الولد عليه حرارة ناولني ميزان الحرارة في شنطتي .. رحت مسعتجلا وإلا ذيك الشنطه الصغيره ، لكنها بثقل طن أو أزيد .. تهيبت من شوفتها لأنها كانت منتفخه جدا ( مليئه ) .. قلت في بال بالي ( كخخخخ حلوة في بالي بالي 😀 ) لا تكون هذي شنطة الشغاله ( لأن فيزتها تبي تنتهي وشفطت اللي في البيت ) لا لا وش يجيب شنطة الشغاله هنا .. بس عن الشكه أخذت الشنطه لأم العيال .. هذي شنطتك قالت : ايه ، بس شفيك اتنهد ( تلهث ) ؟ قلت : من ثقلها يا بنت الحلال .. وش حاطه فيها لو شايل كبت غرفة النوم كان أحسلي 😀 قالت : عن الربربه ( امحق هذي الكلمه ما أحبها .. يعني الثرثرة ) قلت : طيب .. فتحت الشنطه ( ياااااااااااااا لهوي ) إيه كل الحاجات ديت ، شف الشنطه بعد الترتيب ..
ولو إنك شايفها قبل كذا والله تروع تبي تقول وش لقيت ، طيب اسمع فتحت الشنطه وإلا متغطية بورق محارم متناثر على كل الشنطة .. تقول مغطيه ذهبها مو حوايجها .. وتحت المحارم مناديل صدريه حق الولد ، وتحتها اسكت ساكت .. أدويه ، وحبوب ، وعلبة بودرة ، وحمرة شفايف ، وكريم أساس ، وكحل ، و زجاجة عطر ، ومرآة صغيره ، ومقراض للأظافر ، و مبرد أظافر ، وطلاء للأظافر ، ومزيل لطلاء الأظافر ، ومقص ، وإبرة ، وملقاط ، وبكرتين خيوط .. بيضاء وسوداء ، وعلبة محارم ورق ، وعدسات ، و مشط ، و فرشاة ، وبكلات ، ودفتر ذكريات ودفتر ثاني للمراسله ، ودفتر صغير لأرقام الهواتف ، وقرآن وكتيب حصن المسلم ، ورضاعات للولد ، وحفاظاته ، ولهايه ، وبقايا م**رات وكاكاو ، وعلك وأشياء ما أعرفها ، بس العجيب إنها حاطه في الشنطه مفاتيح الدولاب كلها .. وحاطتهن في مداليه ( يعني ذرابه ) 😀 والأعجب من هذا كله إنها حاطه شنطتين صغيرتين في شنطتها 😮 فتحت الأولى وإلا الخرده ( الفكة ) تتناثر منها هذه ( 100 فلس ) وهذه ( 50 فلس ) وهذه ( 20 فلس ) وفتحت الشنطه الثانيه وإلا فيها أربع طباقيات ، الطباقي الأول للنقود الورقيه ، والثاني لبطاقات المطاعم والحلويات ، والثالث : لحفظ صور العائلة .. طبعا حاطه صورتي ( إحم إحم ) 😀 وصورة العيال وأهلها ، والرابع : لأعواد الأذاني والأسنان ( كخخخخ ) 😀 ثم لقيت في الشنطة سحابي .. قلت : أكيد أن ميزان الحرارة فيه .. فتحته وإلا ألقى أقلام ومراسيم وبراية وشغلات ما عرفتها .. قلت : ما بدهاش بأه .. ناديت أم العيال وعطيتها الشنطه وقلت هاك دوري على الميزان والأدول .. وأخذت الولد ولاعبته لحد ما نام وهي ما لقت حاجتها .
يمكن تبي تقول : إيه هذه حرمة متزوجة وأغراضها كثيرة .. أقولك : لا الزود عند البنت .. وأكثر ما في شنطتها صور الممثلات 😀 وترى تفخيم الشنطة عند النساء شيء طبيعي .. أصلا ما تعرف البنت كبرت إلا من شنطتها شف الصورة وأنت تصدق ..
فنصيحه :
على كل بنت إذا بغت حاجه من شنطتها إنها تدور عليها قبل خمس دقائق على الأقل ، وإلا ستضطر لأفراغ الشنطه من جميع محتوياتها ، وكان الله في عون نون النسوة .. وفي عوني من تعليقاتهم .. 😀
________
القصة خيالية أحببت من سردها الملاحة والطرافة .. ولذلك كتبناها بالعامية ليسهل تقبلها .. فنعتذر لمحبي اللغة وحماتها .
نون النسوة دومها ذكية .. ما تخلي شي للظروف ..و الاحتياط واجب 😀
يسلموا #G#
مب شنطة هاي مدرعة مصفحة 😀 😀 😀 😀
لا والله بس شنط الحريم تنقذ في مواقف …
عند التعب تلاقي عندهن الأدوية …
في المواقف المحرجة لما ينقطع شي من ثيابك عندهم الخيط والإبرة وشغل ثواني وانت خالص ..
وغيره … وغير …
بس تسلم على القصة المليحة …
[/c]
خلاص الحين ما بشل شنطه يد بشل شنطه سفر يوم بسير السوق شو دراني شو
بحتاي 😀
والسموحه تسلم ع الموضوع اللي 😀
يحليلنا نحن….. ما نخلي شي
( الاحتياط واجب )
يسلمووووووووووو
كل شي هذي شنطه
لكن الاحتيــــــاط واجـــب [moved] لكن الاحتيــــــاط واجـــب [/moved]
عيالنا ولازم يهتمون فيهم بكل وقت واي مووت:cool:
عسب ما اتبهدل وانا ادور..:D