسلم من مخاليب الذيابه
المشاركة الأصلية كتبت بواسطة ملك التزويد 
يمه .. كلامه يخوف ..
@@@@@@@@@@@@@@@@@@@
أولاً :
"إلتمس لأخاك سبعين عذراً "
ثانياً:
لا تعصب و تخلي الغضب يأثر فيك ..
إستفسر قبل لا تحكم .. يمكن تكون ظالم الشخص هذا
ثالثاً:
خلك مثلي
لأني دوم أقول في مثل هالأمور:
مب أنا اللي خسرت .. الناس هم اللي خسروا وحدة مثلي ((أدري شوي خقاقة))
رابعاً:
امسحها فيني أخوي ..
و إنت تدري قدرك عند كل الأعضاء و إن قمت تقطعنا وااايد.
إزرع بذور الحب .. تلقى البذور أغصان
عيـــــــــــــــون 
الحــــــــــــــب[/align]
مب على مبادئ واخلاق غيرك
يعني لا ياثر فيك الناس وتعاملهم سو الي يرضيك والي تشوفه صح بغض النظر عن ردود الافعال
لو دخلت قاعة اجتماعات وقلت السلام عليكم ولا حد رد عليك السلام بتطلع
اذا طلعت انت غلطان لان مبادئهم واخلاقهم اثرت فيك
بالع** ادخل وقول ليش ما تردون السلام لا اكون داش بيت ابو جهل وانا ما ادري
وسلامتكم
ملاحظه
شو رايكم فيني وانا اتفلسف هههههه
المشاركة الأصلية كتبت بواسطة AnacondA يا كلاسيكي هنالك أحاسيس ومشاعر للإنسان تجعله يحس بالتقارب الروحي مع البعض وبالتنافر مع البعض الآخر .
لأننا هنا أصبحنا تقريبا نعرف بعضنا البعض ليس كزملاء في منتدى بل كأخوة وأخوات نعيش تحت سقف واحد وإن أبتعدت بنا أحيانا المسافات الجغرافية !!!
ولكن لايغرنك شعورك فأحيانا من تحبه لايحبك ومن لا تحبه يحبك والع** أيضا صحيح !!!
شكرا
مرحبا اخويAnacondA كلامك منطقي وصحيح كفيت ووفيت اخويه يعطيك العافيه
المشاركة الأصلية كتبت بواسطة al-3in^king بصراحه انا حاس انك متضايج وايد من شي حصل لك من احد الاعضاء…
الله يعينك على ما اصابك…
بالنسبه لي الاعضاء والعضوات مثل اخوان واخوات بالنسبه لي…
واذا احتاجوا مني شي ان شاءالله ما بقصر…
ممكن بعض الاعضاء يكونون بمثابة ربع وهالشي بالفعل حصل مع عدة اشخاص والحمدلله…
هاي هي علاقتي مع الاعضاء والعضوات…[/align]
مرحبا بك اخويه بوحمد
مثل ماقلت ممكن بعض الاعضاء يكونون بمثابه ربع او اقل من ربع
ومنهم مايواطنونك انا مااطلب من الاعضاء انهم يحبوني كل اللي ابغيه
انهم يبتعدون عن المجاملات شويه
تسلم عزيزي بوحمد