بالاول حذفو توقيعها والحين موقفين حسابها ولغو الموضوع اللي نزلته
الصراحه الاسلوب هذا ماتعودنا عليه
ممكن نعرف منو من المشرفين سوى الحركه هاي وليش ؟
الصراحه صارت خربطه في المنتدى هذا وكل واحد يلعب على كيفه
وبالنسبه للتواقيع ياجماعه كل واحد حر في نفسه يحط التوقيع اللي يباه
الا اذا كان يتنافى مع الشريعه الاسلاميه
مافي داعي حد يتدخل في الاشياء هاي انتو شو تبغون تطفشون بالاعضاء
ممكن حد يرد علي ….
وبالنسبه للتواقيع ياجماعه كل واحد حر في نفسه يحط التوقيع اللي يباه الا اذا كان يتنافى مع الشريعه الاسلاميه
غلطان يا خوي …في شرط آخر ..أيضا لصاحب الموقع ..و هو عدم وضع صور ذات أرواح في التواقيع
عالعموم ..اللي وقف الأخت غلا الإمارات ..بيرد عليك …
و السموحه منك خوي
أنا بغيب لمدة اسبوع (اعذرني إذا ما رديت عليك خلال هذي الفترة)
مع السلامه
يا اخي الفاضل توقيع الاخت غلا الامارات ما اتغير الا بعد ما نبهناها اكثر من مرة بخصوص الصورة
والصور اظن تم تذكيركم فيها بعدم احتوائها على صور ذات ارواح وهذا امر وامر ثاني اداري لان الكثير من الاعضاء يحط صورة كتوقيع عرضه متر …. ونبهت اكثر من مرة وقضية الاقناع التي تريد ان نقنعها هذا راجع لها .بنفسها تقدر تقتنع وتقدر ما تقتنع .
واما قضية انه التوقيع ايكون فيه صورة بطالة بعد هذه اللي ناقصنا .
يكفي يا اخي ان لو اي احد اكبر منك ومسؤول معك في العمل انك اتطيعه اما قضية ان الواحد ما ايحب يسمع الأوامر هذي …ويخالفك شو انسميها ؟
ويكفي يا اخي وقتنا الثمين اليي نقضية في المنتدى الذي الواحد اسرته اولى بهذه الوقت وتخيل نفسك بعد كل التنبيه والتحذير والرسايل الي راح تاخذ وقت مش بسيط والبلبلة على اشووو صورة
يا اخي اتغيرها واتخلص نفسها من القيل والقال …. أسوة ببقية الاعضاء .
وموضوعها موجود في الملاحظات دقق جيدا مكانه المناسب .
وقضية انها اترد اتعدل في التوقيع ..شو يعني المشرفين صاروا عندكم لهالدرجة مالنا اي رصيد من الاحترام والتقدير .
والا صرنا يهال .
http://www.uae4ever.com/vb/showthread.php?t=96835
والمنتدى الحمدلله لا فوضى ولا شي ولو كان فوضى ابعد عن الفوضى .
على العموم المشرفين ما يابو الموضوع من روسهم والامير تقدر تسأله عن تواقيع الصور .
ونتمنى كل واحد ياخذ الامور ببساطة والنظام حلو وما يزعل .
انزين وتوقيعي صوره عاديه رسم يعني …
فشو مشكلته ..
انته عضو قديم وفاهم المنتدى زين
بالنسبة للعضوه
ما تابعت الموضوع من اول
ولكن كل اللي يسويه الامير من صالح المنتدى
وانشاء الله الجميع يتقيد بالتعليمات
افردوها .. وامشوا مع القوانين .. والمنتدى حلو وبيكون أحلى بالنظام 
أتمنى إنه الكل يفهم قصد المشرفين " 
إخوانــي عيل يوم بصير أنا بعد مشرفة وياهم بتبهدلونــي جي
فعلاً .. منتدى الإمارات للأبد بيتي الثاني و انتوا هلي و أحبائي في الله وانا اشكر الاخ كلاسيكي على وقفتة معايه وانا ماراح انسى
جميلك انت المفروض تستحق انك اتكون مشرف
والسموحه منكم
و حلو كل شي يكون بالهدوء
و بالهدوء و النقاش كل شي ينحل
اتمنى ان الشي هذا ما يتكرر… و اقول لأختي غلا الامارات الحمد لله على السلامة … و الله يوفق الجميع
والي عنده اي شي عندكم الرسايل الخاصه مافي داعي لمثل ها الامور تكون عامه بين الاعضاء